საქართველოს კომუნიკაციების ეროვნული კომისიის ლიცენზიების უწყებრივ რეესტრში შპს ”ოპტიკურ-ბოჭკოვანი ტელეკომუნიკაციის ქსელი - ფოპტნეტის” სახელმწიფო (სამეწარმეო) და საგადასახადო რეგისტრაციის მონაცემებში განხორციელებული ცვლილებების შეტანის შესახებ

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ „ელექტრონული კომუნიკაციების შესახებ“ საქართველოს კანონის მე-19 მუხლის მეორე პუნქტის გ) ქვეპუნქტის შესაბამისად, ავტორიზებული პირი ვალდებულია, თავისი საქმიანობის ან/და მომსახურების მოდიფიცირების, აგრეთვე მის მიერ წარმოდგენილ დეკლარაციაში სხვა სახის ცვლილებების თაობაზე 7 სამუშაო დღის ვადაში შეატყობინოს კომისიას, რომელიც აღნიშნულ ცვლილებებს ამ კანონით დადგენილ ვადაში და განსაზღვრული წესით ატარებს რეგისტრაციაში ავტორიზებულ პირთა უწყებრივ რეესტრში; ხოლო ამავე მუხლის მ) ქვეპუნქტის თანახმად, ავტორიზებული პირის ერთ-ერთ ვალდებულებას წარმოადგენს  ამ კანონის მე-16 მუხლის მე-2 პუნქტის „ა“ და „ბ“  ქვეპუნქტებით გათვალისწინებული მონაცემების (ინდივიდუალური მეწარმისათვის – სახელი, გვარი, დაბადების ადგილი და თარიღი, სამეწარმეო რეესტრში რეგისტრაციის მონაცემები, სამუშაო და საცხოვრებელი ადგილების მისამართები; იურიდიული პირისათვის – სა­ფირ­მო სა­ხელ­წო­დე­ბა, ორ­გა­ნი­ზა­ცი­ულ-სა­მარ­თლებ­რივი ფორ­მა, ად­გილ­სამ­ყო­ფელი (იუ­რი­დი­ული მი­სა­მართი), სამეწარმეო რეესტრში რეგისტრაციის მონაცემები, წარ­მო­მად­გენ­ლო­ბაზე უფ­ლე­ბამო­სი­ლი პი­რის სა­ხელი და გვარი;) შეცვლის შემთხვევაში კომისიას წერილობით აცნობოს  ამის შესახებ და ცვლილებების რეგისტრაციიდან  7  სამუშაო დღის ვადაში წარუდგინოს სათანადო დოკუმენტები.

კომისია აღნიშნავს, რომ შპს ”ოპტიკურ-ბოჭკოვანმა ტელეკომუნიკაციის ქსელმა - ფოპტნეტმა” კომისიას მომართა  განცხადებით (29.12.2008 წ.) და წარმოუდგინა შპს ”ოპტიკურ-ბოჭკოვანი ტელეკომუნიკაციის ქსელი - ფოპტნეტის”   პარტნიორთა კრების ოქმი (26.12.2008წ.) შპს ”ოპტიკურ-ბოჭკოვანი ტელეკომუნიკაციის ქსელი - ფოპტნეტის”  შემადგენლობიდან სს ”ეგრისის” გასვლის და მის ნაცვლად (პარტნიორად) შპს ”სისტემ ნეტის” მიღების შესახებ. კომისიაში ასევე წარმოდგენილია სს ”ეგრისის” აქციონერთა კრების ოქმი (N1-10858, 20.10.08 წ.), რომლის შესაბამისადაც, განხორციელდა ცვლილება სს „ეგრისის“ სახელმწიფო (სამეწარმეო) და საგადასახადო რეგისტრაციის მონაცემებში და სს”ეგრისს” გამოეყო ახალი იურიდიული პირი - შპს ”სისტემ ნეტი”. სს ”ეგრისის” 2008 წლის 20 ოქტომბრის აქციონერთა კრების ოქმის მე-2 პუნქტის თანახმად სს ”ეგრისის” ყველა უფლება-ვალდებულება, საკუთრებაში არსებული უძრავ-მოძრავი ქონება, წილები სხვა იურიდიულ პირებში, ყველა ლიცენზია ან/და ნებართვა მთლიანად გადაეცა შპს ”სისტემ ნეტს”. იმის გათვალისწინებით, რომ სს ”ეგრისი” შპს ”ოპტიკურ-ბოჭკოვან ტელეკომუნიკაციის ქსელ - ფოპტნეტში” იყო 45% წილის მესაკუთრე, შპს  ”სისტემ ნეტი” როგორც სს ”ეგრისის” უფლებამონაცვლე შევიდა შპს ”ოპტიკურ-ბოჭკოვანი ტელეკომუნიკაციის ქსელი - ფოპტნეტის” შემადგენლობაში პარტნიორად და 45%  წილის მესაკუთრედ;

კომისია დამატებით აღნიშნავს, რომ შპს ”ოპტიკურ-ბოჭკოვან ტელეკომუნიკაციის ქსელ - ფოპტნეტს” კომისიაში გავლილი აქვს ავტორიზაცია 2006 წლის 11 ოქტომბერს შემდეგ მომსახურებებზე: საერთაშორისო, საქალაქთაშორისო და სხვა საკომუნიკაციო მომსახურება;

კომისიას მიაჩნია, რომ ზემოაღნიშნულიდან გამომდინარე, უნდა განხორციელდეს შესაბამისი ცვლილება კომისიის ავტორიზებულ პირთა უწყებრივ რეესტრში.

„ელექტრონული კომუნიკაციების შესახებ“ საქართველოს კანონის მე-19 მუხლის მე-2 პუნქტის გ) ქვეპუნქტისა და „საქართველოს კომუნიკაციების ეროვნული კომისიის საქმიანობის მარეგულირებელი წესების“ 32-ე მუხლის შესაბამისად, კომისიამ კენჭისყრის შედეგად, ერთხმად

გ ა დ ა წ ყ ვ ი ტ ა:

1. შევიდეს ცვლილება კომისიის ავტორიზებულ პირთა უწყებრივ რეესტრში და შპს ”ოპტიკურ-ბოჭკოვანი ტელეკომუნიკაციის ქსელი - ფოპტნეტის” პარტნიორად და 45% წილის შესაკუთრედ სს”ეგრისის” ნაცვლად განისაზღვროს შპს „სისტემ ნეტი“;

2. გადაწყვეტილება ძალაში შედის მისი კომისიის ოფიციალურ ვებ გვერდზე გამოქვეყნების დღიდან;

3. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დ.აღმაშენებლის ხეივანი მე-12 კმ.) ერთი  თვის ვადაში;

4. კონტროლი აღნიშნული გადაწყვეტილების შესრულებაზე დაევალოს კომისიის აპარატის ადმინისტრაციულ დეპარტამენტს  (ი. ხარებავა).

კომისიის თავმჯდომარის მოვალეობის შემსრულებელი                          ს. ბრიტანჩუკი

კომისიის წევრის მოვალეობის შემსრულებელი                                       ზ. ნონიკაშვილი       

კომისიის წევრის მოვალეობის შემსრულებელი                                       კ. კვიტაიშვილი