კონტაქტი

საქართველოს კომუნიკაციების ეროვნულ კომისიას (შემდგომში “კომისია") განცხადებით (კომისიაში რეგისტრაციის №3/45-12, 12.06.12) მომართა საქართველოს შინაგან საქმეთა სამინისტრომ, 2012 წლის 19-28 სექტემბერს, სამინისტროსა და ნატო-ს კატასტროფებზე რეაგირების ევროანტლატიკური რეაგირების საკოორდინაციო ცენტრის ეგიდით, საქართველოში დაგეგმილ ფართომასშტაბიან საერთაშორისო საველე საშტაბო ვარჯიში ”GEORGIA 2012”-ის ჩატარებასთან დაკავშირებით რადიოკავშირისთვის სიხშირეების მინიჭების თაობაზე.

კომისია აღნიშნავს, რომ “ელექტრონული კომუნიკაციების შესახებ” საქართველოს კანონის 471 მუხლის მე-3 პუნქტის შესაბამისად, არაავტორიზებად პირებს კომისია ნებართვით ანიჭებს რადიოსიხშირეებს დამხმარე ტექნოლოგიური დანიშნულებით დროებით, ერთი წლის ვადით გამოყენებისათვის. ვინაიდან ამ შემთხვევაში განმცხადებელი ითხოვს სიხშირეების მინიჭებას მხოლოდ 19 სექტემბრიდან 28 სექტემბრის ჩათვლით, საქართველოში დაგეგმილ ფართომასშტაბიან საერთაშორისო საველე საშტაბო ვარჯიში ”GEORGIA 2012”-ის ჩატარებასთან დაკავშირებით, კომისიას მიზანშეწონილად მიაჩნია გაიცეს ნებართვა ათი დღის ვადით.

კომისიის მიერ ნებართვით გაცემული სიხშირეები გათვალისწინებულია ოპერატიული რადიოკავშირისთვის და გამოყენებულ უნდა იქნას მხოლოდ შინაგან საქმეთა სამინისტროს მიერ დამხმარე ტექნოლოგიური დანიშნულებით და არ უნდა გადაეცეს სხვა პირს.

”სალიცენზიო და სანებართვო მოსაკრებლების შესახებ” საქართველოს კანონის მე-5 მუხლის თანახმად, სალიცენზიო/სანებართვო მოსაკრებლის გადამხდელები არიან „ლიცენზიებისა და ნებართვების შესახებ“ საქართველოს კანონით განსაზღვრულ საქმიანობებზე ლიცენზიის/ნებართვის მაძიებლები, გარდა „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონით გათვალისწინებული სამინისტროსი ან მის გამგებლობაში არსებული სახელმწიფო საქვეუწყებო დაწესებულებისა. შესაბამისად, საქართველოს შინაგან საქმეთა სამინისტრო განთავისუფლებულია სალიცენზიო/სანებართვო მოსაკრებლის გადახდისაგან.

“ელექტრონული კომუნიკაციების შესახებ” საქართველოს კანონის 471 მუხლის მე-3 პუნქტის, ”სალიცენზიო და სანებართვო მოსაკრებლების შესახებ” საქართველოს კანონის მე-5 მუხლისა და “საქართველოს კომუნიკაციების ეროვნული კომისიის საქმიანობის მარეგულირებელი წესების” 29-ე მუხლის შესაბამისად, კომისიამ კენჭისყრის შედეგად, ერთხმად

გადაწყვიტა:

1. მიეცეს საქართველოს შინაგან საქმეთა სამინისტროს რადიოსიხშირული სპექტრით სარგებლობის ნებართვა NF285 და მიენიჭოს სიხშირეები დანართში (თან ერთვის) მითითებული პარამეტრის მიხედვით, ქ. თბილისსა და ქვემო ქართლის მხარეში, ათი დღის ვადით 19 სექტემბრიდან 28 სექტემბრის ჩათვლით, ოპერატიული რადიოკავშირისთვის, არაავტორიზებადი საქმიანობისთვის, დამხმარე ტექნოლოგიური დანიშნულებით;

2. აღირიცხოს საქართველოს შინაგან საქმეთა სამინისტროსთვის მინიჭებული სიხშირეები კომისიის უწყებრივ რეესტრში (რ. ქურდაძე);

3. დაევალოს კომისიის აპარატის რადიოსიხშირეთა მართვის დეპარტამენტს (ა. დაბრუნდაშვილი) სანებართვო მოწმობის გაცემის უზრუნველყოფა;

4. კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის დეპარტამენტს (ს. შავგულიძე).

5. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დ.აღმაშენებლის ხეივანი მე-12 კმ. №6) ერთი თვის ვადაში;

6. გადაწყვეტილება ძალაში შევიდეს ამ გადაწყვეტილების დამოწმებული ასლის საქართველოს შინაგან საქმეთა სამინისტროსთვის ჩაბარებისთანავე;

კომისიის თავმჯდომარის

მოვალეობის შემსრულებელი ს. ბრიტანჩუკი

კომისიის წევრი კ. კვიტაიშვილი

კომისიის წევრი ა. სიხარულიძე

კომისიის წევრი ი. მოსეშვილი

საქართველოს კომუნიკაციების ეროვნული კომისიის 2012 წლის 13 ივლისის № 473/7 გადაწყვეტილების

დანართი

სამუშაო სიხშირეები

№	Rx, მჰც	Tx, მჰც
1	162,6250	167,6250
2	162,8250	167,8250
3	167,1500	172,8000
4	167,9000	172,5000
5	—	168,3750
6	—	172,7200
7	—	172,7500
8	—	406,4500
9	—	406,6750
10	—	406,7000
11	—	416,4500
12	—	416,6750
13	—	416,7250
14	—	426,6750
15	—	428,6750
16	—	448,2500
17	—	448,5250
18	—	450,0125
19	411,0000	421,0000
20	411,1500	421,1500
21	411,2000	421,2000
22	412,0000	422,0000
23	412,2000	422,2000
24	412,3750	422,3750
25	412,7750	422,7750
26	412,9250	422,9250
27	413,2750	423,2750
28	413,3750	423,3750
29	413,7250	423,7250
30	413,9250	423,9250
31	414,9000	424,9000
32	414,9500	424,9500
33	415,0500	425,0500
34	415,1750	425,1750
35	415,3500	425,3500
36	415,4500	425,4500
37	415,6000	425,6000
38	415,6500	425,6500