შპს “მაგთიკომი”-ს რადიოსიხშირული სპექტრით სარგებლობის № F41 ლიცენზიის მოდიფიცირებისა და კომისიის 2007 წლის 21 სექტემბრის 540/5 გადაწყვეტილებაში ცვლილების შეტანის შესახებ

საქართველოს კომუნიკაციების ეროვნული კომისია (შემდგომში “კომისია”) აღნიშნავს, რომ კომისიას  განცხადებით (06.03.2009 N6/614-09) მიმართა შპს ”მაგთიკომმა”  რადიოსიხშირული სპექტრით სარგებლობის №F41 ლიცენზიის მოდიფიცირების  მოთხოვნით.

კომისია აღნიშნავს, რომ შპს ”მაგთიკომი” ფლობს რადიოსიხშირული სპექტრით სარგებლობის №F41 ლიცენზიას შემდეგი სალიცენზიო პირობებით:

ა) რადიოსიხშირული სპექტრი: 3410.0 მჰც ÷ 3431.0 მჰც და 3510.0 მჰც ÷ 3531.0 მჰც სიხშირულ ზოლებზე ადგილობრივი ფართოზოლოვანი უსადენო დაშვების ქსელებითა და საშუალებებით უზრუნველსაყოფად;  

გ) ლიცენზიის მოქმედების ვადა: 2017 წლის 12 იანვრამდე;

დ) პრაქტიკული საქმიანობის დაწყების ვადა: 2007 წლის 12 იანვრიდან 1(ერთი) წელი;

ე) 2007 წლის 12 იანვრიდან სამი წლის განმავლობაში არანაკლებ ერთი გადამცემით მომსახურება შემდეგ რეგიონებში:

რეგიონი 1: ქ.თბილისი;

რეგიონი  2: აჭარის ავტონომიური რესპუბლიკა;

რეგიონი  3: ახმეტის, გურჯაანის, დედოფლისწაროს, თელავის, ლაგოდეხის, საგარეჯოს, სიღნაღის, ყვარელის რაიონები;

რეგიონი 4:  ახალგორის, დუშეთის, თიანეთის, მცხეთის, ყაზბეგის, რაიონები;

რეგიონი 5: გორის, კასპის, ქარელის,ხაშურის, ცხინვალის, ჯავის რაიონები;

რეგიონი 6: ქ.რუსთავი, ბოლნისის, გარდაბნის, დმანისის, თეთრი-წყაროს, მარნეულის,  წალკის რაიონები;

რეგიონი 7: ადიგენის, ასპინძის, ახალქალაქის, ახალციხის, ბორჯომის, ნინოწმინდის რაიონები;

რეგიონი8: ქ.ქუთაისი, ტყიბულის, წყალტუბოს, ჭიათურის, ბაღდათის, ვანის, ზესტაფონის,  თერჯოლის, სამტრედიის, საჩხერის,  ხარაგაულის, ხონის რაიონები;

რეგიონი 9: ლანჩხუთის, ოზურგეთის, ჩოხატაურის რაიონები;

რეგიონი 10: ამბროლაურის, ლენტეხის, ონის,  ცაგერის რაიონები;

რეგიონი 11: ქ.ფოთი, აბაშის, ზუგდიდის, მარტვილის, მესტიის, სენაკის, ჩხოროწყუს, წალენჯიხის, ხობის  რაიონები;

რეგიონი 12: აფხაზეთის ავტონომიური რესპუბლიკა;

            შპს „მაგთიკომი“-ს განცხადებაში აღნიშნულია, რომ კომპანია ლიცენზიით განსაზღვრულ სიხშირების გამოყენებით უზრუნველყოფს ქსელს, რომელიც შეესაბამება 802.16 სტანდარტს და წარმოადგენს ე.წ. მობილურ ვაიმაქსს. ამავე დროს, 2006 წლის 30 ივნისის №6 დადგენილებით დამტკიცებული ”რადიოსიხშირული სპექტრის განაწილების ეროვნული გეგმა” აღნიშნული სიხშირული დიაპაზონის განაწილებას ითვალისწინებს „მოძრავი“ სამსახურებისთვის, ხოლო გამოყენებას „წერტილი-მრავალწერტილისთვის“.

