კონტაქტი

საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა, კომისიის 2011 წლის 06 მაისის №26 სხდომაზე წარმოდგენილი დღის წესრიგის პროექტი, საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად და კომისიის აპარატის მუშაობის წესის მე-2 მუხლის მე-13, მე-15 და მე–18 პუნქტების საფუძველზე, კენჭისყრის შედეგად ერთხმად

გადაწყვიტა:

1. გადატანილ იქნეს კომისიის 2011 წლის 06 მაისის №26 სხდომის დღის წესრიგის პროექტის მე–16 საკითხი (შპს ”კიდას” სანქცირების შესახებ) კომისიის 2011 წლის 13 მაისის სხდომის დღის წესრიგის პროექტში;

2. კომისიის 2011 წლის 06 მაისის №26 სხდომის დღის წესრიგის პროექტში დამატებით შეტანილ იქნეს 2 (ორი) საკითხი:

ა) საქართველოს კომუნიკაციების ეროვნული კომისიის 2011 წლის 15 მარტის №124/2 გადაწყვეტილებაში ტექნიკური შეცდომის გასწორების შესახებ (მომხს. მ. ქადეიშვილი).

ბ) საქართველოს კომუნიკაციების ეროვნული კომისიის 2010 წლის 28 მაისის №253/22 გადაწყვეტილებაში დამატების შეტანის შესახებ (მომხს. მ. გოთოშია);

3. კომისიის 2011 წლის 06 მაისის №26 სხდომის დღის წესრიგი დამტკიცდეს წარმოდგენილი სახით (თან ერთვის);

4. გადაწყვეტილება ცალკე გასაჩივრებას არ ექვემდებარება;

5. კონტროლი აღნიშნული გადაწყვეტილების შესრულებაზე დაევალოს ადმინისტრაციულ დეპარტამენტს (ი.ხარებავა).

კომისიის თავმჯდომარე	ი. ჩიქოვანი
კომისიის წევრი	ს. ბრიტანჩუკი
კომისიის წევრი	კ. კვიტაიშვილი
კომისიის წევრი	ა . სიხარულიძე
კომისიის წევრი	ი. მოსეშვილი