კონტაქტი

საქართველოს კომუნიკაციების ეროვნული კომისია (შემდგომში “კომისია") აღნიშნავს, რომ შპს ”ომეგა მ.ბ.რ.”-მა (რეგისტრირებული ქ. თბილისის საგადასახადო ინსპექციის მიერ, ს.კ. № 206178447) კომისიას მიმართა განცხადებით (კომისიაში რეგისტრაციის № 7/266-11, 28,06,11) კომისიის მიერ ქ. თბილისში, ქ. ქუთაისში და ქ. ბათუმში დეციმეტრულ ტალღათა დიაპაზონში მინიჭებული ორი სიხშირის გაუქმების თაობაზე.

კომისია აღნიშნავს, რომ კომისიის 2010 წლის 24 სექტემბრის N 445/13 გადაწყვეტილებით შპს ”ომეგა მ.ბ.რ.”-ს ქ. თბილისში, ქ. ქუთაისში და ქ. ბათუმში ერთი წლის ვადით, ოპერატიული რადიოკავშირისთვის, არაავტორიზებადი საქმიანობისთვის, დამხმარე ტექნოლოგიური დანიშნულებით მიენიჭა სამი სიხშირე.

კომისია აღნიშნავს, რომ განიხილა ზემოაღნიშნული საკითხი და შესაძლებლად მიაჩნია შპს ”ომეგა მ.ბ.რ.”-ის მოთხოვნის საფუძველზე შევიდეს ცვლილება კომისიის 2010 წლის 24 სექტემბრის N445/13 გადაწყვეტილებაში.

საქართველოს ზოგადი ადმინისტრაციული კოდექსის 63-ე მუხლის შესაბამისად, კომისიამ კენჭისყრის შედეგად, ერთხმად

გადაწყვიტა:

1. შევიდეს ცვლილება კომისიის 2010 წლის 24 სექტემბრის N445/13 გადაწყვეტილების პირველი პუნქტით განსაზღვრულ დანართში და ჩამოყალიბდრს თანდართული სახით (თან ერთვის);

2. აღირიცხოს შპს ”ომეგა მ.ბ.რ.”-სთვის მინიჭებული სიხშირე კომისიის უწყებრივ რეესტრში (რ. ქურდაძე);

3.გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დ.აღმაშენებლის ხეივანი მე-12 კმ №6) ერთი თვის ვადაში;

4.კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის დეპარტამენტს (ს. შავგულიძე).

5.გადაწყვეტილება ძალაში შევიდეს ამ გადაწყვეტილების დამოწმებული ასლის შპს ”ომეგა მ.ბ.რ.”-სთვის ჩაბარებისთანავე.

კომისიის წევრი ს. ბრიტანჩუკი

კომისიის წევრი კ. კვიტაიშვილი

კომისიის წევრი ა. სიხარულიძე

კომისიის წევრი ი. მოსეშვილი