ზემოაღნიშნულიდან გამომდინარე, შპს „მაგთიკომი“ ითხოვს რადიოსიხშირული სპექტრით სარგებლობის №F41 ლიცენზიის მოდიფიცირებას შემდეგი რედაქციით:

„რადიოსიხშირული სპექტრი: 3410.0 მჰც ÷ 3431.0 მჰც და 3510.0 მჰც ÷ 3531.0 სიხშირული ზოლები მობილური საკომუნიკაციო ქსელებით და საშუალებებით უზრუნველსაყოფად“.

კომისია აღნიშნავს, რომ აღნიშნულ საკითხთან დაკავშირებით წარმოდგენილია რადიოსიხშირეთა მართვის, მონიტორინგისა და კოორდინაციის დეპარტამენტის სამსახურებრივი ბარათი, რომელშიც აღნიშნულია, რომ შესაძლებელია განხორციელდეს შპს „მაგთიკომი“-ს რადიოსიხშირული სპექტრით სარგებლობის №F41 ლიცენზიის მოდიფიცირება, ისეთი სახით, რომ სიხშირული ზოლებით (3410.0 მჰც ÷ 3431.0 მჰც და 3510.0 მჰც ÷ 3531.0მჰც) ფუნქციონირება განსაზღვრულ იქნას კომისიის 2006 წლის 30 ივნისის №6 დადგენილებით დამტკიცებული ”რადიოსიხშირული სპექტრის განაწილების ეროვნული გეგმით” გათვალისწინებული განაწილებისა და გამოყენების ცხრილების მიხედვით.

კომისია აღნიშნავს, რომ კომისიის 2006 წლის 30 ივნისის №6 დადგენილებით დამტკიცებული ”რადიოსიხშირული სპექტრის განაწილების ეროვნული გეგმა”, 3410 – 3605 მჰც სიხშირული დიაპაზონის განაწილებას ითვალისწინებს შემდეგი მომსახურებისთვის: ფიქსირებული, ფიქსირებული თანამგზავრული (კოსმოსი დედამიწა), მოძრავი, სამოყვარულო და რადიოსალოკაციო, ხოლო გამოყენებას „წერტილი მრავალწერტილისთვის“. შესაბამისად, კომისიას მიაჩნია, რომ შესაძლებელია შპს „მაგთიკომი“-ს განცხადების საფუძველზე, განხორციელდეს შპს „მაგთიკომი“-ს რადიოსიხშირული სპექტრით სარგებლობის №F41 ლიცენზიის მოდიფიცირება იმგვარად, რომ შპს „მაგთიკომს“ შესაძლებლობა მიეცეს გამოიყენოს ლიცენზიით გათვალისწინებული 3410.0 მჰც ÷ 3431.0 მჰც და 3510.0 მჰც ÷ 3531.0 სიხშირული ზოლები არა მხოლოდ ადგილობრივი ფართოზოლოვანი უსადენო დაშვების ქსელებითა და საშუალებებით უზრუნველსაყოფად, არამედ კომისიის 2006 წლის 30 ივნისის №6 დადგენილებით დამტკიცებული ”რადიოსიხშირული სპექტრის განაწილების ეროვნული გეგმის” შესაბამისად  და ავტორიზაციით გათვალისწინებული საქმიანობისთვის.

