საქართველოს საგარეო საქმეთა სამინისტროსთვის არაავტორიზებადი საქმიანობისთვის დამხმარე ტექნოლოგიური დანიშნულებით რადიოსიხშირეების მინიჭების შესახებ

        საქართველოს კომუნიკაციების ეროვნული კომისია (შემდგომში “კომისია”) აღნიშნავს, რომ  საქართველოს საგარეო საქმეთა სამინისტრომ,  კომისიას მიმართა განცხადებით (№1634-ს, 29.08.2012), სადაც აღნიშნულია, რომ 2012 წლის 5-8 სექტემბერს საქართველოს ოფიციალური ვიზიტით ეწვევა ნატოს გენერალური მდივანი თანმხლებ პირებთან ერთად. აღნიშნულთან დაკავშირებით, გენერალური მდივნის პირადი დაცვის თანამშრომლებს შორის რადიოკავშირის უზრუნველყოფის მიზნით, საქართველოს საგარეო საქმეთა სამინისტრო ითხოვს რადიოსიხშირეების მინიჭებას.

       კომისია   აღნიშნავს,  რომ    “ელექტრონული კომუნიკაციების  შესახებ” საქართველოს კანონის 471 მუხლის მე-3 პუნქტის შესაბამისად,  არაავტორიზებად პირებს კომისია ანიჭებს რადიოსიხშირეებს დამხმარე ტექნოლოგიური დანიშნულებით, ერთი წლის ვადით გამოყენებისათვის; ვინაიდან, ამ შემთხვევაში განმცხადებელი ითხოვს სიხშირის მინიჭებას უფრო მოკლე პერიოდით, 2012 წლის 5 სექტემბრიდან 8 სექტემბრის ჩათვლით, საქართველოში ნატოს გენერალური მდივნის  ვიზიტთან დაკავშირებით, კომისიას მიზანშეწონილად მიაჩნია განმცხადებელს მოთხოვნილი სიხშირე მიენიჭოს ოთხი დღის ვადით.

      “ელექტრონული კომუნიკაციების შესახებ“ საქართველოს კანონის 47-ე მუხლის მე-2 პუნქტის და 471 მუხლის მე-3  პუნქტის, საქართველოს ზოგადი ადმინისტრაციული კოდექსის 30-ე მუხლის, საქართველოს პრეზიდენტის ბრძანებულებით (N42, 21.01.1997) დამტკიცებული ”სახელმწიფო    საიდუმლოებას    მიკუთვნებულ    ცნობათა ნუსხის”   მე-3 თავის  3.2.20 პუნქტის,   “სახელმწიფო საიდუმლოების შესახებ“ საქართველოს კანონის მე-7 მუხლის მე-4 პუნქტის და  საქართველოს კომუნიკაციების ეროვნული კომისიის საქმიანობის მარეგულირებელი    წესების  29-ე   მუხლის     შესაბამისად,    კომისიამ,    კენჭისყრის  შედეგად, ერთხმად           

გადაწყვიტა: 

1. მიენიჭოს საქართველოს საგარეო საქმეთა სამინისტროს სიხშირე დანართში №1 (თან ერთვის) მითითებული ჩამონათვალის მიხედვით, ოთხი დღის ვადით - 5 სექტემბრიდან 8 სექტემბრის  ჩათვლით, საქართველოს ტერიტორიაზე ოპერატიული რადიოკავშირისთვის, არაავტორიზებადი საქმიანობისთვის, დამხმარე ტექნოლოგიური დანიშნულებით;

2.  საიდუმლოდ იქნას მიჩნეული წინამდებარე გადაწყვეტილების დანართი №1;

3. აღირიცხოს საქართველოს საგარეო საქმეთა სამინისტროსთვის მინიჭებული სიხშირეები კომისიის საიდუმლო დოკუმენტაციის სპეციალურ  რეესტრში  (ი. ხარებავა);

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტაციულ საქმეთა კოლეგიაში (დ.აღმაშენებლის ხეივანი, მე-12 კმ., №6)   1 თვის ვადაში;   

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის  რადიოსიხშირეთა მართვის დეპარტამენტს  (ს. შავგულიძე);

6. გადაწყვეტილება    ძალაში    შევიდეს   ამ    გადაწყვეტილების დამოწმებული        ასლის     საქართველოს საგარეო საქმეთა სამინისტროსთვის  ჩაბარებისთანავე.

კომისიის  თავმჯდომარე                                                                              ი.ჩიქოვანი

კომისიის წევრი                                                                                             ს.ბრიტანჩუკი

კომისიის    წევრი                                                                                        ა.სიხარულიძე

კომისიის    წევრი                                                                                        ი.მოსეშვილი