დამატებითი ფასიანი მომსახურების განსახორციელებლად ნუმერაციის რესურსით სარგებლობის ლიცენზიის მისაღებად გამოცხადებული აუქციონის ჩაშლილად გამოცხადების შესახებ

საქართველოს კომუნიკაციების ეროვნული კომისია (შემდგომში “კომისია”)  აღნიშნავს,  რომ 2011 წლის 12 აგვისტოს N416/8 გადაწყვეტილებით გამოცხადდა აუქციონი დამატებითი ფასიანი მომსახურების განსახორციელებლად ნუმერაციის რესურსით სარგებლობის ლიცენზიის მისაღებად შემდეგი სალიცენზიო პირობებით:

ა) ნუმერაციის რესურსი: 900 00 34 34 და 900 34 34 34 (სულ ორი სააბონენტო ნომერი)  დამატებითი ფასიანი მომსახურების განსახორციელებლად;

ბ) გეოგრაფიული ზონა: საქართველო;

გ) პრაქტიკული საქმიანობის დაწყების ვადა: ლიცენზიის გაცემიდან 1 (ერთი) წლის განმავლობაში;

დ) ლიცენზიის აღების შემთხვევაში, ლიცენზიის მფლობელი ვალდებული იქნება, დაიცვას საქართველოს კანონმდებლობა ელექტრონული კომუნიკაციების სფეროში;

ნუმერაციის რესურსით სარგებლობის საფასურის საწყისი ოდენობა განისაზღვრა 100.00 (ასი) ლარით,  ხოლო აუქციონის ბიჯმა შეადგინა 5 (ხუთი) ლარი;

აუქციონის  ჩატარების თარიღად განისაზღვრა 2011 წლის 16 სექტემბრის 13:00 საათი, ხოლო ლიცენზიის მაძიებლების განცხადებების მიღების ბოლო ვადად, 2011 წლის 29 აგვისტოს17:00  საათი.

კომისია აღნიშნავს, რომ ზემოაღნიშნულ აუქციონში მონაწილეობის მისაღებად  განაცხადი კომისიაში არც ერთ ლიცენზიის მაძიებელს არ წარმოუდგენია.

    ზემოაღნიშნულიდან გამომდინარე, „ელექტრონული კომუნიკაციების შესახებ“ საქართველოს კანონის მე-11 მუხლის მე-3 პუნქტის მ) ქვეპუნქტის შესაბამისად, კომისიამ, კენჭისყრის შედეგად, ერთხმად

          გადაწყვიტა:

1. ჩაშლილად გამოცხადდეს კომისიის 2011 წლის 12 აგვისტოს N416/8 გადაწყვეტილებით გამოცხადებული აუქციონი, დამატებითი ფასიანი მომსახურების განსახორციელებლად ნუმერაციის რესურსით  (900 00 34 34 და 900 34 34 34)  სარგებლობის ლიცენზიის მისაღებად;

2. დაევალოს კომისიის  აპარატის  პრესმდივანს (ხ. ყურაშვილი) აღნიშნული საკითხის საინფორმაციო უზრუნველყოფა;

3. გადაწყვეტილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, დ.აღმაშენებლის ხეივანი მე-12 კმ. №6) ერთი  თვის ვადაში;

4. გადაწყვეტილება ძალაში შედის კომისიის ოფიციალურ ვებ-გვერდზე (www.gncc.ge) გამოქვეყნებისთანავე;

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის ადმინისტრაციულ დეპარტამენტს (ი. ხარებავა).

კომისიის წევრი                                                                                  ს. ბრიტანჩუკი

კომისიის წევრი                                                                                  ი. მოსეშვილი

კომისიის წევრი                                                                                  ა. სიხარულიძე

კომისიის წევრი                                                                                  კ. კვიტაიშვილი