ბრიტანეთის ჰუმანიტარული ორგანიზაციის ”ჰალო თრასთის” წარმომადგენლობისთვის საქართველოში სიხშირეების მინიჭების შესახებ

    საქართველოს კომუნიკაციების ეროვნული კომისია (შემდგომში “კომისია\") აღნიშნავს, რომ ბრიტანეთის ჰუმანიტარული ორგანიზაციის ”ჰალო თრასთის” წარმომადგენლობამ საქართველოში  (რეგისტრირებული  საქართველოს იუსტიციის სამინისტროს  მიერ, ს.კ. №203844000) კომისიას მიმართა განცხადებით (№ 7/11-09; 16.01.09) აფხაზეთის რეგიონში მეტრულ ტალღათა დიაპაზონში ორი სიხშირის მინიჭების თაობაზე. სიხშირეები გათვალისწინებულია ოპერატიული რადიოკავშირისთვის და გამოყენებული იქნება დამხმარე ტექნოლოგიური დანიშნულებით.

“ელექტრონული კომუნიკაციების  შესახებ” საქართველოს კანონის 471 მუხლის მე-3 პუნქტისა და “საქართველოს კომუნიკაციების ეროვნული კომისიის საქმიანობის მარეგულირებელი წესების”  29-ე მუხლის შესაბამისად,  კომისიამ კენჭისყრის შედეგად ერთხმად

გადაწყვიტა:

1. მიენიჭოს ბრიტანეთის ჰუმანიტარული ორგანიზაციის ”ჰალო თრასთის” წარმომადგენლობას საქართველოში  158.100 მჰც და 163.100 მჰც  სიხშირეები აფხაზეთის ტერიტორიაზე ოპერატიული რადიოკავშირისთვის დამხმარე ტექნოლოგიური დანიშნულებით ერთი წლის ვადით;

2.   აღირიცხოს ბრიტანეთის ჰუმანიტარული ორგანიზაციის ”ჰალო თრასთის” წარმომადგენლობისთვის საქართველოში მინიჭებული სიხშირეები კომისიის უწყებრივ რეესტრში (რ.ქურდაძე);

3. კანონმდებლობის ცვლილების შემთხვევაში ბრიტანეთის ჰუმანიტარული ორგანიზაციის ”ჰალო თრასთის” წარმომადგენლობისთვის საქართველოში  სიხშირეების მინიჭების საკითხი შესაბამისობაში იქნეს მოყვანილი  კანონმდებლობასთან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დ.აღმაშენებლის ხეივანი მე-12 კმ) ერთი თვის ვადაში;   

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის, მონიტორინგისა და კოორდინაციის დეპარტამენტს (ს. შავგულიძე).  

6. გადაწყვეტილება ძალაში შევიდეს ამ გადაწყვეტილების დამოწმებული ასლის ბრიტანეთის ჰუმანიტარული ორგანიზაციის ”ჰალო თრასთის” წარმომადგენლობისთვის საქართველოში   ჩაბარებისთანავე. 

            კომისიის თავმჯდომარის

             მოვალეობის შემსრულებელი                                                         ს. ბრიტანჩუკი

            კომისიის წევრის

            მოვალეობის შემსრულებელი                                                         ზ. ნონიკაშვილი       

            კომისიის წევრის                                                                              

            მოვალეობის შემსრულებელი                                                         კ. კვიტაიშვილი