კომისია აღნიშნავს, რომ შპს „მაგთიკომს“ კომისიაში გავლილი აქვს ავტორიზაცია შემდეგი სახის მომსახურებებზე: 1.ადგილობრივი საკომუნიკაციო მომსახურება: ა) ქსელით უზრუნველყოფა ბ) მომსახურების მიწოდება; 2. საქალაქთაშორისო საკომუნიკაციო მომსახურება: ა) ქსელით უზრუნველყოფა; ბ) მომსახურების მიწოდება 3. საერთაშორისო საკომუნიკაციო მომსახურება: ა) ქსელით უზრუნველყოფა; ბ) მომსახურების მიწოდება; 4. ინტერნეტით მომსახურება: ა) ქსელით უზრუნველყოფა; ბ) მომსახურების მიწოდება; 5. მობილური საკომუნიკაციო მომსახურება: ა) ქსელით უზრუნველყოფა; ბ) მომსახურების მიწოდება. 6. სამაუწყებლო მომსახურება: ა) ტელე-რადიო სამაუწყებლო ქსელით უზრუნველყოფა;

კომისია დამატებით აღნიშნავს, რომ მიზანშეწონილად მიაჩნია  კომისიის 2006 წლის 30 ივნისის №6 დადგენილებით დამტკიცებული ”რადიოსიხშირული სპექტრის განაწილების ეროვნული გეგმასა” და საქართველოს კანონმდებლობაში ცვლილების განხორციელების შემთხვევაში, შპს „მაგთიკომს“ დაეკისროს ვალდებულება უზრუნველყოს რადიოსიხშირული სპექტრით სარგებლობის №F41 ლიცენზიით გათვალისიწნებული საქმიანობის შესაბამისაობაში მოყვანა საქართველოს მოქმედ კანონმდებლობასა და  კომისიის 2006 წლის 30 ივნისის №6 დადგენილებით დამტკიცებული ”რადიოსიხშირული სპექტრის განაწილების ეროვნული გეგმასთან”.

 „ელექტრონული კომუნიკაციების შესახებ“ საქართველოს კანონის 53-ე მუხლის,  კომისიის 2006 წლის 30 ივნისის №6 დადგენილებით დამტკიცებული ”რადიოსიხშირული სპექტრის განაწილების ეროვნული გეგმისა” და საქართველოს ზოგადი ადმინისტრაციული კოდექსის 63-ე მუხლის შესაბამისად, კომისიამ კენჭისყრის შედეგად ერთხმად

გადაწყვიტა:

1. მოდიფიცირდეს შპს ”მაგთიკომი”-ს რადიოსიხშირული სპექტრით სარგებლობის №F41 ლიცენზია, შევიდეს ცვლილება „სს “ტელენეტსა” და შპს “მაგთიკომს” შორის რადიოსიხშირული სპექტრით სარგებლობის ლიცენზიის გადაპირების შესახებ“ კომისიის 2007 წლის 21 სექტემბრის 540/5 გადაწყვეტილებაში და გადაწყვეტილების მე-2 პუნქტი ჩამოყალიბდეს შემდეგი რედაქციით:

„2. შპს ”მაგთიკომი”-ს რადიოსიხშირული სპექტრით სარგებლობის №F41 ლიცენზიისთვის განისაზღვროს შემდეგი სალიცენზიო პირობები:

 ა) რადიოსიხშირული სპექტრი: 3410.0 მჰც ÷ 3431.0 მჰც და 3510.0 მჰც ÷ 3531.0 მჰც სიხშირული ზოლები კომისიის 2006 წლის 30 ივნისის №6 დადგენილებით დამტკიცებული ”რადიოსიხშირული სპექტრის განაწილების ეროვნული გეგმის” შესაბამისად, ავტორიზებული საქმიანობისთვის;  

ბ) ლიცენზიის მოქმედების ვადა: 2017 წლის 12 იანვრამდე;

გ) 2007 წლის 12 იანვრიდან სამი წლის განმავლობაში არანაკლებ ერთი გადამცემით მომსახურება შემდეგ რეგიონებში:

რეგიონი 1: ქ.თბილისი;

რეგიონი  2: აჭარის ავტონომიური რესპუბლიკა;

