საჯარო სამართლის იურიდიული პირის ”სახელისუფლებო სპეციალური კავშირების სააგენტოსთვის” ნუმერაციის რესურსების მინიჭების შესახებ

  საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ კომისიას განცხადებით (01.03.2012 №7/137-12) მიმართა სსიპ ”სახელისუფლებო სპეციალური კავშირების სააგენტომ” საქართველოს პრეზიდენტის 2010 წლის 23 აგვისტოს №670 ბრძანებულების მე-15 პუნქტის შესაბამისად და საქართველოს მთავრობის 2010 წლის 18 ნოემბრის №355 დადგენილებით დამტკიცებული ”საქართველოს ელექტრონული საკომუნიკაციო ქსელების ნუმერაციის ეროვნული სისტემის დებულებით” გათვალისწინებული გეოგრაფიული ნუმერაციის ზონაში, საქართველოს ქალაქებსა და მუნიციპალიტეტებში  ნუმერაციის რესურსის (228 XXXX  ქ. თბილისში და 28 XXXX  საქართველოს სხვა ქალაქებსა და მუნიციპალიტეტებში) მინიჭების მოთხოვნით.

          კომისია აღნიშნავს, რომ ”ელექტრონული კომუნიკაციების შესახებ” საქართველოს კანონის 48-ე მუხლის მე-2 პუნქტის შესაბამისად, ნუმერაციის რესურსით სარგებლობასთან დაკავშირებულ საკითხებს არეგულირებს კომისია. ამავე მუხლის მე-3 პუნქტის ბ) და გ) ქვეპუნქტების შესაბამისად, კომისია გასცემს ნუმერაციის რესურსით სარგებლობის ნებართვებს და ამავე დროს კომისია უფლებამოსილია ნებართვის გარეშე, გადაწყვეტილებით, საქართველოს კანონმდებლობით განსაზღვრულ შემთხვევებში და განსაზღვრული ვადით მიანიჭოს ნუმერაციის რესურსი საქართველოს კანონმდებლობით განსაზღვრულ პირებს.

”საჯარო სამართლის იურიდიულ პირის -”სახელისუფლებო სპეციალური კავშირების საგენტოსა” და სახელისუფლებო სპეციალური კავშირების სისტემის შექმნის შესახებ” საქართველოს პრეზიდენტის 2010 წლის 23 აგვისტოს №670 ბრძანებულებით დამტკიცებული დებულების შესაბამისად, სახელისუფლებო სპეციალური კავშირების სააგენტო წარმოადგენს განსაკუთრებული მნიშვნელობის, სრულიად საიდუმლო და საიდუმლო ინფორმაციაზე მომუშავე განსაკუთრებული მნიშვნელობის რეჟიმის დაწესებულებას, საჯარო სამართლის იურიდიულ პირს, რომელიც კანონმდებლობით განსაზღვრულ სხვა უფლებამოსილებასთან ერთად ახორციელებს სახელისუფლებო სპეციალური კავშირის სისტემის აბონენტების უზრუნველყოფას საქალაქთაშორისო და საერთაშორისო კავშირით, მონაცემთა გადაცემის სერვისით, აგრეთვე, ტექნიკური პირობების არსებობის შემთხვევაში ინტერნეტით.

კომისია აღნიშნავს, რომ სსიპ ”სახელისუფლებო სპეციალური კავშირების სააგენტოს” ”საჯარო სამართლის იურიდიულ პირის - ”სახელისუფლებო სპეციალური კავშირების საგენტოსა” და სახელისუფლებო სპეციალური კავშირების სისტემის შექმნის შესახებ”  საქართველოს პრეზიდენტის 2010 წლის 23 აგვისტოს №670 დადგენილებით დამტკიცებული დებულებით გათვალისწინებული ფუნქციების შესრულების მიზნით ესაჭიროება ნუმერაციის რესურსი.

კომისიის 2012 წლის 21 თებერვლის N2 დადგენილებით დამტკიცებული „ნუმერაციის რესურსის გაცემის, გამოყენებისა და ანგარიშსწორების წესების“ მე-11 მუხლის მე-2 პუნქტის ა) ქვეპუნქტის შესაბამისად, ნუმერაციის რესურსი საჯარო სამართლის იურიდიულ პირს „სახელისუფლებო სპეციალური კავშირების სააგენტოს“ ენიჭება უვადოდ;   

