კონტაქტი

საქართველოს კომუნიკაციების ეროვნული კომისია (შემდგომში “კომისია”) აღნიშნავს, რომ “კერძო საერთო რადიომაუწყებლობაზე ლიცენზიის მისაღებად კონკურსის გამოცხადების შესახებ’’ კომისიის 2007 წლის 18 მაისის N255/10 გადაწყვეტილებით გამოცხადებულ კონკურსში, 2007 წლის 20 ივლისის N 398/10 გადაწყვეტილებით გამარჯვებულად გამოცხადდა შპს ”ოდიში”.

კომისია აღნიშნავს, რომ “კერძო საერთო რადიომაუწყებლობაზე ლიცენზიის მისაღებად გამოცხადებულ კონკურსში გამარჯვებულის გამოვლენის შესახებ“ კომისიის 2007 წლის 20 ივლისის N 398/10 გადაწყვეტილების შესაბამისად, შპს ”ოდიში”-ს მიერ გადახდილ იქნა სალიცენზიო გადასახდელის 30% - 3098.75 (სამი ათას ოთხმოცდათვრამეტი ლარი და 75 თეთრი) ლარი, სალიცენზიო გადასახდელის საწყისი ოდენობის წინასწარ გადახდილი 10%-ის – 1032.75 (ერთი ათას ოცდათორმეტი ლარი და 75 თეთრი) ლარის გამოკლებით - 2066 (ორი ათას სამოცდაექვსი ლარი) ლარი საქართველოს ცენტრალურ სახელმწიფო ბიუჯეტში.

“მაუწყებლობის შესახებ” საქართველოს კანონის 36-ე, 38-ე და 43-ე მუხლებისა და კომისიის 2007 წლის 20 ივლისის N 398/10 გადაწყვეტილების საფუძველზე, კომისიამ

გადაწყვიტა:

1. მიეცეს შპს ”ოდიშს” კერძო მაუწყებლობის N B 92 ლიცენზია, ოთხი გადამცემის გამოყენებით, 21-ე სამაუწყებლო ზონაში, 10 წლის ვადით;

2. ლიცენზიის სახე: კერძო რადიომაუწყებლობა;

ლიცენზიის სახეობა: საერთო რადიომაუწყებლობა;

3. მაუწყებლობის გავრცელების გეოგრაფიული ზონა და ტექნიკური პარამეტრები:

გადამცემის

განთავსების

ადგილი

სიხშირე

(მჰც) FM

ზოლის

სიგანე

(კჰც)

პოლარ

იზაცია

V / H

გასხივება

გადამცემის

სიმძლავრე

(ვტ)

გეოგრაფიული

კოორდინატები,

სიმაღლე ზღვის

დონიდან (მ)

სიმაღლე

მიწის

ზედაპირიდან (მ)

ზუგდიდი,

ზუგდიდის ტვ ანძა

102,9

300

წრიული

1000

N	42	30	7.3
E	41	53	7.3
H	145

45±10

წალენჯიხა

წალენჯიხის ტვ ანძა

104,9

300

წრიული

500

N	42	37	39.6
E	42	3	29
H	300

40±10

ჩხოროწყუ

შპს ”კოლხეთი 89”-ის ანძა

107,1

300

წრიული

500

N	42	31	14.1
E	42	7	32.6
H	184

25±5

ჯვარი .

ჯვარის ტვ ანძა

103,2

300

წრიული

500

N	42	43	31.51
E	42	3	25.2
H	485

35±5

4. შპს ”ოდიში” ვალდებულია:

ა) მაუწყებლობის პროცესში დაიცვას “მაუწყებლობის შესახებ” საქართველოს კანონის მე-3 მუხლის შესაბამისად განსაზღვრული მაუწყებლობის სფეროში მოქმედი კანონმდებლობა;

ბ) თავის საქმიანობაში დაიცვას პირთა უფლებები, თავისუფლებები და კანონიერი ინტერესები, წინასწარ აცნობოს მომხმარებელს მომსახურების პირობების შესაძლო ცვლილების შესახებ;

