შპს “აია +”-სა და შპს “აისი +” შორის რადიოსიხშირული სპექტრით სარგებლობის ლიცენზიის გადაპირებაზე ადმინისტრაციული წარმოების შეწყვეტის თაობაზე

საქართველოს კომუნიკაციების ეროვნული კომისია (შემდგომში „კომისია“), აღნიშნავს, რომ კომისიას 2009 წლის 04 აგვისტოს, განცხადებით მიმართა შპს “აია +”-მა (კომისიაში რეგისტრაციის №6/1921-09). განმცხადებელმა კომისიას წარმოუდგინა შპს “აისი +”-თან 2009 წლის 1 აგვისტოს გაფორმებული ხელშეკრულება,  პირდაპირი გადაპირების წესით, შპს ”აია +”-ის მიერ № F71 ლიცენზიიდან გამომდინარე უფლებებისა და ვალდებულებების შპს ”აისი +”-სათვის გადაცემის შესახებ და მოითხოვა ცვლილებების შეტანა უწყებრივ რეესტრში.

კომისია აღნიშნავს, რომ შპს “აია +” ფლობს რადიოსიხშირული სპექტრით სარგებლობის №71 ლიცენზიას,  რომლის შესაბამისად გამოყოფილი აქვს 2.6-2.7 გჰც რადიოსიხშირული ზოლი, ქ. ქუთაისში, ზესტაფონის, თერჯოლის, ბაღდათის, ვანის, სამტრედიის, აბაშის, სენაკის, ზუგდიდის, ჭიათურის, ხონის, წყალტუბოს, ტყიბულის რაიონებში ავტორიზებული საქმიანობისათვის. კომისიის მიერ რადიოსიხშირული სპექტრით სარგებლობის უფლება შპს ”აია+”-ს მინიჭებული აქვს 2019 წლის 24 აპრილამდე.  

კომისია ასევე აღნიშნავს, რომ შპს ”აისი +” ფლობს რადიოსიხშირული სპექტრით სარგებლობის №72 ლიცენზიას,  რომლის შესაბამისად გამოყოფილი აქვს 2.5-2.6 გჰც რადიოსიხშირული ზოლი, ქ. ქუთაისში, ზესტაფონის, თერჯოლის, ბაღდათის, ვანის, სამტრედიის, აბაშის, სენაკის, ზუგდიდის, ჭიათურის, ხონის, წყალტუბოს, ტყიბულის რაიონებში ავტორიზებული საქმიანობისათვის. კომისიის მიერ რადიოსიხშირული სპექტრით სარგებლობის უფლება შპს ”აია+”-ს მინიჭებული აქვს 2019 წლის 24 აპრილამდე. 

კომისია აღნიშნავს, რომ წარმოდგენილი განცხადებისა და მასზე თანდართული მასალების განხილვა ჩაინიშნა 2009 წლის  21 აგვისტოს კომისიის სხდომაზე, რის შესახებაც ეცნობათ შპს ”აია +”-ს და ”აისი +”-ს შეტყობინებებით საკითხის განხილვის ადგილისა და თარიღის მითითებით (წერილები 02/1834-09 და 02/1833-09).

            კომისია აღნიშნავს, რომ 2009 წლის 21 აგვისტოს კომისიას წერილობით მიმართა შპს ”აია+”-მა (კომისიაში რეგისტრაციის №6/2228-09) და მოთხოვა შპს ”აისი+”-ზე რადიოსიხშირული ზოლის გადაპირების თაობაზე დაწყებული საქმის წარმოების შეწყვეტის შესახებ.

ზემოაღნიშნული ფაქტობრივი გარემოებების საფუძველზე, კომისიამ კეჭისყრის შედეგად, ერთხმად

გადაწყვიტა:

1. დაკმაყოფილდეს შპს ”აია+”-ს მოთხოვნა რადიოსიხშირული სპექტრით სარგებლობის № F71 ლიცენზიის გადაპირების თაობაზე კომისიაში დაწყებული ადმინისტრაციული წარმოების შეწყვეტის თაობაზე და შეწყდეს შპს ”აია+”-ის განცხადებაზე დაწყებული ადმინისტრაციული წარმოება;

2. დაევალოს კომისიის აპარატის ადმინისტრაციულ დეპარტამენტს (ნ.ჯავახიძე) აღნიშნული გადაწყვეტილების შპს ”აია +”-სთვის და ”აისი+”-სათვის გაგზავნა, დაზღვეული საფოსტო  გზავნილის სახით;

3. გადაწყვეტილება ძალაში შედის მისი დამოწმებული ასლის შპს ”აია +”-სათვის და ”აისი+”-სათვის ჩაბარების დღიდან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ. თბილისი, დ.აღმაშენებლის ხეივანი მე-12 კილომეტრი) ერთი თვის ვადაში;

5. კონტროლი აღნიშნული გადაწყვეტილების შესრულებაზე დაევალოს  კომისიის აპარატის ადმინისტრაციულ დეპარტამენტს (ი. ხარებავა).

კომისიის თავმჯდომარე                                                                               ი. ჩიქოვანი

კომისიის წევრი                                                                                              ი. მოსეშვილი

კომისიის წევრი                                                                                              ა. სიხარულიძე