რეგიონი  3: ახმეტის, გურჯაანის, დედოფლისწაროს, თელავის, ლაგოდეხის, საგარეჯოს, სიღნაღის, ყვარელის რაიონები;

რეგიონი 4:  ახალგორის, დუშეთის, თიანეთის, მცხეთის, ყაზბეგის, რაიონები;

რეგიონი 5: გორის, კასპის, ქარელის,ხაშურის, ცხინვალის, ჯავის რაიონები;

რეგიონი 6: ქ.რუსთავი, ბოლნისის, გარდაბნის, დმანისის, თეთრი-წყაროს, მარნეულის,  წალკის რაიონები;

რეგიონი 7: ადიგენის, ასპინძის, ახალქალაქის, ახალციხის, ბორჯომის, ნინოწმინდის რაიონები;

რეგიონი8: ქ.ქუთაისი, ტყიბულის, წყალტუბოს, ჭიათურის, ბაღდათის, ვანის, ზესტაფონის,  თერჯოლის, სამტრედიის, საჩხერის,  ხარაგაულის, ხონის რაიონები;

რეგიონი 9: ლანჩხუთის, ოზურგეთის, ჩოხატაურის რაიონები;

რეგიონი 10: ამბროლაურის, ლენტეხის, ონის,  ცაგერის რაიონები;

რეგიონი 11: ქ.ფოთი, აბაშის, ზუგდიდის, მარტვილის, მესტიის, სენაკის, ჩხოროწყუს, წალენჯიხის, ხობის  რაიონები;

რეგიონი 12: აფხაზეთის ავტონომიური რესპუბლიკა;

დ) უზრუნველყოს შპს „მაგთიკომმა“ კომისიის 2006 წლის 30 ივნისის №6 დადგენილებით დამტკიცებულ ”რადიოსიხშირული სპექტრის განაწილების ეროვნული გეგმასა” და საქართველოს კანონმდებლობაში ცვლილების განხორციელების შემთხვევაში, ლიცენზიით გათვალისიწნებული საქმიანობის შესაბამისაობაში მოყვანა საქართველოს მოქმედ კანონმდებლობასა და  კომისიის 2006 წლის 30 ივნისის №6 დადგენილებით დამტკიცებულ ”რადიოსიხშირული სპექტრის განაწილების ეროვნული გეგმასთან”.

2.   დაევალოს კომისიის აპარატის ადმინისტრაციულ დეპარტამენტს (ნ.ლორთქიფანიძე):

ა)  სათანადო მონაცემების კომისიის სალიცენზიო  რეესტრში შეტანა;

ბ)“ლიცენზიებისა და ნებართვების შესახებ“ საქართველოს კანონის მე-13 მუხლით გათვალისწინებული მონაცემების სახელმწიფო სალიცენზიო რეესტრში გატარებისა და ლიცენზიის მოდიფიცირების თაობაზე ინფორმაციის „საქართველოს საკანონმდებლო მაცნეში“ გამოქვეყნების უზრუნველყოფა;

გ) სალიცენზიო მოწმობის გაცემის უზრუნველყოფა. 

3. გადაწყვეტილება ძალაში შედის მისი დამოწმებული ასლის შპს ”მაგთიკომი”-სთვის ჩაბარების დღიდან;

4. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, დ.აღმაშენებლის ხეივანი მე-12 კმ) ერთი  თვის ვადაში;

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის სამართლებრივ დეპარტამენტს (კ.ყურაშვილი).

კომისიის თავმჯდომარის

მოვალეობის შემსრულებელი                                                         ს.ბრიტანჩუკი

კომისიის წევრის მოვალეობის

შემსრულებელი                                                                                ზ.ნონიკაშვილი

კომისიის წევრი                                                                                 კ.კვიტაიშვილი

კომისიის წევრი                                                                                 ა.სიხარულიძე

კომისიის წევრი                                                                                 ი.მოსეშვილი