გ) კომისიას წარუდგინოს მის საქმიანობასთან დაკავშირებული კომისიის უფლებამოსილების ფარგლებში მოთხოვნილი ნებისმიერი სახის ინფორმაცია, მათ შორის მაუწყებლობის პროცესში რადიოპროგრამების გავრცელების უფლებამოსილების დამადასტურებელი დოკუმენტაცია; ყოველკვირეულად გამოაქვეყნოს მომდევნო კვირის პროგრამების განრიგი, პროგრამის დასახელებისა და მოკლე ანოტაციის მითითებით;

დ) წარუდგინოს კომისიას ინფორმაცია “მაუწყებლობის შესახებ” საქართველოს კანონით დადგენილი რეგულირების საფასურის გაანგარიშების თაობაზე და კანონმდებლობით დადგენილი წესისა და ვადების დაცვით ჩარიცხოს თანხები კომისიის ანგარიშზე;

ე) გამოყენებული ტექნიკური საშუალებები და განხორციელებული მომსახურების ხარისხი შეუსაბამოს საქართველოს ტერიტორიაზე მოქმედ ნორმატივებსა და სტანდარტებს, იქონიოს შესაბამისობისი სერთიფიკატი;

ვ) დაიცვას გამოყენებული ტექნიკური საშუალებების ექსპლუატაციის წესი;

ზ) დაიცვას ყველა ის პირობა, რომელიც მის მიერ კომისიაში ლიცენზიის მისაღებად წარდგენილ განცხადებასა და თანდართულ დოკუმენტაციაში არის ასახული, მათ შორის განახორციელოს მის მიერ წარმოდგენილი სამაუწყებლო კონცეფცია;

თ) უზრუნველყოს, საჭიროების შემთხვევაში, ლიცენზიით ნებადართული საქმიანობისათვის მოქმედი კანონმდებლობით გათვალისწინებული ნებართვების მიღება;

ი) მაუწყებლობის სფეროში მოქმედ კანონმდებლობაში ცვლილებების შეტანის შემთხვევაში, მათთან შესაბამისობაში მოიყვანოს ლიცენზიით განსაზღვრული საქმიანობა;

კ) შექმნას არქივი და არანაკლებ 1 თვის განმავლობაში შეინახოს პროგრამები;

ლ) მიიღოს ყველა ზომა პროგრამებში მოყვანილი ფაქტების ჯეროვანი სიზუსტის უზრუნველსაყოფად და დროულად შეასწოროს შეცდომები. უზრუნველყოს ფაქტების ზუსტი და სამართლიანი გაშუქება, ფაქტისა და აზრის მკაფიო გამიჯვნა და აზრის ავტორის იდენტიფიცირება. დაიცვას ”მაუწყებლობის შესახებ” საქართველოს კანონით განსაზღვრული სხვა შინაარსობრივი ვალდებულებები.

მ) ყოველწლიურად გამოაქვეყნოს და კომისიას მიაწოდოს “მაუწყებლობის შესახებ” საქართველოს კანონის 61-ე მუხლით გათვალისწინებული ინფორმაცია;

ნ) წერილობით აცნობოს კომისიას კომპანიის პარტნიორის, აქციონერის, წევრის, დირექტორის ან გამგეობის წევრის ცვლილების შესახებ, ცვლილების განხორციელებიდან არა უგვიანეს 10 დღისა.

ო) არა უგვიანეს ყოველი წლის 1 მაისისა კომისიას წარუდგინოს გასული წლის საქმიანობის ანგარიში საქართველოს კანონმდებლობისა და სალიცენზიო პირობებისა მოთხოვნათა შესრულების, მიმდინარე წლის საქმიანობის გეგმისა და დაფინანსების წყაროების შესახებ. ანგარიშს უნდა დაერთოს აუდიტის დასკვნა.

