კონტაქტი

საქართველოს კომუნიკაციების ეროვნული კომისია (შემდგომში ”კომისია”) აღნიშნავს, რომ ”ელექტრონული კომუნიკაციების შესახებ” საქართველოს კანონის მე-11 მუხლის პირველი პუნქტის შესაბამისად, ელექტრონული კომუნიკაციების სფეროში კომისია დამოუკიდებლად ახორციელებს ავტორიზირებულ პირების საქმიანობისა და ლიცენზიის მფლობელების მიერ რადიოსიხშირული სპექტრით ან/და ნუმერაციის რესურსით სარგებლობის რეგულირებას, მათ შორის, ნორმატიული და ინდივიდუალური სამართლებრივი აქტების მიღებას, მათი შესრულების მონიტორინგსა და კონტროლს, გამოვლენილი დარღვევებისათვის ამ კანონით განსაზღვრული უფლებამოსილების ფარგლებში, ამავე კანონითა და საქართველოს ადმინისტრაციულ სამართალდარღვევათა კოდექსით დადგენილი სანქციების დაკისრებას.

”ელექტრონული კომუნიკაციების შესახებ” საქართველოს კანონის მე-11 მუხლის მე-3 პუნქტის ”ზ” ქვეპუნქტის თანახმად, კომისია უფლებამოსილია ელექტრონული კომუნიკაციების სფეროში საქმიანობის ავტორიზირებისა და რადიოსიხშირული სპექტრით ან/და ნუმერაციის რესურსით სარგებლობის ლიცენზიის პირობების დაცვაზე განახორციელოს ზედამხედველობა და მათი დარღვევისას გაატაროს კანონით გათვალისწინებული ღონისძიებები, ხოლო 43-ე მუხლის პირველი პუნქტის შესაბამისად, კომისია აკონტროლებს ავტორიზირებულ პირთა მიერ ელექტრონული კომუნიკაციების სფეროში საქართველოს კანონმდებლობის, კომისიის დადგენილებებითა და გადაწყვეტილებებით განსაზღვრული მოთხოვნებისა და ვალდებულებების შესრულებას.

კომისია, აგრეთვე აღნიშნავს, რომ ”ელექტრონული კომუნიკაციების შესახებ” საქართველოს კანონის მე-19 მუხლის მე-2 პუნქტის ”ბ” ქვეპუნქტის შესაბამისად, ავტორიზირებული პირი ვალდებულია შეასრულოს ელექტრონული კომუნიკაციების სფეროში საქართველოს კანონმდებლობა, მათ შორის კომისიის დადგენილებები და გადაწყვეტილებები.

”ელექტრონული კომუნიკაციების შესახებ” საქართველოს კანონის 43-ე მუხლის პირველი პუნქტის შესაბამისად 2007 წლის 1 ნოემბერს, კომისიის აპარატის მონიტორინგის დეპარტამენტმა (ც. უჯმაჯურიძე), ჩაატარა შპს ”ბლუმფინ ლიმიტედის” საქმიანობის შემოწმება და შეადგინა შემოწმების აქტი №27. შემოწმების აქტში მითითებულია, რომ შპს ”ბლუმფინ ლიმიტედს” რადიოსიხშირული სპექტრის სარგებლობის № F7 ლიცენზიის შესაბამისად, პრაქტიკული საქმიანობა კვლავ არ აქვს დაწყებული.

კომისიის აპარატის სამართლებრივი დეპარტამენტი აღნიშნავს, რომ შპს ”ბლუმფინ ლიმიტედი” პრაქტიკული საქმიანობის დაუწყებლობის გამო კომისიის 2007 წლის 27 აპრილის № 209/28 გადაწყვეტილებით უკვე გაფრთხილებულია და აგრეთვე მის მიმართ 2007 წლის 27 ივლისს №418/18 გადაწყვეტილებით გამოყენებულია ”ელექტრონული კომუნიკაციების შესახებ” საქართველოს კანონის 45-ე მუხლით გათვალისწინებული ჯარიმა.

”ელექტრონული კომუნიკაციების შესახებ” საქართველოს კანონის 54-ე მუხლის შესაბამისად, კომისიამ 2007 წლის 2 ნოემბერს დაიწყო ადმინისტრაციული წარმოება შპს ”ბლუმფინ ლიმიტედის” № F7 ლიცენზიის გაუქმების შესახებ.

ადმინისტრაციული წარმოების პროცესში ზემოაღნიშნულმა კომპანიამ არ წარმოადგინა მტკიცებულება, რაც გახდებოდა საფუძველი კომისიაში დაწყებული ადმინისტრაციული წარმოების შეწყვეტის.

ყოველივე ზემოაღნიშნულის გათვალისწინებით ”ელექტრონული კომუნიკაციების შესახებ” საქართველოს კანონის 54-ე მუხლის შესაბამისად, კომისიამ

გადაწყვიტა:

1. გაუქმდეს შპს ”ბლუმფინ ლიმიტედის” № F7 ლიცენზია.

2. დაევალოს კომისიის აპარატის ადმინისტრაციას (ნ. ჯავახიძე) აღნიშნული გადაწყვეტილების გაგზავნა შპს ”ბლუმფინ ლიმიტედისათვის” დაზღვეული საფოსტო გზავნილის სახით;

3. დაევალოს კომისიის ადმინისტრაციულ დეპარტამენტს (ნ. ლორთქიფანიძე):

ა) სათანადო მონაცემების კომისიის სალიცენზიო რეესტრში შეტანა;

ბ) ”ლიცენზიებისა და ნებართვების შესახებ” საქართველოს კანონის მე-13 მუხლით გათვალისწინებული მონაცემების სახელმწიფო სალიცენზიო რეესტრში გატარება და ლიცენზიის გაუქმების თაობაზე ინფორმაციის ”საქართველოს საკანონმდებლო მაცნეში” გამოქვეყნების უზრუნველყოფა;

4. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, სარაჯიშვილის № 1 ა) ერთი თვის ვადაში;

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის მონიტორინგის დეპარტამენტს (მ. გოთოშია).

კომისიის თავმჯდომარე ზ. ნონიკაშვილი

კომისიის წევრები: დ. პატარაია

გ. ფრუიძე