კონტაქტი

საქართველოს კომუნიკაციების ეროვნული კომისია (შემდგომში ,,კომისია”) აღნიშნავს, რომ წერილებით (№7/06 10.01.08, №7/07-08 10.01.08, №7/53-08 13.02.08, №7/80-08 05.03.08) კომისიას მიმართა შპს ტელეკომპანია რუსთავი 2-მა, მისი კუთვნილი №B9 ლიცენზიით (კერძო საერთო საეთერო ტელერადიომაუწყებლობა) განსაზღვრული სამაუწყებლო სიხშირეების სხვა დეციმეტრული არხებით შეცვლის მოთხოვნით, შემდეგ ქალაქებში: ახალქალაქი, ახალციხე, გორი, წალკა, ოზურგეთი და ჩოხატაური.

შპს ტელეკომპანია რუსთავი 2-ის განმარტებით, აღნიშნული განპირობებულია კომპანიის ტექნიკური მოწყობილობების გადაიარაღების გამო, კერძოდ, გერმანულ ფირმა ”RHODE & SCHWARZ”-სგან ახალი სატელევიზიო გადამცემების შესყიდვით, რომლებიც მხოლოდ ზედა მეტრულ და დეციმეტრულ დიაპაზონებში ფუნქციონირებენ.

კომისიის აპარატის მაუწყებლობის რეგულირების დეპარტამენტის აზრით, ლიცენზიის მფლობელის მოთხოვნა დასაბუთებულია და არ ეწინააღმდეგება საქართველოს კანონმდებლობას.

შესაბამისად, შპს ტელეკომპანია რუსთავი 2-ის განცხადების საფუძველზე, კომისიის აპარატის მაუწყებლობის რეგულირების დეპარტამენტის მიერ ,,მაუწყებლობის შესახებ” საქართველოს კანონის 45-ე მუხლის პირველი პუნქტის ბ) ქვეპუნქტის შესაბამისად, 2008 წლის 11 აპრილს, დაიწყო საჯარო ადმინისტრაციული წარმოება შპს ტელეკომპანია რუსთავი 2-ის №B9 ლიცენზიის მოდიფიცირების და კომისიის 2005 წლის 18 ნოემბრის №716/1 გადაწყვეტილებაში ცვლილებების შეტანის მიზნით.

საკითხის ზეპირი მოსმენა ჩატარდა 2008 წლის 11 აპრილს 16.00 საათზე.

კომისიამ მიზანშეწონილად მიიჩნია შპს ტელეკომპანია რუსთავი-2-ის №B9 კერძო საერთო საეთერო სამაუწყებლო ლიცენზიის მოდიფიფიცირებისა და კომისიის 2005 წლის 18 ნოემბრის №716/1 გადაწყვეტილებაში ცვლილებების შეტანის თაობაზე გადაწყვეტილების მიიღება ზეპირი მოსმენის სხდომაზევე.

,,მაუწყებლობის შესახებ” საქართველოს კანონის 45-ე მუხლის პირველი პუნქტის ბ) ქვეპუნქტისა და საქართველოს ზოგადი ადმინისტრაციული კოდექსის 63-ე მუხლის თანახმად, კომისიამ

გადაწყვიტა:

1. მოდიფიცირებულ იქნას შპს რუსთავი 2-ის №B9 ლიცენზია, შევიდეს ცვლილებები კომისიის 2005 წლის 18 ნოემბრის №716/1 გადაწყვეტილებაში და აღნიშნული გადაწყვეტილების მე-3 პუნქტი ჩამოყალიბდეს შემდეგი რედაქციით:

,,3. მაუწყებლობის გავრცელების გეოგრაფიული ზონა და ტექნიკური პარამეტრები:”

