კონტაქტი

საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა, კომისიის 2009 წლის 31 აგვისტოს N43 სხდომაზე წარმოდგენილი დღის წესრიგის პროექტი, საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად და კომისიის აპარატის მუშაობის წესის მე-2 მუხლის მე-16 პუნქტის ბ) ქვეპუნქტის, მე-18 და მე-19 პუნქტების საფუძველზე

გადაწყვიტა:

1. კომისიის №43 სხდომის დღის წესრიგის პროექტის მე-2 საკითხი (ღია სააქციო საზოგადოება ”Мегафон”-სთვის ადმინისტრაციული სახდელის დაკისრების შესახებ) გადატანილ იქნეს ღია სააქციო საზოგადოება ”Мегафон”-ის უფლებამოსილი წარმომადგენლის შუამდგომლობის საფუძველზე 2009 წლის 04 სექტემბრის სხდომის დღის წესრიგის პროექტში;

2. კომისიის N 43 სხდომის დღის წესრიგში დამატებით შეტანილ იქნეს 1 (ერთი) საკითხი:

ა) “საქართველოს კომუნიკაციების ეროვნული კომისიის 2008 წლის 4 აპრილის № 189/9 გადაწყვეტილების პირობებში ცვლილებებისა და დამატებების შეტანის მიზნით საჯარო ადმინისტრაციული წარმოების დაწყების შესახებ (მომხს. გ. ბუთბაია);

3. კომისიის 2009 31 აგვისტოს N43 სხდომის დღის წესრიგი დამტკიცდეს წარმოდგენილი სახით (თან ერთვის);

4. გადაწყვეტილება ცალკე გასაჩივრებას არ ექვემდებარება;

5. კონტროლი აღნიშნული გადაწყვეტილების შესრულებაზე დაევალოს ადმინისტრაციულ დეპარტამენტს (ი. ხარებავა).

კომისიის თავმჯდომარე ი. ჩიქოვანი

კომისიის წევრი ს. ბრიტანჩუკი

კომისიის წევრი კ. კვიტაიშვილი

კომისიის წევრი ი. მოსეშვილი