კონტაქტი

საქართველოს კომუნიკაციების ეროვნული კომისია (შემდგომში ,,კომისია”) აღნიშნავს, რომ წერილით (№6/1224-2007) კომისიას მიმართა შპს ”რუსთავი 2”-მა, რომელმაც მოითხოვა მისი კუთვნილი №B9 ლიცენზიის (კერძო საერთო საეთერო ტელერადიომაუწყებლობა) მოდიფიცირება იმგვარად, რომ შპს ,,რუსთავი 2”-მა შეცვალოს სამაუწყებლო სიხშირე დეციმეტრულ ტალღათა დიაპაზონით, მაუწყებლობის იგივე დაფარვის ზონის შენარჩუნებით ქ. ბათუმში. კომპანიის მტკიცებით, აღნიშნული განპირობებულია იმით, რომ დაბალი მეტრული სატელევიზიო არხები აღარ გამოიყენება ევროპასა და მსოფლიოს რიგ ქვეყნებში მაუწყებლობისათვის. ქ. ბათუმში შპს ,,რუსთავი 2”-ის სამაუწყებლო სიგნალი ვრცელდება მე-3 მეტრული სატელევიზიო არხით და გამომდინარე მაუწყებლობის ტექნოლოგიური განვითარებიდან, შპს ,,რუსთავი 2”-მა მიზანშეწონილად მიიჩნია შეცვალოს მეტრულ ტალღათა დიაპაზონის მე-3 არხი ქ. ბათუმში დეციმეტრული დიაპაზონის არხით, მაუწყებლობის იგივე დაფარვის ზონის შენარჩუნებით.

შპს ,,რუსთავი 2”-ის წერილის საფუძველზე, კომისიის აპარატის მაუწყებლობის რეგულირების დეპარტამენტის მიერ ,,მაუწყებლობის შესახებ” საქართველოს კანონის 45-ე მუხლის ბ)ქვეპუნქტის შესაბამისად, 2007 წლის 28 დეკემბერს დაიწყო საჯარო ადმინისტრაციული წარმოება შპს ,,რუსთავი 2”-ის №B9 ლიცენზიის მოდიფიცირების მიზნით, ხოლო საკითხის ზეპირი მოსმენის სხდომა გაიმართა 2008 წლის 25 იანვარს.

კომისიის აპარატის მაუწყებლობის რეგულირების დეპარტამენტის აზრით, ლიცენზიის მფლობელის მოთხოვნა დასაბუთებულია და არ ეწინააღმდეგება საქართველოს კანონმდებლობას.

კომისიამ, შესაძლებლად მიიჩნია შპს ,,რუსთავი 2”-ის №B9 ლიცენზიის მოდიფიცირება და სათანადო ცვლილებების განხორციელება კომისიის 2005 წლის 18 ნოემბრის №716/1 გადაწყვეტილებაში.

,,მაუწყებლობის შესახებ” საქართველოს კანონის 45-ე მუხლის პირველი პუნქტის ბ) ქვეპუნქტისა და საქართველოს ,,ზოგადი ადმინისტრაციული კოდექსის 63-ე მუხლის თანახმად, კომისიამ

გადაწყვიტა:

1. მოდიფიცირებულ იქნას შპს ”რუსთავი 2”-ის №B9 ლიცენზია. შევიდეს ცვლილება კომისიის 2005 წლის 18 ნოემბრის 716/1 გადაწყვეტილებაში და აღნიშნული გადაწყვეტილების მესამე პუნქტი ჩამოყალიბდეს შემდეგი რედაქციით:

,,3. მაუწყებლობის გავრცელების გეოგრაფიული ზონა და ტექნიკური პარამეტრები:

