„მაუწყებლობის სფეროში ლიცენზიის მფლობელი და სამაუწყებლო ლიცენზიის მაძიებელი პირების მიერ საქართველოს კომუნიკაციების ეროვნულ კომისიაში წარმოსადგენი შესაბამისობის დეკლარაციის ფორმის დამტკიცების შესახებ“ საქართველოს კომუნიკაციების ეროვნული კომისიის 2011 წლის

 საქართველოს კომუნიკაციების ეროვნული კომისია (შემდგომში “კომისია") აღნიშნავს, რომ “მაუწყებლობის შესახებ“ საქართველოს კანონში 2012 წლის 22 მაისს განხორციელებული ცვლილება-დამატებების შესაბამისად (რომელიც ძალაში შევიდა 2012 წლის 6 ივნისს), მაუწყებლობის სფეროში საქმიანობის განხორციელება (გარდა რადიოსიხშირული სპექტრით და თანამგზავრული სისტემების მიწისზედა და ორბიტალური სადგურების გამოყენებით მაუწყებლობისა) ექვემდებარება ავტორიზაციას.

„მაუწყებლობის შესახებ“ საქართველოს კანონის 371 მუხლის შესაბამისად, ლიცენზიის მაძიებელი/ავტორიზაციის მსურველი პირი ვალდებულია სალიცენზიო ან/და ავტორიზაციის განცხადებას დაურთოს შესაბამისობის დეკლარაცია, რომელშიც უნდა მიეთითოს:

ა) ლიცენზიის მაძიებლის/ავტორიზაციის მსურველი პირის საიდენტიფიკაციო მონაცემები;

ბ) მონაცემები ლიცენზიის მაძიებლის/ავტორიზაციის მსურველი პირის ხელმძღვანელი თანამდებობის პირებისა და ორგანოების შესახებ;

გ) დადასტურება, რომ ლიცენზიის მაძიებელი/ავტორიზაციის მსურველი პირი ან მისი ბენეფიციარი მესაკუთრეები არ არიან „მაუწყებლობის შესახებ“ საქართველოს კანონის 37-ე მუხლის მე-2 პუნქტით გათვალისწინებული პირები;

დ) ინფორმაცია ლიცენზიის მაძიებლის/ავტორიზაციის მსურველი პირის ბენეფიციარი მესაკუთრეების საიდენტიფიკაციო მონაცემებისა და მათ საკუთრებაში არსებული წილების თაობაზე.

„მაუწყებლობის შესაბებ“ საქართველოს კანონის 451 მუხლის მე-3 პუნქტის ბ) ქვეპუნქტის შესაბამისად, ავტორიზაციის განცხადებას თან უნდა დაერთოს შესაბამისობის დეკლარაცია; ამავე მუხლის მე-4 პუნქტის შესაბამისად, ავტორიზებულ პირთა უწყებრივ რეესტრში შეიტანება შესაბამისობის დეკლარაციის მონაცემები და დეკლარაცია ხელმისაწვდომია ნებისმიერი პირისათვის.

„მაუწყებლობის შესახებ“ საქართველოს კანონის 61-ე მუხლი ითვალისწინებს მაუწყებლის ვალდებულებას, ყოველწლიურად, საკუთარ ვებ გვერდზე გამოაქვეყნოს და კომისიას წარუდგინოს შესაბამისობის დეკლარაცია.

კომისია აღნიშნავს, რომ კომისიის 2011 წლის 31 მაისის N259/22 გადაწყვეტილებით კომისიის მიერ დამტკიცდა მაუწყებლობის სფეროში ლიცენზიის მფლობელი და სამაუწყებლო ლიცენზიის მაძიებელი პირების მიერ კომისიაში წარმოსადგენი შესაბამისობის დეკლარაციის ფორმა; გამომდინარე იქიდან, რომ „მაუწყებლობის შესახებ“ საქართველოს კანონში 2012 წლის 22 მაისს განხორციელებული ცვლილება-დამატებების შესაბამისად, მაუწყებლობის სფეროში, ლიცენზიასთან ერთად გათვალისწინებულია ავტორიზაცია და კანონი ითვალისწინებს ავტორიზაციის მსურველი ან/და ავტორიზებული პირების მიერ, კომისიაში შესაბამისობის დეკლარაციის წარდგენის ვალდებულებას, კომისიას მიზანშეწონილად მიაჩნია შესაბამისი ცვლილებების განხორციელება კომისიის 2012 წლის 31 მაისის N259/22 გადაწყვეტილებაში და აღნიშნული გადაწყვეტილებით დამტკიცებულ შესაბამისობის დეკლარაციის ფორმაში.

                „მაუწყებლობის შესახებ“ საქართველოს კანონის 371, 451 და 61-ე მუხლების, საქართველოს ზოგადი ადმინისტრაციული კოდექსის 63-ე მუხლის შესაბამისად, კომისიამ, კენჭისყრის შედეგად, ერთხმად

                გ ა დ ა წ ყ ვ ი ტ ა:

1. „მაუწყებლობის სფეროში ლიცენზიის მფლობელი და სამაუწყებლო ლიცენზიის მაძიებელი პირების მიერ საქართველოს კომუნიკაციების ეროვნულ კომისიაში წარმოსადგენი  შესაბამისობის დეკლარაციის ფორმის დამტკიცების შესახებ“ კომისიის 2011 წლის 31 მაისის N259/22 გადაწყვეტილებაში შევიდეს შემდეგი რედაქციის ცვლილებები:

ა) გადაწყვეტილების სათაური ჩამოყალიბდეს შემდეგი რედაქციით:

„მაუწყებლობის სფეროში ლიცენზიის მაძიებელი/ავტორიზაციის მსურველი ან/და ლიცენზიის მფლობელი/ავტორიზებული პირის მიერ საქართველოს კომუნიკაციების ეროვნულ კომისიაში წარმოსადგენი  შესაბამისობის დეკლარაციის ფორმის დამტკიცების შესახებ“;

ბ) გადაწყვეტილების პირველი პუნქტი ჩამოყალიბდეს შემდეგი რედაქციით:

„დამტკიცდეს მაუწყებლობის სფეროში ლიცენზიის მაძიებელი/ავტორიზაციის მსურველი ან/და ლიცენზიის მფლობელი/ავტორიზებული პირის მიერ კომისიაში წარმოსადგენი შესაბამისობის დეკლარაციის ფორმა (დანართი N1);“

2. კომისიის 2011 წლის 31 მაისის N259/22 გადაწყვეტილების პირველი პუნქტით გათვალისწინებული დანართი N1 ჩამოყალიბდეს თანდართული რედაქციით (თან ერთვის);

3. დაევალოს კომისიის აპარატის ადმინისტრაციულ დეპარტამენტს (ი.ხარებავა) შესაბამისობის დეკლარაციის განთავსება კომისიის ვებ გვერდზე;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დ.აღმაშენებლის ხეივანი მე-12 კმ., N6) ერთი თვის ვადაში;

5.  კონტროლი აღნიშნული გადაწყვეტილების შესრულებაზე დაევალოს კომისიის აპარატის მაუწყებლობის რეგულირების და ადმინისტრაციულ დეპარტამენტებს (ი.ხარებავა; გ.რატიშვილი);

კომისიის თავმჯდომარე                                                                 ი.ჩიქოვანი

კომისიის წევრი                                                                  ს. ბრიტანჩუკი

კომისიის წევრი                                                                  კ. კვიტაიშვილი

კომისიის წევრი                                                                  ა. სიხარულიძე

კომისიის წევრი                                                                  ი. მოსეშვილი