კონტაქტი

საქართველოს კომუნიკაციების ეროვნული კომისია (შემდგომში ”კომისია”) აღნიშნავს, რომ სატელეკომუნიკაციო ბაზრის ტექნოლოგიების განვითარებასთან დაკავშირებით საჭიროა განხორციელდეს კომისიის 2005 წლის 17 ივნისის №408/21 გადაწყვეტილებით დამტკიცებულ ავტორიზაციის დეკლარაციის ფორმებში (იურიდიული პირისთვის და ინდივიდუალური მეწარმისთვის) შესაბამისი ცვლილებები და დამატებები.

ზემოაღნიშნულის გათვალისწინებით, საქართველოს ზოგადი ადმინისტრაციული კოდექსის 63-ე მუხლის საფუძველზე, კომისიამ კენჭისყრის შედეგად, ერთხმად

გ ა დ ა წ ყ ვ ი ტ ა:

1. კომისიის 2005 წლის 17 ივლისის №408/21 გადაწყვეტილებით დამტკიცებულ ავტორიზაციის დეკლარაციის ფორმების (იურიდიული პირისთვის და ინდივიდუალური მეწარმისთვის) B.F.1 პუნქტს (ფიქსირებული საკომუნიკაციო სისტემების აბონენტების სატელეფონო ხმოვანი კავშირით მომსახურება) დაემატოს შემდეგი შინაარსის მე-4 ქვეპუნქტი:

”4. ტექსტური შეტყობინების მომსახურება”;

2. კომისიის 2005 წლის 17 ივლისის №408/21 გადაწყვეტილებით დამტკიცებულ ავტორიზაციის დეკლარაციის ფორმებს (იურიდიული პირისთვის და ინდივიდუალური მეწარმისთვის) დაემატოს შემდეგი შინაარსის B.F.6 პუნქტი:

” B.F.6 გამოძახებითი აუდიო-ვიზუალური მომსახურება (video on demand)”

3. შევიდეს ცვლილება კომისიის 2005 წლის 17 ივლისის №408/21 გადაწყვეტილებით დამტკიცებულ ავტორიზაციის დეკლარაციის ფორმების (იურიდიული პირისთვის და ინდივიდუალური მეწარმისთვის) B.F.4 პუნქტში და ორივე ფორმაში B.F.4 პუნქტი ჩამოყალიბდეს შემდეგი რედაქციით:

” B.F.4 მაუწყებლობის ტრანზიტი

1. ტელემაუწყებლობის ტრანზიტი;

2. რადიომაუწყებლობის ტრანზიტი;”

4. დაევალოს კომისიის აპარატის ადმინისტრაციულ დეპარტამენტს (მ. ქადეიშვილი) აღნიშნული გადაწყვეტილების ავტორიზებული პირებისთვის გაგზავნა;

5. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, დ.აღმაშენებლის ხეივანი მე12 კმ. N6) ერთი თვის ვადაში;

6. გადაწყვეტილება ძალაში შევიდეს კომისიის ოფიციალურ ვებ-გვერდზე (www.gncc.ge) გამოქვეყნებისთანავე;

7. კონტროლი აღნიშნული გადაწყვეტილების შერსრულებაზე დაევალოს კომისიის აპარატის ადმინისტრაციულ დეპარტამენტს (ი.ხარებავა).

კომისიის წევრი ს. ბრიტანჩუკი

კომისიის წევრი ი. მოსეშვილი

კომისიის წევრი ა. სიხარულიძე

კომისიის წევრი კ. კვიტაიშვილი