შპს „ალანიასთვის” რადიოსარელეო სიხშირეების მინიჭების შესახებ

   საქართველოს კომუნიკაციების ეროვნული კომისია (შემდეგში “კომისია”) აღნიშნავს, რომ შპს „ალანიამ” კომისიას მიმართა განცხადებით (შემოსული №7/345,16.09.08)  ქალაქების: ქ.თბილისი, კოჯორი, წალკა, აგრეთვე, გორი, ხაშური, ბორჯომი, ახალციხე, ახალქალაქი და ნინოწმინდას მიმართულებით, ორმხრივი რადიოსარელეო ხაზის გამოყენებისთვის,  შიდატექნოლოგიური დანიშნულებით რადიოსარელეო სიხშირეების  მინიჭების მოთხოვნით.

     კომისია    აღნიშნავს,    რომ   შპს    ”ალანია”   ფლობს     ქ.თბილისში  კერძო ტელემაუწყებლობის (საერთო მაუწყებლობა)  ლიცენზიას № B100 (ვადა 16.05.2018), 35-ე სატელევიზიო არხზე 2000ვტ სიმძლავრის  სატელევიზიო გადამცემით მაუწყებლობაზე.

   ტელეკომპანიის რადიოსარელეო ხაზის ორგანიზაციისთვის, შიდატექნოლოგიური დანიშნულებით, შპს ”ალანიასთვის” 10გჰც სიხშირულ დიაპაზონში შერჩეულ იქნა რადიოსარელეო   სიხშირული წყვილი (10015 მჰც±14 მჰც და 10365 ±14 მჰც) თითოეული ზოლის სიგანით  28 მჰც. 

    სიხშირეები გათვალისწინებულია აღნიშნული მიმართულებებით რადიოსარელეო ხაზის ფუნქციონირებისთვის, დამხმარე ტექნოლოგიური დანიშნულებით გამოსაყენებლად.

  ”მაუწყებლობის შესახებ” საქართველოს კანონის 75-ე მუხლის მე-2  პუნქტის  შესაბამისად, კომისიამ  კენჭისყრის  შედეგად,  ერთხმად

გადაწყვიტა:

1.   მიენიჭოს შპს „ალანიას”  სიხშირეები  10015 მჰც ± 14 მჰც  და 10365 მჰც ± 14მჰც  ქ.თბილისი-კოჯორი-წალკა, აგრეთვე, გორი-ხაშური-ბორჯომი-ახალციხე- ახალქალაქი და ნინოწმინდას მიმართულებებით რადიოსარელეო ხაზის ფუნქციონირებისთვის, დამხმარე ტექნოლოგიური დანიშნულებით, ლიცენზიის მოქმედების ვადით  (16 .05 2018);

2. დაევალოს  შპს „ალანიას”  ქ.თბილისი-კოჯორი-წალკა, აგრეთვე, გორი-ხაშური-ბორჯომი-ახალციხე- ახალქალაქი და ნინოწმინდას მიმართულებით რადიოსარელეო ხაზის ფუნქციონირებისთვის   10015 მჰც ± 14 მჰც  და 10365 მჰც ± 14მჰც სიხშირეების მონაცვლეობით გამოყენების წესი  აცნობოს კომისიას, რადიოსარელეო სადგურების ინსტალაციის შემდგომ;  

3. აღირიცხოს შპს „ალანიასთვის”   მინიჭებული სიხშირეები კომისიის  უწყებრივ რეესტრში (რ.ქურდაძე);

4. საქართველოს კანონმდებლობის ცვლილების შემთხვევაში შპს „ალანიასთვის” სიხშირეების მინიჭების საკითხი შესაბამისობაში იქნეს მოყვანილი კანონმდებლობასთან;

5. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტაციულ საქმეთა კოლეგიაში (დ.აღმაშენებლის ხეივანი, მე-12 კმ) ) 1 თვის ვადაში;   

6. კონტროლი აღნიშნული გადაწყვეტილების შესრულებაზე დაევალოს რადიოსიხშირეთა მართვის, მონიტორინგისა და კოორდინაციის დეპარტამენტს  (ს. შავგულიძე);           

7.  გადაწყვეტილება ძალაში შევიდეს ამ გადაწყვეტილების დამოწმებული ასლის    შპს  „ალანიასთვის”     ჩაბარებისთანავე.

კომისიის     წევრი                                                                          გ.ფრუიძე

კომისიის    წევრი                                                                          ზ.ნონიკაშვილი

კომისიის    წევრი                                                                          კ.კვიტაიშვილი

კომისიის    წევრი                                                                            ს.ბრიტანჩუკი