კონტაქტი

საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა კომისიის 2008 წლის 25 ივლისის N 48 სხდომაზე წარმოდგენილი დღის წესრიგის პროექტი, საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად და კომისიის აპარატის მუშაობის წესის მე-2 მუხლის მე-17 და მე-18 პუნქტების საფუძველზე

გადაწყვიტა:

1. გადაიდოს N 48 სხდომის დღის წესრიგის პროექტის მე-4 საკითხის (სს ”საქართველოს გაერთიანებული სატელეკომუნიკაციო კომპანიის”, შპს ”ახტელის” და შპს ”ახალი ქსელების” სანქცირების შესახებ) განხილვა და მონიტორინგის, სტრატეგიული განვითარებისა და კონკურენციის, რადიოსიხშირეთა მართვის, მონიტორინგისა და კოორდინაციის დეპარტამენტების მიერ მ/წლის 1 აგვისტოსთვის ერთობლივი დასკვნის წარმოდგენის შემდგომ, შეტანილ იქნეს მ/წლის 8 აგვისტოს სხდომის დღის წესრიგის პროექტში;

2. დამატებით შეტანილ იქნეს N 48 სხდომის წარმოდგენილ დღის წესრიგის პროექტში 4 (ოთხი) საკითხი:

ა) შპს ”ფოლკ-რადიოსთვის” რადიოსარელეო სიხშირის მინიჭების შესახებ (მომხს. ს.შავგულიძე);

ბ) შპს ”ქართული სატელეფონო კომპანია ჯტს”-სთვის რადიოსარელეო სიხშირის მინიჭების შესახებ (მომხს. ს.შავგულიძე);

გ) შპს ”ლიდერ ტივისთვის” რადიოსარელეო სიხშირის მინიჭების შესახებ (მომხს. ს.შავგულიძე);

დ) მედია ცენტრი ”ღია აფხაზეთისათვის” კერძო საერთო რადიომაუწყებლობის ლიცენზიის გაცემის შესახებ (მომხს. გ. რატიშვილი).

3. დამტკიცდეს კომისიის 2008 წლის 27 ივლისის N 48 სხდომის დღის წესრიგი წარმოდგენილი სახით (თან ერთვის);

4. გადაწყვეტილება ცალკე გასაჩივრებას არ ექვემდებარება;

5. კონტროლი აღნიშნული გადაწყვეტილების შესრულებაზე დაევალოს ადმინისტრაციულ დეპარტამენტს (ი. ხარებავა).

კომისიის თავმჯდომარე გ. არველაძე

კომისიის წევრი ს. ბრიტანჩუკი

კომისიის წევრი ზ. ნონიკაშვილი

კომისიის წევრი გ. ფრუიძე