კონტაქტი

საქართველოს კომუნიკაციების ეროვნული კომისია (შემდეგში “კომისია”) აღნიშნავს, რომ შპს სამაუწყებლო კომპანია ”რუსთავი 2”-მა კომისიას მიმართა განცხადებით №1493-12, 18.10.12 (რეგისტრირებული № 7/542-12, 18.10.12) ქ.თბილისში, მობილური ჩართვების განხორციელების უზრუნველყოფისთვის 2გჰც სიხშირულ დიაპაზონში რადიოსიხშირის მინიჭების მოთხოვნით.

კომისია აღნიშნავს, რომ შპს სამაუწყებლო კომპანია ”რუსთავი 2” ფლობს კერძო მაუწყებლობის №B9 ლიცენზიას (მოქმედების ვადა 18.11.2015) საერთო ტელემაუწყებლობაზე და სალიცენზიო პირობების შესაბამისად, ქ. თბილისში, ახორციელებს საეთერო ტელემაუწყებლობას მე-9 სატელევიზიო არხზე, 5 კვტ სიმძლავრის გადამცემის გამოყენებით.

კომისია აღნიშნავს, რომ ”მაუწყებლობის შესახებ” საქართველოს კანონის 75-ე მუხლის მე-2 პუნქტის შესაბამისად, კომისია, საეთერო მაუწყებლობის განმახორციელებელ კერძო ან/და სათემო მაუწყებლობის ლიცენზიის მფლობელებს ანიჭებს რადიოსიხშირეებს დამხმარე ტექნოლოგიური დანიშნულებით გამოყენებისათვის, სალიცენზიო პირობების შესრულების უზრუნველყოფის მიზნით, ლიცენზიების მოქმედების ვადით.

კომისია ასევე აღნიშნავს, რომ შპს სამაუწყებლო კომპანია ”რუსთავი 2”-ს რადიოსიხშირე 2გჰც სიხშირულ დიაპაზონში ესაჭიროება, ქ.თბილისში, მობილური ჩართვების განხორციელების უზრუნველყოფისთვის, აღნიშნული კი ემსახურება შპს სამაუწყებლო კომპანია ”რუსთავი 2” მიერ სალიცენზიო პირობების შესრულებას.

კომისიის მიერ, შპს სამაუწყებლო კომპანია ”რუსთავი 2”-სთვის, ქ.თბილისში მობილური ჩართვების განხორციელების უზრუნველყოფისთვის მოთხოვნილ 2გჰც სიხშირულ დიაპაზონში შერჩეულ იქნა რადიოსიხშირე 2065მჰც±14მჰც (ზოლის სიგანე 28მჰც). თანხმობა აღნიშნული რადიოსიხშირის გამოყენებაზე შპს სამაუწყებლო კომპანია ”რუსთავი 2”-მა, კომისიას აცნობა წერილით (რეგისტრირებული №6/6629-12, 19.11.12).

კომისია აღნიშნავს, რომ რადიოსიხშირე გათვალისწინებულია, ქ.თბილისში, მობილური ჩართვების განხორციელების უზრუნველსაყოფად, დამხმარე ტექნოლოგიური დანიშნულებით გამოყენებისთვის.

”მაუწყებლობის შესახებ” საქართველოს კანონის 75-ე მუხლის მე-2 პუნქტის შესაბამისად, კომისიამ, კენჭისყრის შედეგად, ერთხმად

გადაწყვიტა:

1. მიენიჭოს შპს სამაუწყებლო კომპანია ”რუსთავი 2”-ს რადიოსიხშირე 2065მჰც ± 14მჰც (ზოლის სიგანით 28მჰც) ქ.თბილისში, მობილური ჩართვების განხორციელების უზრუნველსაყოფად, დამხმარე ტექნოლოგიური დანიშნულებით გამოყენებისთვის, კერძო მაუწყებლობის № B9 ლიცენზიის მოქმედების ვადით (18.11.2015);

2. აღირიცხოს შპს სამაუწყებლო კომპანია ”რუსთავი 2”-ისთვის მინიჭებული რადიოსიხშირე კომისიის შესაბამის უწყებრივ რეესტრში (რ.ქურდაძე);

3. საქართველოს კანონმდებლობის ცვლილების შემთხვევაში, შპს სამაუწყებლო კომპანია ”რუსთავი 2”-სთვის რადიოსიხშირის მინიჭების საკითხი შესაბამისობაში იქნას მოყვანილი საქართველოს კანონმდებლობასთან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ კოლეგიაში (ქ. თბილისი, დ.აღმაშენებლის ხეივანი, მე-12 კმ., №6) 1 თვის ვადაში;

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის დეპარტამენტს (ს. შავგულიძე);

6. გადაწყვეტილება ძალაში შევიდეს ამ გადაწყვეტილების დამოწმებული ასლი შპს სამაუწყებლო კომპანია ”რუსთავი 2”-ისთვის ჩაბარებისთანავე.

კომისიის თავმჯდომარის

მოვალეობის შემსრულებელი კ.კვიტაიშვილი

კომისიის წევრი ს.ბრიტანჩუკი

კომისიის წევრი ა.სიხარულიძე

კომისიის წევრი ი.მოსეშვილი