კომისია დამატებით აღნიშნავს, რომ სსიპ ”სახელისუფლებო სპეციალური კავშირების სააგენტო” განცხადებაში ითხოვს 28 XXXX კომბინაციის ნუმრაციის რესურსს ქ. რუსთავში. გამომდინარე იქედან, რომ ქ. რუსთავში ნუმერაციის რესურსს 28 XXXX კომისიის 2007  წლის 02 მარტის №108/1 გადაწყვეტილების შესაბამისად ფლობს  შპს ”საქართველოს ცენტრალური კავშირგაბმულობის კორპორაცია”, კომისია ვერ დააკმაყოფილებს სსიპ ”სახელისუფლებო სპეციალური კავშირების სააგენტოს” მოთხოვნას ქ. რუსთავში აღნიშნული ნუმერაციის რესურსის გამოყოფის თაობაზე. ამავე დროს კომისიას შესაძლებლად მიაჩნია სსიპ ”სახელისუფლებო სპეციალური კავშირების სააგენტოს” ქ. რუსთავში მიანიჭოს ნუმერაციის რესურსი 38 XXXX ; ქ. თბილისში ნუმერაციის რესურსი 228 XXXX; ხოლო საქართველოს სხვა ქალაქებსა და მუნიციპალიტეტებში ნუმერაციის რესურსი  28 XXXX.

 საქართველოს პრეზიდენტის 2010 წლის 23 აგვისტოს №670 ბრძანებულების მე-15 პუნქტის, ”ელექტრონული კომუნიკაციების შესახებ” საქართველოს კანონის 48-ე მუხლის,  საქართველოს მთავრობის 2010 წლის 18 ნოემბრის №355 დადგენილებით დამტკიცებული ”საქართველოს ელექტრონული საკომუნიკაციო ქსელების ნუმერაციის ეროვნული სისტემის დებულების”, კომისიის 2012 წლის 21 თებერვლის N2 დადგენილებით დამტკიცებული ”ნუმერაციის რესურსის გაცემის, გამოყენებისა და ანგარიშსწორების წესების” მე-10 მუხლის,  მე-11 მუხლის მე-2 პუნქტის ა) ქვეპუნტისა  შესაბამისად, კომისიამ, კენჭისყრის შედეგად, ერთხმად

გადაწყვიტა:

1. მიენიჭოს სსიპ ”სახელისუფლებო სპეციალური კავშირების სააგენტოს” ”საჯარო სამართლის იურიდიული პირის - ”სახელისუფლებო სპეციალური კავშირების სააგენტოსა” და სახელისუფლებო სპეციალური კავშირების სისტემის შექმნის შესახებ”  საქართველოს პრეზიდენტის 2010 წლის 23 აგვისტოს №670 დადგენილებით დამტკიცებული დებულებით გათვალისწინებული ფუნქციების შესრულების მიზნით 2012 წლის 16 მარტიდან უვადოთ, შემდეგი ნუმერაციის რესურსები

2. სსიპ ”სახელმწიფო სპეციალური კავშირების სააგენტო“ ვალდებულია წინამდებარე გადაწყვეტილების პირველი პუნქტით გათვალისწინებული ნუმერაციის რესურსი გამოყენოს მხოლოდ, ”სახელისუფლებო სპეციალური კავშირების სააგენტოსა” და სახელისუფლებო სპეციალური კავშირების სისტემის შექმნის შესახებ”  საქართველოს პრეზიდენტის 2010 წლის 23 აგვისტოს №670 დადგენილებით დამტკიცებული დებულებით გათვალისწინებული ფუნქციების შესრულების მიზნით; 

4. კომისია უფლებამოსილია ელექტრონული კომუნიკაციების სფეროში კანონმდებლობის შეცვლის შემთხვევაში  სსიპ ”სახელისუფლებო სპეციალური კავშირების სააგენტოს” მიერ ნუმერაციის რესურსით სარგებლობის საკითხი შესაბამისობაში მოიყვანოს საქართველოს კანონმდებლობის განსაზღვრულ მოთხოვნებთან, რაც გულისხმობს ნუმერაციის შეცვლის უფლებამოსილებასაც; ამ შემთხვევაში სსიპ ”სახელისუფლებო სპეციალური კავშირების სააგენტოს” არ წარმოეშვება კომპენსაციის მოთხოვნის უფლება;

5. გადაწყვეტილება ძალაში შევიდეს მისი დამოწმებული ასლის  სსიპ ”სახელისუფლებო სპეციალური კავშირების სააგენტოსთვის”   ჩაბარების დღიდან;

6. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, დ.აღმაშენებლის ხეივანი მე-12 კმ., № 6) ერთი  თვის ვადაში;

7.   კონტროლი აღნიშნული გადაწყვეტილების შესრულებაზე დაევალოს კომისიის აპარატის ნუმერაციის რესურსის მართვის დეპარტამენტს (ც.უჯმაჯურიძე).

კომისიის თავმჯდომარე                                                    ი. ჩიქოვანი

კომისიის წევრები:                                                               ს.ბრიტანჩუკი

კ.კვიტაიშვილი

ა. სიხარულიძე

ი.მოსეშვილი