	სამოქმედო ზონა(ქალაქები და რაიონები)	ანტენის განთავსების ადგილი	გეოგრაფიული კოორდინატები	ანტენის სიმაღლე მიწის ზედ.მ	სატელევიზიო არხი	სიმძლ. კვტ	მაუწყებლობის საშ.რად კმ
1	თბილისი	მთაწმინდის ანძა	44E47; 41N41	240	9	5	60
2	ბათუმი	ბათუმის ანძა	41E43; 41N41	50	42	3	60
3	შუახევი	შუახევის ანძა	42E11; 41N38	30	1	0.1	15
4	დედოფლის წყარო	დ. წყაროს ანძა	46E08; 41N27	65	39	2	25
5	ყვარელი	სანავარდოს ანძა	45E46; 41N58	78	2	0.25	20
6	თელავი	ცივის ანძა	45E29; 41N55	40	41	1	15
7	თიანეთი	თიანეთის ანძა	44E57; 42N06	45	7	0.1	10
8	გორი	გორის ანძა	44E03; 42N02	160	31	3	30
9	ხაშური	ბექამის ანძა	43E33; 42N00	25	9	0.1	10
10	დმანისი	დმანისის ანძა	44E13; 41N22	230	34	3	30
11	აბასთუმანი	აბასთუმნის ანძა	42E52; 41N55	25	8	0,1	10
12	ბორჯომი	ბორჯომის ანძა	42E22; 41N49	42	10	0.1	10
13	წალკა	წალკის ანძა	44E14; 41N38	40	5	0.1	15
14	ახალციხე	ახალციხის ანძა	42E57; 41N38	52	5	0.25	25
15	ახალქალაქი	ახალქალაქის ანძა	43E25; 41N21	65	4	0,1	10
16	ოზურგეთი	ოზურგეთის ანძა	42E01; 41N55	25	1	0.1	10
17	ჩოხატაური	ჩოხატაურის ანძა	42E15; 42N01	38	2	0,1	20
18	ქუთაისი	ქუთაისის ანძა	42E44; 42N17	112	7	5	50
19	ჭიათურა	ჭიათურის ანძა	43E16; 42N17	70	3	0.1	10
20	ტყიბული	ტყიბულის ანძა	43E00; 42N21	60	3	0.1	15
21	ამბროლაური	ამბროლაურ. ანძა	43E09; 42N31	30	3	0,1	15
22	ონი	ონის ანძა	43E27; 42N35	34	12	0.1	10
23	ცაგერი	ცაგერის ანძა	42E45; 42N39	25	2	0.1	20
24	ლენტეხი	ლენტეხის ანძა	42E43; 42N47	25	6	0.1	15
25	საჩხერე	საჩხერის ანძა	43E24; 42N21	35	28	0,1	10
26	ფოთი	ფოთის ანძა	41E41; 42N09	40	22	0,5	15
27	ზუგდიდი	ზუგდიდის ანძა	41E52; 42N30	35	27	0.1	10
28	ჩხოროწყუ	ჩხოროწყუს ანძა	42E07; 42N31	40	33	0.1	15
29	მესტია	მესტიის ანძა	42E41; 43N03	48	5	0.1	20
30	ჯვარზენი	ჯვარზენის ანძა	42E07; 42N43	30	11	0.1	10
31	წალენჯიხა	წალენჯიხის ანძა	42E04; 42N36	30	5	0,1	10

2. დაევალოს კომისიის აპარატის მაუწყებლობის რეგულირების დეპარტამენტს (მ.აროშიძე):

ა) სათანადო მონაცემების კომისიის სალიცენზიო რეესტრში შეტანა;

ბ) “ლიცენზიებისა და ნებართვების შესახებ“ საქართველოს კანონის მე-13 მუხლით გათვალისწინებული მონაცემების სახელმწიფო სალიცენზიო რეესტრში გატარებისა და ლიცენზიის გაცემის თაობაზე ინფორმაციის „საქართველოს საკანონმდებლო მაცნეში“ გამოქვეყნების უზრუნველყოფა;

3. დაევალოს კომისიის აპარატის ადმინისტრაციულ დეპარტამენტს (ნ. ჯავახიძე) აღნიშნული გადაწყვეტილების გაგზავნა შპს “რუსთავი 2”-ისთვის დაზღვეული საფოსტო გზავნილის სახით და კომისიის ვებ-გვერდზე განთავსება(ნ. ჯანელიძე);

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ კოლეგიაში (ქ.თბილისი, სარაჯიშვილის ქ. N 1ა) ერთი თვის ვადაში;

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის მაუწყებლობის რეგულირების დეპარტამენტს (გ. რატიშვილი).

კომისიის თავმჯდომარე

გ. არველაძე

კომისიის წევრები: ზ. ნონიკაშვილი

გ. ფრუიძე

კ. კვიტაიშვილი