საქართველოს კომუნიკაციების ეროვნული კომისიის ლიცენზიების უწყებრივ რეესტრში შპს ”ახალი ქსელების” სახელმწიფო (სამეწარმეო) და საგადასახადო რეგისტრაციის მონაცემებში განხორციელებული ცვლილებების შეტანის შესახებ

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ „ელექტრონული კომუნიკაციების შესახებ“ საქართველოს კანონის მე-19 მუხლის მეორე პუნქტის გ) ქვეპუნქტის შესაბამისად, ავტორიზებული პირი ვალდებულია, თავისი საქმიანობის ან/და მომსახურების მოდიფიცირების, აგრეთვე მის მიერ წარმოდგენილ დეკლარაციაში სხვა სახის ცვლილებების თაობაზე 7 სამუშაო დღის ვადაში შეატყობინოს კომისიას, რომელიც აღნიშნულ ცვლილებებს ამ კანონით დადგენილ ვადაში და განსაზღვრული წესით ატარებს რეგისტრაციაში ავტორიზებულ პირთა უწყებრივ რეესტრში; ხოლო ამავე მუხლის მ) ქვეპუნქტის თანახმად, ავტორიზებული პირის ერთ-ერთ ვალდებულებას წარმოადგენს  ამ კანონის მე-16 მუხლის მე-2 პუნქტის „ა“ და „ბ“  ქვეპუნქტებით გათვალისწინებული მონაცემების (ინდივიდუალური მეწარმისათვის – სახელი, გვარი, დაბადების ადგილი და თარიღი, სამეწარმეო რეესტრში რეგისტრაციის მონაცემები, სამუშაო და საცხოვრებელი ადგილების მისამართები; იურიდიული პირისათვის – სა­ფირ­მო სა­ხელ­წო­დე­ბა, ორ­გა­ნი­ზა­ცი­ულ-სა­მარ­თლებ­რივი ფორ­მა, ად­გილ­სამ­ყო­ფელი (იუ­რი­დი­ული მი­სა­მართი), სამეწარმეო რეესტრში რეგისტრაციის მონაცემები, წარ­მო­მად­გენ­ლო­ბაზე უფ­ლე­ბამო­სი­ლი პი­რის სა­ხელი და გვარი;) შეცვლის შემთხვევაში კომისიას წერილობით აცნობოს  ამის შესახებ და ცვლილებების რეგისტრაციიდან  7  სამუშაო დღის ვადაში წარუდგინოს სათანადო დოკუმენტები.

    კომისია აღნიშნავს, რომ შპს „ახალმა ქსელებმა” კომისიას მომართა განცხადებებით  (21.11.2008 წ. და 12.01.2009წ) და წარმოუდგინა შპს ”ახალი ქსელების” პარტნიორთა კრების ოქმი N 05.11.2008წ. და საქართველოს ფინანსთა სამინისტროს შემოსავლების სამსახურის ქ.თბილისის რეგიონალური ცენტრის (საგადასახადო ინსპექცია) 2008 წლის 8 მაისის N16035/005-4/4-497 ბრძანება შპს ”ეგტელის” ლიკვიდაციის შესახებ. აღნიშნული ბრძანების მე-2 პუნქტის მიხედვით ლიკვიდირებული შპს ”ეგტელის” ქონება გადაეცა დამფუძნებელს. იმის გათვალისწინებით, რომ         შპს ”ეგტელის” 100% წილის მესაკუთრე იყო, სს ”ეგრისი” და ასევე იმის გათვალისწინებით, რომ შპს ”ეგტელი” შპს ”ახალ ქსელებში” იყო 10% წილის მესაკუთრე, სს ”ეგრისი” როგორც შპს ”ეგტელის” სამართალმემკვიდრე შევიდა შპს ”ახალი ქსელების” შემადგენლობაში პარტნიორად და 10% წილის მესაკუთრედ;

