კონტაქტი

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ კომისიის 2008 წლის 12 სექტემბრის N525/8 გადაწყვეტილების შესაბამისად, გამოცხადდა აუქციონი რადიოსიხშირული სპექტრით სარგებლობის ლიცენზიის მისაღებად.

ლიცენზიის მაძიებლების მიერ განცხადებების წარმოდგენის ვადად განისაზღვრა 2008 წლის 5 ოქტომბრის 17:00 საათი.

აუქციონში მონაწილეობის მისაღებად კომისიაში განაცხადი წარმოადგინა შპს ”Black Sea Telecom”-მა და სს ”საქართველოს გაერთიანებულმა სატელეკომუნიკაციო კომაპნია”-მ, რომელთა მიერ წარმოდგენილი დოკუმენტაციაც არ შეესაბამება გამოცხადებული აუქციონის პირობებს. კერძოდ, შპს ”Black Sea Telecom”-ის განცხადებას თანდართული არ აქვს რესურსით სარგებლობის საწყისი საფასურის 10%-ის (ბე) და სალიცენზიო მოსაკრებლის (1000 ლარი) გადახდის დამადასტურებელი საბუთები, ხოლო სს ”საქართველოს გაერთიანებული სატელეკომუნიკაციო კომპანიის” განცხადებას თანდართული არ აქვს კომპანიის ამონაწერი სამეწარმეო რეესტრიდან, რესურსით სარგებლობის საწყისი საფასურის 10%-ის (ბე) და სალიცენზიო მოსაკრებლის (1000 ლარი) გადახდის დამადასტურებელი საბუთები.

საქართველოს ზოგადი ადმინისტრაციული კოდექსის 83-ე მუხლის მე-2 და მე-3 პუნქტების თანახმად, თუ განმცხადებლის მიერ არასრულყოფილადაა წარმოდგენილი დოკუმენტაცია, ადმინისტრაციული ორგანო განმცხადებელს განუსაზღვრავს ვადას, რომლის განმავლობაშიც მან უნდა წარმოადგინოს დამატებითი დოკუმენტაცია. დამატებითი დოკუმენტის წარმოდგენის ვადა არ შეიძლება იყოს 5 სამუშაო დღეზე ნაკლები. თუ დადგენილ ვადაში განმცხადებელი არ წარადგენს შესაბამის დოკუმენტაციას, ადმინისტრაციული ორგანო ღებულობს გადაწყვეტილებას განცხადების განუხილველად დატოვების შესახებ.

ზემოაღნიშნულიდან გამომდინარე, კომისიის 2008 წლის 12 სექტემბრის N525/8 გადაწყვეტილების, საქართველოს ზოგადი ადმინისტრაციული კოდექსის 83-ე მუხლის მე-2 და მე-3 პუნქტების შესაბამისად, კომისიამ

გადაწყვიტა:

1. მიეცეს ვადა შპს ”Black Sea Telecom”-ს 2008 წლის 21 ოქტომბრამდე წარმოადგინოს რესურსით სარგებლობის საწყისი საფასურის 10%-ის (ბე) და სალიცენზიო მოსაკრებლის (1000 ლარი) გადახდის დამადასტურებელი საბუთები;

2. მიეცეს ვადა სს ”საქართველოს გაერთიანებულ სატელეკომუნიკაციო კომაპნია”-ს 2008 წლის 21 ოქტომბრამდე წარმოადგინოს კომპანიის ამონაწერი სამეწარმეო რეესტრიდან, რესურსით სარგებლობის საწყისი საფასურის 10%-ის (ბე) და სალიცენზიო მოსაკრებლის (1000 ლარი) გადახდის დამადასტურებელი საბუთები;

3. დაევალოს კომისიის აპარატის ადმინისტრაციულ დეპარტამენტს (ნ.ჯავახიძე, ნ.ჯანელიძე):

ა) წინამდებარე გადაწყვეტილების შპს ”Black Sea Telecom”-სა და სს ”საქართველოს გაერთიანებული სატელეკომუნიკაციო კომპანიისთვის” გაგზავნა;

ბ) წინამდებარე გადაწყვეტილების გამოქვეყნება კომისიის გვერდზე ინტერნეტში;

4. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, დ.აღმაშენებლის ხეივანი მე-12 კმ) ერთი თვის ვადაში;

5. გადაწყვეტილება ძალაში შედის კომისიის ოფიციალურ ვებ გვერდზე გამოქვეყნებისთანავე (www.gncc.ge);

6. კონტროლი გადაწყვეტილების შესრულებაზე დაევალოს კომისიის აპარატის სამართლებრივ დეპარტამენტს (კ.ყურაშვილი);

კომისიის თავმჯდომარე გ.არველაძე

კომისიის წევრები ზ.ნონიკაშვილი

გ.ფრუიძე

კ.კვიტაიშვილი