	სამოქმედო ზონა(ქალაქები და რაიონები)	ანტენის განთავსების ადგილი	გეოგრაფიული კოორდინატები	ანტენის სიმაღლე მიწის ზედ.მ	სატელევიზ. არხი	სიმძლ. კვტ	მაუწყებლ. საშ.რად კმ
1	თბილისი	მთაწმინდის ანძა	44E47; 41N41	240	9	5	60
2	ბათუმი	ბათუმის ანძა	41E43; 41N41	169	3	5	60
3	შუახევი	შუახევის ანძა	42E11; 41N38	30	1	0.1	15
4	დედოფლის წყარო	დ. წყაროს ანძა	46E08; 41N27	65	39	2	25
5	ყვარელი	სანავარდოს ანძა	45E46; 41N58	78	2	0.25	20
6	თელავი	ცივის ანძა	45E29; 41N55	40	41	1	15
7	თიანეთი	თიანეთის ანძა	44E57; 42N06	45	7	0.1	10
8	გორი	გორის ანძა	44E03; 42N02	160	57	3	30
9	ხაშური	ბექამის ანძა	43E33; 42N00	25	9	0.1	10
10	დმანისი	დმანისის ანძა	44E13; 41N22	230	34	3	30
11	აბასთუმანი	აბასთუმნის ანძა	42E52; 41N55	25	8	0,1	10
12	ბორჯომი	ბორჯომის ანძა	42E22; 41N49	42	10	0.1	10
13	წალკა	წალკის ანძა	44E14; 41N38	40	21	0.1	15
14	ახალციხე	ახალციხის ანძა	42E57; 41N38	52	31	0.25	25
15	ახალქალაქი	ახალქალაქის ანძა	43E25; 41N21	65	35	0,1	10
16	ოზურგეთი	ოზურგეთის ანძა	42E01; 41N55	25	38	0.1	10
17	ჩოხატაური	ჩოხატაურის ანძა	42E15; 42N01	38	32	0,1	20
18	ქუთაისი	ქუთაისის ანძა	42E44; 42N17	112	7	5	50
19	ჭიათურა	ჭიათურის ანძა	43E16; 42N17	70	3	0.1	10
20	ტყიბული	ტყიბულის ანძა	43E00; 42N21	60	3	0.1	15
21	ამბროლაური	ამბროლაურის ანძა	43E09; 42N31	30	3	0,1	15
22	ონი	ონის ანძა	43E27; 42N35	34	12	0.1	10
23	ცაგერი	ცაგერის ანძა	42E45; 42N39	25	2	0.1	20
24	ლენტეხი	ლენტეხის ანძა	42E43; 42N47	25	6	0.1	15
25	საჩხერე	საჩხერის ანძა	43E24; 42N21	35	28	0,1	10
26	ფოთი	ფოთის ანძა	41E41; 42N09	40	22	0,5	15
27	ზუგდიდი	ზუგდიდის ანძა	41E52; 42N30	35	27	0.1	10
28	ჩხოროწყუ	ჩხოროწყუს ანძა	42E07; 42N31	40	33	0.1	15
29	მესტია	მესტიის ანძა	42E41; 43N03	48	5	0.1	20
30	ჯვარზენი	ჯვარზენის ანძა	42E07; 42N43	30	11	0.1	10
31	წალენჯიხა	წალენჯიხის ანძა	42E04; 42N36	30	5	0,1	10

2.დაევალოს კომისიის აპარატის მაუწყებლობის რეგულირების დეპარტამენტს (მ.აროშიძე):

ა)სათანადო მონაცემების კომისიის სალიცენზიო რეესტრში შეტანა;

ბ),,ლიცენზიებისა და ნებართვების შესახებ” საქართველოს კანონის მე-13 მუხლით გათვალისწინებული მონაცემების სახელმწიფო სალიცენზიო რეესტრში გატარება.

3. დაევალოს კომისიის აპარატის ადმინისტრაციულ დეპარტამენტს (ნ. ჯავახიძე) აღნიშნული გადაწყვეტილების დამოწმებული ასლის გაგზავნა შპს ტელეკომპანია რუსთავი 2-ისთვის დაზღვეული საფოსტო გზავნილის სახით და გადაწყვეტილების ელექტრონული ვერსიის კომისიის ვებ-გვერდზე განთავსება(ნ.ჯანელიძე);

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ კოლეგიაში (ქ. თბილისი, სარაჯიშვილის ქ.№1ა) ერთი თვის ვადაში;

5. გადაწყვეტილება ძალაში შევიდეს მისი კომისიის ოფიციალურ ვებ-გვერდზე (www.gncc.ge) გამოქვეყნებისთანავე;

6. კონტროლი აღნიშნული გადაწყვეტილების შესრულებაზე დაევალოს კომისიის აპარატის მაუწყებლობის რეგულირების დეპარტამენტის უფროსს (გ. რატიშვილი).

კომისიის თავმჯდომარე გ. არველაძე

კომისიის წევრები: ზ. ნონიკაშვილი

გ. ფრუიძე

კ.კვიტაიშვილი