კონტაქტი

საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა კომისიის 2008 წლის 13 ივნისის N 38 სხდომაზე წარმოდგენილი დღის წესრიგის პროექტი, საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად და კომისიის აპარატის მუშაობის წესის მე-2 მუხლის მე-17 და მე-18 პუნქტების საფუძველზე

გადაწყვიტა:

1. დამატებით შეტანილ იქნეს N 38 სხდომის წარმოდგენილ დღის წესრიგის პროექტში 3 (სამი) საკითხი:

ა) საქართველოს თავდაცვის სამინისტროსთვის სიხშირეების მინიჭების შესახებ (მომხს. ს.შავგულიძე);

ბ) საქართველოს კომუნიკაციების ეროვნული კომისიის 2005 წლის 5 აგვისტოს №561/13 გადაწყვეტილებაში ცვლილების შეტანის შესახებ (მომხს. ს.შავგულიძე);

გ) შპს ”ტექნონეტის” და შპს ”ვაიმაქს ჯორჯიას” შორის რადიოსიხშირული სპექტრით სარგებლობის №F47 და №F52 ლიცენზიების ნაწილობრივ გადაპირების შესახებ (მომხს. დ.კიკნაძე);

2. დამტკიცდეს კომისიის 2008 წლის 13 ივნისის N 38 სხდომის დღის წესრიგი წარმოდგენილი სახით (თან ერთვის);

3. გადაწყვეტილება ცალკე გასაჩივრებას არ ექვემდებარება;

4. კონტროლი აღნიშნული გადაწყვეტილების შესრულებაზე დაევალოს ადმინისტრაციულ დეპარტამენტს (ი. ხარებავა).

კომისიის თავმჯდომარე გ. არველაძე

კომისიის წევრი ს. ბრიტანჩუკი

კომისიის წევრი ზ. ნონიკაშვილი

კომისიის წევრი გ. ფრუიძე

კომისიის წევრი კ. კვიტაიშვილი