კონტაქტი

საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა, კომისიის 2010 წლის 26 იანვრის N 04 სხდომაზე წარმოდგენილი დღის წესრიგის პროექტი, საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად და კომისიის აპარატის მუშაობის წესის მე-2 მუხლის მე-16 პუნქტის ბ) ქვეპუნქტისა და მე-18 პუნქტის საფუძველზე, კენჭისყრის შედეგად ერთხმად

გადაწყვიტა:

1. კომისიის 2010 წლის 26 იანვრის N 04 სხდომის დღის წესრიგის პროექტში დამატებით შეტანილ იქნეს 2 (ორი) საკითხი:

ა) შპს ”სპეცსერვისი 008”-სათვის ნუმერაციის რესურსის 0-0-8 (ნული-ნული-რვა) ერთი წლის ვადით მინიჭების თაობაზე (მომხს. ი. თოდრია - სამართლებრივი დეპარტამენტის მთავარი სპეციალისტი);

ბ) შპს ”ურუშასთვის” ნუმერაციის რესურსის 0-0-4 (ნული-ნული-ოთხი) ერთი წლის ვადით მინიჭების თაობაზე (მომხს. ი. თოდრია - სამართლებრივი დეპარტამენტის მთავარი სპეციალისტი);

2. კომისიის 2010 წლის 26 იანვრის N 04 სხდომის დღის წესრიგი დამტკიცდეს წარმოდგენილი სახით (თან ერთვის);

3. გადაწყვეტილება ცალკე გასაჩივრებას არ ექვემდებარება;

4. კონტროლი აღნიშნული გადაწყვეტილების შესრულებაზე დაევალოს ადმინისტრაციულ დეპარტამენტს (ი.ხარებავა).

კომისიის თავმჯდომარე	ი. ჩიქოვანი
კომისიის წევრი	ს. ბრიტანჩუკი
კომისიის წევრი	ა . სიხარულიძე
კომისიის წევრი	ი. მოსეშვილი