კონტაქტი

საქართველოს კომუნიკაციების ეროვნული კომისია (შემდეგში “კომისია”) აღნიშნავს, რომ შპს ”ტელეკომპანია I სტერეომ” კომისიას მიმართა განცხადებით (№36/0711,27.07.11), საქართველოს ტერიტორიაზე უძრავი და მოძრავი ობიექტებიდან სტუდიებამდე მაღალი გარჩევითობის მქონე სარეპორტაჟო ტელესიგნალების მიწოდებისთვის, დამხმარე ტექნოლოგიური დანიშნულებით, არაკომერციული მიზნით, კომისიის 2009 წლის 25 თებერვლის №101/13 გადაწყვეტილებით მინიჭებული 259 მჰც ± 14 მჰც სიხშირის, 5 გჰც-მდე სიხშირულ დიაპაზონში, ტოლფასი ზოლის სიგანის სიხშირით შეცვლის მოთხოვნით.

კომისია აღნიშნავს, რომ შპს ”ტელეკომპანია I სტერეოს” 259 მჰც ± 14 მჰც სიხშირის შეცვლა ესაჭიროება, კომპანიის ტექნიკური აღჭურვილობის ტექნოლოგიური ცვლილებების განხორციელებისთვის.

კომისია ასევე აღნიშნავს, რომ საქართველოს ტერიტორიაზე უძრავი და მოძრავი ობიექტებიდან სტუდიებამდე მაღალი გარჩევითობის მქონე სარეპორტაჟო ტელესიგნალების მისაწოდებლად, შპს ”ტელეკომპანია I სტერეოსთვის“ კომისიის გადაწყვეტილებით (№101/13,25.02.09) მინიჭებული სიხშირის 259 მჰც ± 14 მჰც (ზოლის სიგანე 28 მჰც) სანაცვლოდ, 5 გჰც დიაპაზონში შერჩეულ იქნა სიხშირე 4558 მჰც ±14 მჰც, ტოლფასი ზოლის სიგანით 28 მჰც. აღნიშნული სიხშირის გამოყენებაზე თანხმობა შპს ”ტელეკომპანია I სტერეომ” კომისიას აცნობა წერილით №39/0811,15.08.11.

ზემოაღნიშნულიდან გამომდინარე, კომისიას შესაძლებლად მიაჩნია, ”ტელეკომპანია I სტერეოსთვის” სიხშირის მინიჭების შესახებ კომისიის 2009 წლის 25 თებერვლის №101/13 გადაწყვეტილებაში შეტანილ იქნას ცვლილება და სიხშირე 259 მჰც ± 14მჰც (ზოლის სიგანე 28მჰც) შეიცვალოს, ტოლფასი ზოლის მქონე სიხშირით 4558 მჰც ± 14 მჰც.

საქართველოს ზოგადი ადმინისტრაციული კოდექსის 63-ე მუხლის შესაბამისად, კომისიამ კენჭისყრის შედეგად, ერთხმად

გადაწყვიტა:

1. შევიდეს ცვლილება კომისიის 2009 წლის 25 თებერვლის №101/13 გადაწყვეტილებაში და გადაწყვეტილების პირველი პუნქტი ჩამოყალიბდეს შემდეგი რედაქციით:

”1. მიენიჭოს შპს ”ტელეკომპანია I სტერეოს” სიხშირე 4558 მჰც±14 მჰც ზოლის

სიგანით 28 მჰც საქართველოს ტერიტორიაზე უძრავი და მოძრავი ობიექტებიდან

სტუდიებამდე მაღალი გარჩევითობის მქონე სარეპორტაჟო ტელესიგნალების

მიწოდებისთვის რაც გამოყენებულ უნდა იქნას დამხმარე ტექნოლოგიური

დანიშნულებით, არაკომერციული მიზნით, №B20 ლიცენზიის მოქმედების

ვადით (03.10.2013);”

2. აღირიცხოს შპს ”ტელეკომპანია I სტერეოსთვის” მინიჭებული სიხშირე კომისიის შესაბამის უწყებრივ რეესტრში (რ.ქურდაძე);

3. საქართველოს კანონმდებლობის ცვლილების შემთხვევაში შპს ”ტელეკომპანია I სტერეოსთვის” სიხშირის მინიჭების საკითხი შესაბამისობაში იქნეს მოყვანილი კანონმდებლობასთან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტაციულ საქმეთა კოლეგიაში (ქ. თბილისი, დ.აღმაშენებლის ხეივანი, მე-12 კმ №6) 1 თვის ვადაში;

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის დეპარტამენტს (ს. შავგულიძე).

6. გადაწყვეტილება ძალაში შევიდეს ამ გადაწყვეტილების დამოწმებული ასლის შპს „ტელეკომპანია I სტერეოსთვის” ჩაბარებისთანავე.

კომისიის წევრი ს.ბრიტანჩუკი

კომისიის წევრი კ.კვიტაიშვილი

კომისიის წევრი ა.სიხარულიძე

კომისიის წევრი ი.მოსეშვილი