კონტაქტი

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ მისი 2011 წლის 25 მარტის N164/22 დანართი № 1-ის ფორმა 9.1 საჭიროებს დამატებით დაზუსტებას, კერძოდ, საჭიროა სამაუწყებლო ლიცენზიის მფლობელთა მიერ შემოწირულობიდან და ტელეშოფინგიდან მიღებული შემოსავლების გამოყოფა.

საქართველოს ზოგადი ადმინისტრაციული კოდექსის 63-ე მუხლის შესაბამისად, კომისიამ კენჭისყრის შედეგად, ერთხმად

გ ა დ ა წ ყ ვ ი ტ ა:

1. შევიდეს ცვლილება კომისიის 2011 წლის 25 მარტის N164/22 გადაწყვეტილების დანართ N1-ის 9.1 ფორმაში და აღნიშნული ფორმა ჩამოყალიბდეს თანდართული რედაქციით (დანართი 1);

2. დაევალოს კომისიის აპარატის სტრატეგიული განვითარების დეპარტამენტს (რ. სხირტლაძე) სახეშეცვლილი სტატისტიკური ანგარიშგების 9.1 ფორმის შესახებ ინფორმაციის მიწოდება მაუწყებლობის ლიცენზიის მფლობელი პირებისთვის 2011 წლის 15 აპრილამდე;

3. გადაწყვეტილება ძალაში შევიდეს 2011 წლის 15 აპრილიდან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დ.აღმაშენებლის ხეივანი მე-12 კმ, N6) ერთი თვის ვადაში;

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის სტრატეგიული განვითარების დეპარტამენტს (რ. სხირტლაძე);

6. გადაწყვეტილება გამოქვეყნდეს კომისიის ოფიციალურ ვებ-გვერდზე (www.gncc.ge).

კომისიის წევრი ს. ბრიტანჩუკი

კომისიის წევრი კ. კვიტაიშვილი

კომისიის წევრი ა. სიხარულიძე

კომისიის წევრი ი. მოსეშვილი