კონტაქტი

საქართველოს კომუნიკაციების ეროვნული კომისია (შემდგომში “კომისია") აღნიშნავს, რომ საქართველოს საგარეო საქმეთა სამინისტრომ, საქართველოში იტალიის რესპუბლიკის საელჩოს შუამდგომლობით, კომისიას მომართა განცხადებით (კომისიაში რეგისტრაციის № 3/63-12, 05.09.12) ქ. თბილისში დეციმეტრულ ტალღათა დიაპაზონში 420.475 მჰც და 425.725 მჰც სიხშირეების მინიჭების გაუქმების თაობაზე, რომელებიც მინიჭებული ჰქონდა კომისიის 2012 წლის 4 მაისის № 334/7 გადაწყვეტილებით.

საქართველოს ზოგადი ადმინისტრაციული კოდექსის 61-ე მუხლის პირველი ნაწილისა და „საქართველოს კომუნიკაციების ეროვნული კომისიის საქმიანობის მარეგულირებელი წესების“ 29-ე მუხლის მე-12 პუნქტის ა) ქვეპუნქტის თანახმად, კომისიამ, კენჭისყრის შედეგად ერთხმად

გადაწყვიტა:

1. კომისიის 2012 წლის 4 მაისის № 334/7 გადაწყვეტილება ცნობილ იქნას ძალადაკარგულად და გაუქმდეს საქართველოში იტალიის რესპუბლიკის საელჩოსთვის ქ. თბილისში 420.475 მჰც და 425.725 მჰც სიხშირეების მინიჭება;

2. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დ.აღმაშენებლის ხეივანი მე-12 კმ. №6) ერთი თვის ვადაში;

3. კონტროლი წინამდებარე გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის დეპარტამენტს (ს. შავგულიძე);

4. გადაწყვეტილება ძალაში შევიდეს ამ გადაწყვეტილების დამოწმებული ასლის საქართველოში იტალიის რესპუბლიკის საელჩოსთვის ჩაბარებისთანავე.

კომისიის თავმჯდომარე ი. ჩიქოვანი

კომისიის წევრი ს. ბრიტანჩუკი

კომისიის წევრი კ. კვიტაიშვილი

კომისიის წევრი ა. სიხარულიძე

კომისიის წევრი ი. მოსეშვილი