კონტაქტი

საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა, კომისიის 2011 წლის 18 მარტის №15 სხდომაზე წარმოდგენილი დღის წესრიგის პროექტი, საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად და კომისიის აპარატის მუშაობის წესის მე-2 მუხლის მე-13 და მე-15 პუნქტების საფუძველზე, კენჭისყრის შედეგად ერთხმად

გადაწყვიტა:

1. გადატანილ იქნეს კომისიის 2011 წლის 18 მარტის №15 სხდომის დღის წესრიგის პროექტის მე–7 (შპს „ტვ თამარისთვის“ ადმინისტრაციული პასუხისმგებლობის დაკისრების თაობაზე), მე–9 (შპს „TV ერა“-სთვის ადმინისტრაციული პასუხისმგებლობის დაკისრების თაობაზე) და მე–10 (შპს „MINDA“–სთვის ადმინისტრაციული პასუხისმგებლობის დაკისრების თაობაზე) საკითხები მ/წლის 25 მარტის კომისიის სხდომის დღის წესრიგის პროექტში შპს „ტვ თამარის“ (N6/1040-11, 17.03.11) და შპს „TV ერას“ (N6/1077-11, 18.03.11) შუამდგომლობების, ხოლო შპს „MINDA“–სთვის შპს „საქართველოს ფოსტიდან“ საფოსტო გზავნილების ჩაბარების შესახებ შეტყობინების არარსებობის საფუძველზე;

2. კომისიის 2011 წლის 18 მარტის №15 სხდომის დღის წესრიგი დამატებით შეტანილ იქნეს 2 (ორი) საკითხი:

ა) საქართველოს იუსტიციის სამინისტროსთვის ნუმერაციის რესურსის მონიჭების თაობაზე (მომხს. მ.გოთოშია);

ბ) შპს „საქართველოს რკინიგზისთვის“ ნუმერაციის რესურსის მონიჭების თაობაზე (მომხს. მ გოთოშია).

3. კომისიის 2011 წლის 18 მარტის №15 სხდომის დღის წესრიგი დამტკიცდეს წარმოდგენილი სახით (თან ერთვის);

4. გადაწყვეტილება ცალკე გასაჩივრებას არ ექვემდებარება;

5. კონტროლი აღნიშნული გადაწყვეტილების შესრულებაზე დაევალოს ადმინისტრაციულ დეპარტამენტს (ი.ხარებავა).

კომისიის თავმჯდომარე	ი. ჩიქოვანი
კომისიის წევრი	ს. ბრიტანჩუკი
კომისიის წევრი	კ. კვიტაიშვილი
კომისიის წევრი	ა. სიხარულიძე
კომისიის წევრი	ი. მოსეშვილი