კონტაქტი

საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა, კომისიის 2011 წლის 30 სექტემბრის №69 სხდომაზე წარმოდგენილი დღის წესრიგის პროექტი, საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად და კომისიის აპარატის მუშაობის წესის მე-2 მუხლის მე-13, მე-15, მე-16 და მე-18 პუნქტების საფუძველზე, კენჭისყრის შედეგად ერთხმად

გადაწყვიტა:

1. გადაიდოს კომისიის 2011 წლის 30 სექტემბრის №69 სხდომის დღის წესრიგის პროექტის მე-13 (შპს „კავკასიის ინტერნეტ მედია ჯგუფისთვის“ ადმინისტრაციული სახდელის დაკისრების შესახებ) საკითხის განხილვა მ/წლის 07 ოქტომბრის სხდომის დღის წესრიგის პროექტში მხარის უფლებამოსილი წარმომადგენლის გამოუცხადებლობის გამო;

2. შპს „კავკასიის ინტერნეტ მედია ჯგუფის” დირექტორის მოადგილე თ. ასლანიკაშვილი შპს „კავკასიის ინტერნეტ მედია ჯგუფისთვის“ ადმინისტრაციული სახდელის დაკისრების შესახებ საკითხის განხილვის დროისა და ადგილის თაობაზე გაფრთხილდა კომისიის სხდომაზე, კანონით დადგენილი წესით;

3. კომისიის 2011 წლის 30 სექტემბრის №69 სხდომის დღის წესრიგში დამატებით შეტანილ იქნეს 1 (ერთ) საკითხი:

ა) შპს „ედრი ჰოლდინგისთვის“ არაავტორიზებადი საქმიანობისთვის დამხმარე ტექნოლოგიური დანიშნულებით რადიოსიხშირული სპექტრით სარგებლობის ნებართვის გაცემის შესახებ (მომხს. ნ.ასპანიძე);

4. კომისიის 2011 წლის 30 სექტემბრის №69 სხდომის დღის წესრიგი დამტკიცდეს წარმოდგენილი სახით (თან ერთვის);

5. გადაწყვეტილება ცალკე გასაჩივრებას არ ექვემდებარება;

6. კონტროლი აღნიშნული გადაწყვეტილების შესრულებაზე დაევალოს ადმინისტრაციულ დეპარტამენტს (ი.ხარებავა).

კომისიის თავმჯდომარე		ი. ჩიქოვანი
კომისიის წევრი		კ. კვიტაიშვილი
კომისიის წევრი		ა . სიხარულიძე
კომისიის წევრი		ი. მოსეშვილი