შპს „კორტესი-გიდაგოსთვის” რადიოსარელეო სიხშირის მინიჭების შესახებ

  საქართველოს კომუნიკაციების ეროვნული კომისია (შემდეგში “კომისია”) აღნიშნავს, რომ შპს ”კორტესი-გიდაგო”  ფლობს კერძო მაუმწყებლობის B7 ლიცენზიას (ვადა 23.09.2015) და ლიცენზიის ტექნიკური პირობების შესაბამისად, სპეციალიზებულ (სპორტული) რადიომაუწყებლობას ახორციელებს ქ.თბილისში 96.3 მჰც სიხშირეზე 1.0 კვტ გადამცემის გამოყენებით.

 შპს ”კორტესი-გიდაგომ”  კომისიას მიმართა განცხადებით (შემოსული №7/2242-07, 02.08.07), საქართველოს კომუნიკაციების ეროვნული კომისიის მიერ 2006 წლის 13 იანვრის გადაწყვეტილებით №13/13, 13.01.2006  ქ.თბილისში,  რადიოსარელეო კავშირისთვის სტუდიიდან (სპორტის სასახლე) – მთაწმინდის ანძამდე  მონაკვეთზე შიდასაწარმოო და ტექნოლოგიური დანიშნულებით, არაკომერციული   მიზნით  ერთი წლის ვადით მინიჭებული სიხშირის (14331.00±7 მჰც) ახალი ვადით მინიჭების მოთხოვნით.

   ”მაუწყებლობის შესახებ” საქართველოს კანონის 75-ე მუხლის მე-2 პუნქტის შესაბამისად, კომისიამ

გადაწყვიტა:

1.  მიენიჭოს შპს ”კორტესი-გიდაგოს”   სიხშირე 14331.00 ± 7 მჰც  ქ.თბილისში  რადიოსარელეო კავშირისთვის მონაკვეთზე სტუდია (სპორტის სასახლე) – მთაწმინდის ანძა,  სამაუწყებლო სიგნალის მისაწოდებლად  დამხმარე  ტექნოლოგიური   დანიშნულებით, ლიცენზიის მოქმედების ვადით (ვადა 23.09.2015);

2.  აღირიცხოს შპს  „კორტესი-გიდაგოსთვის”   მინიჭებული სიხშირე კომისიის უწყებრივ რეესტრში (რ.ქურდაძე);

3.  საქართველოს   კანონმდებლობის   ცვლილების   შემთხვევაში შპს  „კორტესი-გიდაგოსთვის”   სიხშირის მინიჭების საკითხი შესაბამისობაში იქნეს  მოყვანილი  კანონმდებლობასთან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტაციულ კოლეგიაში (ქ.თბილისი, სარაჯიშვილის 1 ა ) 1 თვის ვადაში;  

5. კონტროლი   აღნიშნული    გადაწყვეტილების   შესრულებაზე  დაევალოს რადიოსიხშირეთა მართვის, მონიტორინგისა და კოორდინაციის დეპარტამენტს  (ს. შავგულიძე).

კომისიის თავმჯდომარე                                                                  ზ.ნონიკაშვილი

კომისიის წევრი                                                                                 დ.პატარაია

კომისიის წევრი                                                                                 გ. ფრუიძე