კონტაქტი

საქართველოს კომუნიკაციების ეროვნული კომისია (შემდგომში “კომისია\") აღნიშნავს, რომ შპს “ალფა +”-მა (რეგისტრირებული ქ. თბილისის საგადასახადო ინსპექციის მიერ, ს.კ. №202308056) კომისიას მიმართა განცხადებით (№7/37-09; 03.02.09) ქ. თბილისში და მის მიმდებარე ტერიტორიაზე დეციმეტრულ ტალღათა დიაპაზონში 413.150 მჰც და 418.400 მჰც სიხშირეების მინიჭების გაუქმების თაობაზე, რომელიც მინიჭებული იყო კომისიის 2008 წლის 27 ივნისის № 370/13 გადაწყვეტილებით.

საქართველოს ზოგადი ადმინისტრაციული კოდექსის 61-ე მუხლის პირველი ნაწილისა და „საქართველოს კომუნიკაციების ეროვნული კომისიის საქმიანობის მარეგულირებელი წესების“ 29-ე მუხლის მე-12 პუნქტის ა) ქვეპუნქტის თანახმად, კომისიამ კენჭისყრის შედეგად ერთხმად

გადაწყვიტა:

1. გაუქმებულ იქნას შპს “ალფა +”-სთვის ქ. თბილისში და მის მიმდებარე ტერიტორიაზე 413.150 მჰც და 418.400 მჰც სიხშირეების მინიჭება, ხოლო კომისიის 2008 წლის 27 ივნისის №370/13 გადაწყვეტილება ცნობილ იქნას ძალადაკარგულად;

2. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დ.აღმაშენებლის ხეივანი მე-12 კმ) ერთი თვის ვადაში;

3. კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის, მონიტორინგისა და კოორდინაციის დეპარტამენტს (ს. შავგულიძე);

4. გადაწყვეტილება ძალაში შევიდეს ამ გადაწყვეტილების დამოწმებული ასლის შპს “ალფა +”-სთვის ჩაბარებისთანავე.

კომისიის თავმჯდომარის

მოვალეობის შემსრულებელი ს. ბრიტანჩუკი

კომისიის წევრის

მოვალეობის შემსრულებელი ზ. ნონიკაშვილი

კომისიის წევრის

მოვალეობის შემსრულებელი კ. კვიტაიშვილი