კონტაქტი

საქართველოს კომუნიკაციების ეროვნული კომისია (შემდეგში “კომისია”) აღნიშნავს, რომ შპს ”ტელეარხი 25”-მა კომისიას მიმართა განცხადებით, ქ.ბათუმში, რადიოსარელეო ხაზის მეშვეობით სტუდიიდან (პუშკინის ქ.№29) მწვანე კონცხის ანძამდე რადიოსამაუწყებლო სიგნალის მიწოდებისთვის, რადიოსიხშირის მინიჭების თხოვნით.

კომისია აღნიშნავს, რომ შპს ”ტელეარხი 25” ფლობს კერძო მაუწყებლობის № B29 ლიცენზიას: საერთო ტელემაუწყებლობაზე (მოქმედების ვადა 31.10.2012) და სალიცენზიო პირობების შესაბამისად მაუწყებლობას ახორციელებს ქ.ბათუმში, 24-ე დეციმეტრულ არხზე, 100 ვტ სიმძლავრის გადამცემის გამოყენებით.

კომისია აღნიშნავს, რომ ”მაუწყებლობის შესახებ” საქართველოს კანონის 75-ე მუხლის მე-2 პუნქტის, შესაბამისად კომისია საერთო მაუწყებლობის განმახორციელებელ კერძო მაუწყებლობის ლიცეენზიის მფლობელებს ანიჭებს რადიოსიხშირეებს დამხმარე ტექნოლოგიური დანიშნულებით გამოყენებისთვის, სალიცენზიოპირობების შესრულების უზრუნველყოფის მიზნით, ლიცენზიის მოქმედების ვადით.

კომისია აღნიშნავს, რომ შპს ”ტელეარხი 25”-სთვის სტუდიიდან (პუშკინის ქ. №29) მწვანე კონცხის ანძამდე, რადიოსარელეო ხაზის მეშვეობით, სიგნალების მისაწოდებლად, შერჩეულ იქნა სიხშირე: 1044 მჰც ± 14 მჰც (ზოლის სიგანით 28 მჰც), 0,1 ვატამდე სიმძლავრის გადამცემის გამოყენებით.

სიხშირე გათვალისწინებულია, ქ.ბათუმში, სტუდიიდან (პუშკინის ქ.№29) მწვანე კონცხის ანძამდე, სამაუწყებლო სიგნალის მიწოდებისთვის, დამხმარე ტექნოლოგიური დანიშნულებით გამოსაყენებლად, სალიცენზიო პირობების შესრულების უზრუნველსაყოფად.

”მაუწყებლობის შესახებ” საქართველოს კანონის 75-ე მუხლის მე-2 პუნქტის და საქართველოს კომუნიკაციების ეროვნული კომისიის საქმიანობის მარეგულირებელი წესების 29-ე მუხლის მე-2 პუნქტის შესაბამისად, კომისიამ, კენჭისყრის შედეგად, ერთხმად

გადაწყვიტა:

1. მიენიჭოს შპს ”ტელეარხი25”-ს რადიოსიხშირე: 1044 მჰც ± 14 მჰც (ზოლის სიგანით 28მჰც), სიმძლავრით 0,1 ვატამდე, ქ.ბათუმში, სტუდიიდან (პუშკინის ქ. №29) მწვანე კონცხის ანძამდე სამაუწყებლო სიგნალის მიწოდებისთვის დამხმარე ტექნოლოგიური დანიშნულებით, კერძო მაუწყებლობის № B29 ლიცენზიის მოქმედების ვადით, სალიცენზიო პირობების შესრულების უზრუნველყოფის მიზნით 2012 წლის 31 ოქტომბრამდე;

2. აღირიცხოს შპს ”ტელეარხი 25”-სთვის მინიჭებული სიხშირე კომისიის უწყებრივ რეესტრში (რ.ქურდაძე);

3. საქართველოს კანონმდებლობის ცვლილების შემთხვევაში, შპს ”ტელეარხი 25”-სთვის სიხშირის მინიჭების საკითხი შესაბამისობაში იქნას მოყვანილი საქართველოს კანონმდებლობასთან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ კოლეგიაში (დ.აღმაშენებლის ხეივანი, მე-12 კმ) 1 თვის ვადაში;

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის დეპარტამენტს (ს. შავგულიძე);

6. გადაწყვეტილება ძალაში შევიდეს ამ გადაწყვეტილების დამოწმებული ასლის შპს ”ტელეარხი 25”-სთვის ჩაბარებისთანავე.

კომისიის თავმჯდომარე ი. ჩიქოვანი

კომისიის წევრი ს. ბრიტანჩუკი

კომისიის წევრი კ. კვიტაიშვილი

კომისიის წევრი ა. სიხარულიძე

კომისიის წევრი ი. მოსეშვილი