კონტაქტი

საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა, კომისიის 2011 წლის 10 ოქტომბრის №71 სხდომაზე წარმოდგენილი დღის წესრიგის პროექტი, საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად და კომისიის აპარატის მუშაობის წესის მე-2 მუხლის მე-13, მე-15, მე-16 და მე-18 პუნქტების საფუძველზე, კენჭისყრის შედეგად ერთხმად

გადაწყვიტა:

1. გადატანილ იქნეს კომისიის 2011 წლის 17 ოქტომბრის სხდომის დღის წესრიგის პროექტში კომისიის 2011 წლის 10 ოქტომბრის №71 სხდომის დღის წესრიგის პროექტის შემდეგი საკითხები:

ა) მე-11 (შპს „იუნაიტედ სეკურიტის“ სანქცირების შესახებ) საკითხი, შპს „იუნაიტედ სეკურიტისთვის“ შეტყობინების ჩაბარების დაუდასტურებლობისა და უფლებამოსილი წარმომადგენლის გამოუცხადებლობის გამო;

ბ) მე–14 (ინდ.მეწარმე „დავით მაისურაძის“ სანქცირების შესახებ) საკითხი, დამატებითი შესწავლის მიზნით;

გ) მე–15 (შპს „კავკასიის ინტერნეტ მედია ჯგუფისთვის“ ადმინისტრაციული სახდელის დაკისრების შესახებ) (შპს „კავკასიის ინტერნეტ მედია ჯგუფისთვის“ შეტყობინების ჩაბარების დაუდასტურებლობისა და უფლებამოსილი წარმომადგენლის გამოუცხადებლობის გამო;

2. კომისიის 2011 წლის 10 ოქტომბრის №71 სხდომის დღის წესრიგში დამატებით შეტანილ იქნეს 1 (ერთი) საკითხი:

ა) მოძრავი საკომუნიკაციო ქსელის ოპერატორის ძირითადი ქსელის საკომუტაციო ტერმინალურ ელემენტებთან დაშვებისა და ურთიერთჩართვის (სატელეფონო ზარების წამოწყების/ დასრულების) საბითუმო ბაზრის სეგმენტებზე არსებული გარემოებების კვლევისა და ანალიზის, შესაბამისად, ”მოძრავი საკომუნიკაციო ქსელის ოპერატორის ძირითადი ქსელის საკომუტაციო ტერმინალურ ელემენტებთან დაშვებისა და ურთიერთჩართვის (სატელეფონო ზარების წამოწყების/დასრულების) საბითუმო ბაზრის შესაბამის სეგმენტებზე კონკურენციის კვლევისა და ანალიზის შედეგების შესახებ3 კომისიის 2010 წლის 21 მაისის №240/9 გადაწყვეტილებაში ცვლილებებისა და დამატებების შეტანის მიზნით საჯარო ადმინისტრაციული წარმოების დაწყების შესახებ (მომხს. ე. ასანიძე).

3. კომისიის 2011 წლის 10 ოქტომბრის №71 სხდომის დღის წესრიგი დამტკიცდეს წარმოდგენილი სახით (თან ერთვის);

4. გადაწყვეტილება ცალკე გასაჩივრებას არ ექვემდებარება;

5. კონტროლი აღნიშნული გადაწყვეტილების შესრულებაზე დაევალოს ადმინისტრაციულ დეპარტამენტს (ი.ხარებავა).

კომისიის თავმჯდომარე		ი. ჩიქოვანი
კომისიის წევრი		ს. ბრიტანჩუკი
კომისიის წევრი		ა . სიხარულიძე
კომისიის წევრი		ი. მოსეშვილი