შპს ”საქართველოს მილსადენის კომპანიისთვის” არაავტორიზებადი საქმიანობისთვის დამხმარე ტექნოლოგიური დანიშნულებით რადიოსიხშირეების მინიჭების შესახებ

საქართველოს კომუნიკაციების ეროვნული კომისია (შემდეგში “კომისია”) აღნიშნავს, შპს ”საქართველოს მილსადენის კომპანიამ” კომისიას მიმართა განცხადებით (რეგისტირებული №7/325-10,21.09.10), დასავლეთის მიმართულების საექსპორტო მილსადენის ობიექტებს შორის რადიოსარელეო კავშირის უზრუნველსაყოფად, 2009 წლის 23 სექტემბერს, კომისიის გადაწყვეტილებით №533/13 მინიჭებული  რადიოსიხშირული წყვილის (12786მჰც და 13052მჰც), ხელახლა, ახალი ვადით მინიჭების   მოთხოვნით.

     კომისია აღნიშნავს, რომ შპს ”საქართველოს მილსადენის კომპანიის” მიერ სიხშირეები 12786მჰც ± 1.75 მჰც და 13052მჰც ± 1.75მჰც (თითოეული ზოლის სიგანით  3.5მჰც), გამოყენებულ უნდა იქნას მონაკვეთებზე:   ახალი სამგორი (საქაჩი სადგური PS11) - რუსთავი; მუხრანი (PS13) - დუშეთი; დიდი ფლევი(PS15) - ქარელი; მანდაეთი (წნევის მარეგულურებელი სადგური PRS1) -კორბოული; ქვემო საქარა (PRS2) - თერჯოლა  და სუფსის ტერმინალი - ფოთი, მილსადენის ტექნიკურ სადგურებს შორის, შიდაუწყებრივი რადიოსარელეო კავშირისთვის,  დამხმარე ტექნოლოგიური დანიშნულებით,  და არ უნდა იქნას გადაცემული სხვა პირზე.     

      კომისია ასევე აღნიშნავს, რომ ”ელექტრონული კომუნიკაციების შესახებ” საქართველოს კანონის 471 - ე მუხლის მე-3 პუნქტის შესაბამისად არაავტორიზებად პირებს, რომელთა საქმიანობა არ არის დაკავშირებული საერთო სარგებლობის ელექტრონული საკომუნიკაციო ქსელებითა და საშუალებებით უზრუნველყოფასთან ან/და ამ ქსელებითა და საშუალებებით მომსახურების მიწოდებასთან, მაგრამ საქმიანობისას საჭიროებენ რადიოსიხშირეების დამხმარე ტექნოლოგიური დანიშნულებით გამოყენებას, კომისია ანიჭებს რადიოსიხშირეებს დამხმარე ტექნოლოგიური დანიშნულებით დროებით,  1 წლის ვადით გამოყენებისათვის.

      ”ელექტრონული კომუნიკაციების შესახებ” საქართველოს კანონის 471 - ე მუხლის მე-3 პუნქტისა და ”საქართველოს კომუნიკაციების ეროვნული კომისიის საქმიანობის მარეგულირებელი წესების” 29-ე მუხლის  შესაბამისად, კომისიამ,  კენჭისყრის შედეგად, ერთხმად

გადაწყვიტა:

1.  მიენიჭოს შპს ”საქართველოს მილსადენის კომპანიას” რადიოსიხშირეები 12786მჰც ± 1.75 მჰც და 13052მჰც ± 1.75მჰც, მონაკვეთებზე: ახალი სამგორი (საქაჩი სადგური PS11) - რუსთავი; მუხრანი (PS13) - დუშეთი; დიდი ფლევი (PS15) - ქარელი; მანდაეთი (წნევის მარეგულურებელი სადგური PRS1) - კორბოული; ქვემო საქარა (PRS2) - თერჯოლა  და სუფსის ტერმინალი - ფოთი, მილსადენის ტექნიკურ სადგურებს შორის, შიდაუწყებრივი რადიოსარელეო კავშირისთვის,  დამხმარე ტექნოლოგიური დანიშნულებით, არაავტორიზებულ საქმიანობისთვის,  ერთი წლის ვადით;

2. აღირიცხოს შპს ”საქართველოს მილსადენის კომპანიისთვის” მინიჭებული სიხშირეები კომისიის შესაბამის  უწყებრივ რეესტრში (რ.ქურდაძეს);

3.  საქართველოს კანონმდებლობის ცვლილების შემთხვევაში შპს ”საქართველოს მილსადენის კომპანიისთვის”  სიხშირეების მინიჭების საკითხი შესაბამისობაში იქნეს  მოყვანილი კანონმდებლობასთან;

4.   გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტაციულ საქმეთა კოლეგიაში (დ.აღმაშენებლის ხეივანი, მე-12 კმ)   1 თვის ვადაში;   

5. კონტროლი აღნიშნული გადაწყვეტილების შესრულებაზე დაევალოს რადიოსიხშირეთა  მართვის დეპარტამენტს (ს. შავგულიძე);

6.  გადაწყვეტილება    ძალაში    შევიდეს   ამ    გადაწყვეტილების    დამოწმებული  ასლის  შპს ”საქართველოს მილსადენის კომპანიისთვის      ჩაბარებისთანავე.

        კომისიის თავმჯდომარე                                                                      ი.ჩიქოვანი                                             

        კომისიის    წევრი                                                                                  ს.ბრიტანჩუკი

        კომისიის    წევრი                                                                                  კ.კვიტაიშვილი

        კომისიის    წევრი                                                                                  ა.სიხარულიძე

        კომისიის    წევრი                                                                                    ი.მოსეშვილი