კონტაქტი

საქართველოს კომუნიკაციების ეროვნული კომისია (შემდგომში “კომისია\") აღნიშნავს, რომ შპს ”უშიშროების სამსახურმა ორბი-1”-მა (რეგისტრირებული ქ. ფოთის საგადასახადო ინსპექციის მიერ, ს.კ. №239887734) კომისიას მიმართა განცხადებით (№ 7/200-08; 28.05.08) ქ.სენაკში და ქ. ფოთში (დაცვთი საქმიანობისთვის) დეციმეტრულ ტალღათა დიაპაზონში სიხშირეების მინიჭების თაობაზე. სიხშირეები გათვალისწინებულია ოპერატიული რადიოკავშირისთვის და გამოყენებული იქნება დამხმარე ტექნოლოგიური დანიშნულებით.

“ელექტრონული კომუნიკაციების შესახებ” საქართველოს კანონის 64-ე მუხლის მე-11 პუნქტისა და “საქართველოს კომუნიკაციების ეროვნული კომისიის საქმიანობის მარეგულირებელი წესების” 29-ე მუხლის შესაბამისად, კომისიამ კენჭისყრის შედეგად ერთხმად

გადაწყვიტა:

1. მიენიჭოს შპს ”უშიშროების სამსახურს ორბი-1”-ს ერთი წლის ვადით 403.825 მჰც, 409.325 მჰც სიხშირეები ქ. ფოთში და 405.550 მგც, 411.150 მჰც სიხშირეები (ზოლის სიგანე 25 კჰც) ქ. სენაკში ოპერატიული რადიოკავშირისთვის დამხმარე ტექნოლოგიური დანიშნულებით;

2. აღირიცხოს შპს ”უშიშროების სამსახური ორბი-1”-სთვის მინიჭებული სიხშირეები კომისიის უწყებრივ რეესტრში (რ. ქურდაძე);

3. კანონმდებლობის ცვლილების შპს ”უშიშროების სამსახური ორბი-1”-სთვის სიხშირის მინიჭების საკითხი შესაბამისობაში იქნეს მოყვანილი კანონმდებლობასთან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, სარაჯიშვილის ქ. № 1ა) ერთი თვის ვადაში;

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის, მონიტორინგისა და კოორდინაციის დეპარტამენტს (ს. შავგულიძე);

6. გადაწყვეტილება ძალაში შევიდეს ამ გადაწყვეტილების დამოწმებული ასლის შპს ”უშიშროების სამსახური ორბი-1”-სთვის ჩაბარებისთანავე.

კომისიის თავმჯდომარე გ. არველაძე

კომისიის წევრი გ. ფრუიძე

კომისიის წევრი ზ. ნონიკაშვილი

კომისიის წევრი კ. კვიტაიშვილი

კომისიის წევრი ს. ბრიტანჩუკი