კონტაქტი

საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა კომისიის 2008 წლის 15 აგვისტოს N 53 სხდომაზე წარმოდგენილი დღის წესრიგის პროექტი, საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად და კომისიის აპარატის მუშაობის წესის მე-2 მუხლის მე-17 და მე-18 პუნქტების საფუძველზე

გადაწყვიტა:

1. გადაიდოს N 53 სხდომის დღის წესრიგის პროექტის მე-2 საკითხის (სს ”საქართველოს გაერთიანებული სატელეკომუნიკაციო კომპანიის”, შპს ”ახტელის” და შპს ”ახალი ქსელების” სანქცირების შესახებ) განხილვა საომარი მდგომარეობის გაუქმებამდე, ხოლო მე-3-მე-5 საკითხები (ერთი მხრივ, შპს ”მაგთიკომსა” და მეორე მხრივ სს ”საქართველოს გაერთიანებულ სატელეკომუნიკაციო კომპანიას” შორის დავის განხილვის შესახებ; ერთი მხრივ, შპს ”კავკასუს ონლაინსა” და მეორე მხრივ სს ”საქართველოს გაერთიანებულ სატელეკომუნიკაციო კომპანიას შორის დავის განხილვის შესახებ; ერთი მხრივ, შპს ”კავკასუს ონლაინსა” და მეორე მხრივ სს ”საქართველოს გართიანებულ სატელეკომუნიკაციო კომპანიას” შორის დავის განხილვის შესახებ) გადატანილ იქნეს 2008 წლის 22 აგვისტოს № 54 სხდომის დღის წესრიგის პროექტში;

2. ეცნობოს დაინტერესებულ მხარეებს საკითხების გადადების შესახებ (უ. სეთური, გ.ხოჯევანიშვილი);

3. დამატებით შეტანილ იქნეს N 53 სხდომის წარმოდგენილ დღის წესრიგის პროექტში 1 (ერთი) საკითხი:

საქართველოს კომუნიკაციების ეროვნული კომისიის 2006 წლის 11 აგვისტოს № 353/22 გადაწყვეტილებით დამტკიცებულ კომისიის აპარატის საშტატო ნუსხაში ცვლილების შეტანის შესახებ(მომხს. ი. ხარებავა).

4. დამტკიცდეს კომისიის 2008 წლის 15 აგვისტოს N 53 სხდომის დღის წესრიგი წარმოდგენილი სახით (თან ერთვის);

5. გადაწყვეტილება ცალკე გასაჩივრებას არ ექვემდებარება;

6. კონტროლი აღნიშნული გადაწყვეტილების შესრულებაზე დაევალოს ადმინისტრაციულ დეპარტამენტს (ი. ხარებავა).

კომისიის თავმჯდომარე გ. არველაძე

კომისიის წევრი ს. ბრიტანჩუკი

კომისიის წევრი ზ. ნონიკაშვილი

კომისიის წევრი გ. ფრუიძე

კომისიის წევრი კ. კვიტაიშვილი