5. ლიცენზიის მფლობელის ვალდებულებები - სალიცენზიო პირობები გათვალისწინებულია საქართველოს კანონმდებლობითა და ამ გადაწყვეტილების საფუძველზე გაცემული ლიცენზიით;

6. უზრუნველყოს პრაქტიკული საქმიანობის დაწყება ლიცენზიის მიღებიდან 1 წლის განმავლობაში;

7. უზრუნველყოს რადიოსიგნალების ხარისხიანი მიღების ხელმისაწვდომობა სამაუწყებლო ზონის 90%-სათვის “მაუწყებლობის შესახებ” საქართველოს კანონის მე-40 და 76-ე მუხლის მოთხოვნების შესაბამისად;

8. უზრუნველყოს ლიცენზიით ნებადართული საქმიანობის დაწყებამდე 10 დღით ადრე, კომისიისთვის მის მიერ მაუწყებლობის პროცესში რადიოპროგრამების გავრცელების უფლებამოსილების დამადასტურებელი დოკუმენტების წარდგენა;

9. სალიცენზიო გადასახდელის საწყისი ოდენობის დარჩენილი 70% ანუ 7228.75 (შვიდი ათას ორას ოცდარვა ლარი და 75 თეთრი) ლარის გადახდა განხორციელდეს ლიცენზიის მოქმედების ვადის პირველი წლის განმავლობაში, შემდეგი რეკვიზიტებისა და გრაფიკის მიხედვით:

მიმღები	ხაზინის ერთიანი ანგარიში
ბანკი	სახელმწიფო ხაზინა
კოდი	220101222
ანგარიშის N	200122900
სახაზინო ქვეანგარიში	300423010
დანიშნულება	სალიცენზიო გადასახდელი

602.40 ლარი - 2007 წლის 3 სექტემბრამდე;

602.40 ლარი - 2007 წლის 3 ოქტომბრამდე;

602.40 ლარი - 2007 წლის 3 ნოემბრამდე;

602.40 ლარი - 2007 წლის 3 დეკემბრამდე;

602.40 ლარი - 2008 წლის 3 იანვრამდე;

602.40 ლარი - 2008 წლის 3 თებერვლამდე;

602.40 ლარი - 2008 წლის 3 მარტამდე;

602.40 ლარი - 2008 წლის 3 აპრილამდე;

602.40 ლარი - 2008 წლის 3 მაისამდე;

602.40 ლარი - 2008 წლის 3 ივნისამდე;

602.40 ლარი - 2008 წლის 3 ივლისამდე;

602.40 ლარი - 2008 წლის 3 აგვისტომდე.

10. დაევალოს კომისიის აპარატის ადმინისტრაციულ დეპარტამენტს:

ა) აცნობოს შპს ”ოდიში”-ს გადაწყვეტილების მიღების თაობაზე (ნ. ჯავახიძე);

ბ) გადაწყვეტილების ინტერნეტში კომისიის გვერდზე გამოქვეყნება (ნ. ჯანელიძე);

გ) სათანადო მონაცემების კომისიის სალიცენზიო რეესტრში შეტანა (დ. კიკნაძე).

11. დაევალოს კომისიის აპარატის მაუწყებლობის რეგულირების დეპარტამენტს:

ა) “ლიცენზიებისა და ნებართვების შესახებ“ საქართველოს კანონის მე-13 მუხლით გათვალისწინებული მონაცემების სახელმწიფო სალიცენზიო რეესტრში გატარება და ლიცენზიის გაცემის თაობაზე ინფორმაციის „საქართველოს საკანონმდებლო მაცნეში“ გამოქვეყნება (ა. შუშანაშვილი);

ბ) სალიცენზიო მოწმობის გაცემის უზრუნველყოფა (მ. აროშიძე).

12. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, სარაჯიშვილის ქ. N 1ა) ერთი თვის ვადაში;

13. კონტროლი აღნიშნული გადაწყვეტილების შესრულებაზე დაევალოს კომისიის აპარატის მაუწყებლობის რეგულირების დეპარტამენტს (გ. რატიშვილი).

კომისიის თავმჯდომარე

ზ. ნონიკაშვილი

კომისიის წევრები:

დ. პატარაია

გ. ფრუიძე