კონტაქტი

საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა კომისიის 2008 წლის 20 ივნისის N 41 სხდომაზე წარმოდგენილი დღის წესრიგის პროექტი, საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად და კომისიის აპარატის მუშაობის წესის მე-2 მუხლის მე-17, მე-18 და მე-19 პუნქტების, აგრეთვე კომისიის 2008 წლის 20 ივნისის № 41 სხდომაზე გამოთქმული დავალებების საფუძველზე

გადაწყვიტა:

1. გადატანილ იქნეს N 41 სხდომის დღის წესრიგის პროექტის მე-6 საკითხი (სს ”საქართველოს გაერთიანებული სატელეკომუნიკაციო კომპანიის” სანქცირების თაობაზე) მ/წლის 27 ივნისის კომისიის № 43 სხდომის დღის წესრიგის პროექტში;

2. დამატებით შეტანილ იქნეს N 41 სხდომის წარმოდგენილ დღის წესრიგის პროექტში 3 (სამი) საკითხი:

ა) საქართველოს სახელმწიფო დაცვის სპეციალური სამსახურისთვის სიხშირეების მინიჭების შესახებ (მომხს. ს.შავგულიძე);

ბ) შპს ”თანადგომა-KT”-სთვის სიხშირეების მინიჭების შესახებ (მომხს. ს.შავგულიძე);

გ) შპს ”შავი ზღვის ტელეკომის” დაჯარიმების შესახებ (მომხს. ნ.ნიჟარაძე).

3. დამტკიცდეს კომისიის 2008 წლის 20 ივნისის N 41 სხდომის დღის წესრიგი წარმოდგენილი სახით (თან ერთვის);

4. გადაწყვეტილება ცალკე გასაჩივრებას არ ექვემდებარება;

5. კონტროლი აღნიშნული გადაწყვეტილების შესრულებაზე დაევალოს ადმინისტრაციულ დეპარტამენტს (ი. ხარებავა).

კომისიის თავმჯდომარე გ. არველაძე

კომისიის წევრი ს. ბრიტანჩუკი

კომისიის წევრი ზ. ნონიკაშვილი

კომისიის წევრი გ. ფრუიძე

კომისიის წევრი კ. კვიტაიშვილი