შპს „საქართველოს რკინიგზისთვის” არაავტორიზებადი საქმიანობისთვის დამხმარე ტექნოლოგიური დანიშნულებით სიხშირის მინიჭების შესახებ

  საქართველოს კომუნიკაციების ეროვნული კომისია (შემდგომში “კომისია\") აღნიშნავს, რომ შპს „საქართველოს რკინიგზამ” (რეგისტრირებული  მსხვილ გადამხდელთა  საგადასახადო ინსპექციის მიერ  ს. კ. № 202886010) კომისიას მიმართა განცხადებით (კომისიაში რეგისტრაციის N 7/406-10, 01.12.10) სიხშირეების მინიჭების თაობაზე. სიხშირეები გათვალისწინებულია თანამშრომლებს შორის ოპერატიული რადიოკავშირისთვის და გამოყენებული იქნება მხოლოდ შპს ”საქართველოს რკინიგზის”  მიერ დამხმარე ტექნოლოგიური დანიშნულებით.

კომისია აღნიშნავს, რომ მინიჭებული სიხშირეები გამოყენებული უნდა იქნას მხოლოდ აღნიშნული ორგანიზაციის მიერ დამხმარე ტექნოლოგიური დანიშნულებით და არ უნდა იქნას გადაცემული სხვა პირზე.

 “ელექტრონული კომუნიკაციების  შესახებ” საქართველოს კანონის 471 მუხლის მე-3 პუნქტისა და “საქართველოს კომუნიკაციების ეროვნული კომისიის საქმიანობის მარეგულირებელი წესების”  29-ე მუხლის შესაბამისად,  კომისიამ კენჭისყრის შედეგად, ერთხმად

გადაწყვიტა:

1.   მიენიჭოს შპს „საქართველოს რკინიგზას” ერთი წლის ვადით სიხშირეები დანართი 1-ში (თან ერთვის) მითითებული ჩამონათვალის მიხედვით, ოპერატიული რადიოკავშირისთვის, არაავტორიზებადი საქმიანობისთვის,  დამხმარე ტექნოლოგიური დანიშნულებით;

2.   მიენიჭოს შპს „საქართველოს რკინიგზას” ერთი წლის ვადით სიხშირეები შპს ”ქართულ სალოკომოტივო კომპანიასა” და შპს ”მარაბდა-კარწახი რკინიგზასთან” ერთობლივი გამოყენებისათვის, დანართი 2-ში (თან ერთვის) მითითებული ჩამონათვალის მიხედვით საქართველოს ტერიტორიაზე, ოპერატიული რადიოკავშირისთვის დამხმარე ტექნოლოგიური დანიშნულებით;

3. აღირიცხოს შპს „საქართველოს რკინიგზისთვის”  მინიჭებული სიხშირე კომისიის უწყებრივ რეესტრში (რ. ქურდაძე);

4. კანონმდებლობის ცვლილების შემთხვევაში შპს „საქართველოს რკინიგზისთვის” სიხშირის მინიჭების   საკითხი  შესაბამისობაში  იქნას  მოყვანილი  კანონმდებლობასთან;

5. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დ.აღმაშენებლის ხეივანი მე-12 კმ) ერთი თვის ვადაში;   

6. კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის დეპარტამენტს (ს. შავგულიძე). 

7 .გადაწყვეტილება ძალაში შევიდეს ამ გადაწყვეტილების დამოწმებული ასლის შპს „საქართველოს რკინიგზისთვის”  ჩაბარებისთანავე. 

კომისიის თავმჯდომარე                                                                  ი. ჩიქოვანი

            კომისიის წევრი                                                                                 კ. კვიტაიშვილი

            კომისიის წევრი                                                                                 ა. სიხარულიძე

            კომისიის წევრი                                                                                 ი. მოსეშვილი

საქართველოს  კომუნიკაციების  ეროვნული კომისიის

                                                            2010 წლის 10  დეკემბრის  N 559/13  გადაწყვეტილების

                                                                                                          დანართი  1

                                      სამუშაო სიხშირეები და მოქმედების ზონა

                                                                                                          დანართი 2

სამუშაო  სიხშირეები და მოქმედების ზონა