უკრაინის ტერიტორიაზე არსებული რადიოსამაუწყებლო სადგურის კოორდინაციაზე უარის თქმის შესახებ

     საქართველოს კომუნიკაციების ეროვნულმა კომისიამ (შემდგომში “კომისია”) განიხილა უკრაინის რადიოსიხშირეთა და ტელეკომუნიკაციების ზედამხედველობის სახელმწიფო ცენტრის წერილი (№ 11.3-05/10990, 07.09.07.) თანდართული ტექნიკური მახასიათებლებით უკრაინის რადიოსამაუწყებლო სადგურისთვის SIMFEROPOL – 1359  KHz (Geneva 7.5 გეგმაში დამატება)  მინიჭებული სიხშირის კოორდინაციის შესახებ.

კომისია აღნიშნავს, რომ რადიოსადგური SIMFEROPOL – 1359 KHz, თანდართული ტექნიკური მახასიათებლებით გამოიწვევს სრული ხელშემშლელი ელექტრომაგნიტური ველის დაძაბულობის გაზრდას Geneva 7.5 გეგმით საქართველოსთვის განაწილებული რადიოსადგურ  SUKHUMI -01350 KHz-თვის.

   “მაუწყებლობის შესახებ” საქართველოს კანონის მე-5 მუხლის მე-3 პუნქტის “ლ” ქვეპუნქტისა და   მე-8 მუხლის მე-3 პუნქტის შესაბამისად, კომისიამ

გადაწყვიტა:

1. უარი ეთქვას უკრაინის რადიოსიხშირეთა და ტელეკომუნიკაციების ზედამხედველობის სახელმწიფო ცენტრს უკრაინის რადიოსამაუწყებლო  სადგურის SIMFEROPOL – 1359        KHz  კოორდინაციაზე წერილის (№ 11.3-05/10990, 07.09.07.) დანართში  აღნიშნული  ტექნიკური მახასიათებლებით;

2. გადაწყვეტილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი,  სარაჯიშვილის ქ. № 1ა) ერთი თვის ვადაში;   

3. კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის, მონიტორინგისა და კოორდინაციის დეპარტამენტს (ს. შავგულიძე).

კომისიის თავმჯდომარე                                                                  ზ. ნონიკაშვილი

კომისიის წევრი                                                                                 დ. პატარაია

კომისიის წევრი                                                                                 გ. ფრუიძე