კომისია ასევე აღნიშნავს, რომ შპს „ახალმა ქსელებმა” კომისიას მომართა მესამე განცხადებით (30.12.2008 წ.) და წარმოუდგინა სს ”ეგრისის” აქციონერთა კრების ოქმი (N1-10858, 20.10.08 წ.), რომლის შესაბამისადაც, განხორციელდა ცვლილება სს „ეგრისის“ სახელმწიფო (სამეწარმეო) და საგადასახადო რეგისტრაციის მონაცემებში და სს”ეგრისს” გამოეყო ახალი იურიდიული პირი - შპს ”სისტემ ნეტი”.  სს ”ეგრისის” 2008 წლის 20 ოქტომბრის აქციონერთა კრების ოქმის მე-2 პუნქტის თანახმად სს ”ეგრისის” ყველა უფლება-ვალდებულება, საკუთრებაში არსებული უძრავ-მოძრავი ქონება, წილები სხვა იურიდიულ პირებში, ყველა ლიცენზია ან/და ნებართვა მთლიანად გადაეცა შპს ”სისტემ ნეტს”. კერძოდ სს ეგრისის ნაცვლად შპს ”ახალი ქსელების” შემადგენლობაში პარტნიორად და 10% წილის მესაკუთრედ შევიდა შპს ”სისტემ ნეტი”.

კომისია დამატებით აღნიშნავს, რომ შპს ”ახალი ქსელებს” კომისიაში გავლილი აქვს ავტორიზაცია 2006 წლის 2 მარტს შემდეგ მომსახურებებზე: ადგილობრივ, საერთაშორისო და საქალაქთაშორისო საკომუნიკაციო მომსახურებაზე, ინტერნეტით მომსახურებაზე და საკაბელო სატრანზიტო ტელე-რადიომაუწყებლობაზე, ასევე ფლობს რადიოსიხშირული სპექტრით და ნუმერაციის რესურსით სარგებლობის ლიცენზიებს №№ F25, N34, N65, N66, N67, N68, N88, N100, N119, N125, N127, N128,

კომისიას მიაჩნია, რომ ზემოაღნიშნულიდან გამომდინარე, უნდა განხორციელდეს შესაბამისი ცვლილება კომისიის ავტორიზებულ პირთა და ლიცენზიების უწყებრივ რეესტრებში.

„ელექტრონული კომუნიკაციების შესახებ“ საქართველოს კანონის მე-19 მუხლის მე-2 პუნქტის გ) ქვეპუნქტისა და „საქართველოს კომუნიკაციების ეროვნული კომისიის საქმიანობის მარეგულირებელი წესების“ 32-ე მუხლის შესაბამისად, კომისიამ კენჭისყრის შედეგად, ერთხმად

გ ა დ ა წ ყ ვ ი ტ ა:

1. შევიდეს ცვლილება კომისიის ავტორიზებულ პირთა და ლიცენზიების უწყებრივ რეესტრებში და შპს ”ახალი ქსელების” შემადგენლობაში პარტნიორად და 10% წილის შესაკუთრედ შპს”ეგტელის” ნაცვლად განისაზღვროს შპს „სისტემ ნეტი“;

2. გადაწყვეტილება ძალაში შედის მისი კომისიის ოფიციალურ ვებ გვერდზე გამოქვეყნების დღიდან;

3. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დ.აღმაშენებლის ხეივანი მე-12 კმ.) ერთი  თვის ვადაში;

4. კონტროლი აღნიშნული გადაწყვეტილების შესრულებაზე დაევალოს კომისიის აპარატის ადმინისტრაციულ დეპარტამენტს  (ი. ხარებავა).

კომისიის თავმჯდომარის მოვალეობის შემსრულებელი                          ს. ბრიტანჩუკი

კომისიის წევრის მოვალეობის შემსრულებელი                                       ზ. ნონიკაშვილი       

კომისიის წევრის მოვალეობის შემსრულებელი                                       კ. კვიტაიშვილი