საქართველოს სასჯელაღსრულების, პრობაციის და იურიდიული დახმარების საკითხთა სამინისტროსთვის სიხშირეების მინიჭების შესახებ

     საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ საქართველოს სასჯელაღსრულების, პრობაციის და იურიდიული დახმარების საკითხთა სამინისტროს სასჯელაღსრულების დეპარტამენტმა კომისიას მიმართა განცხადებით №10/3-2-1-228ს, 30.01.2013 (რეგისტრირებული №118,01.02.13), სამსახურებრივი დანიშნულების ოპერატიული რადიოკავშირის უზრუნველყოფისთვის დეციმეტრულ სიხშირულ დიაპაზონში რადიოსიხშირეების მინიჭების მოთხოვნით.

       “ელექტრონული კომუნიკაციების შესახებ“ საქართველოს     კანონის 471  მუხლის  მე-3 პუნქტის, საქართველოს ზოგადი ადმინისტრაციული კოდექსის 274-ე და 30-ე მუხლების,  “სახელმწიფო საიდუმლოების შესახებ“ საქართველოს კანონის მე-7 მუხლის მე-4 პუნქტის, საქართველოს პრეზიდენტის ბრძანებულებით (N42, 21.01.1997) დამტკიცებული ”სახელმწიფო საიდუმლოებას მიკუთნებულ ცნობათა ნუსხის” მე-3 თავის 3.2.20 პუნქტის და  ”საქართველოს კომუნიკაციების  ეროვნული კომისიის საქმიანობის მარეგულირებელი წესების” 29-ე მუხლის მე-7 პუნქტის შესაბამისად,  კომისიამ კენჭისყრის შედეგად,  ერთხმად

გადაწყვიტა: 

1.   მიენიჭოს საქართველოს სასჯელაღსრულების, პრობაციის და იურიდიული დახმარების საკითხთა სამინისტროს ამ  გადაწყვეტილების დანართში (თან ერთვის) მითითებული ადგილმდებარეობის შესაბამისად სამსახურებრივი დანიშნულების რადიოკავშირის უზრუნველყოფისთვის  სიხშირეები თანდართული   ჩამონათვალის მიხედვით, ერთი წლის ვადით  (დანართი №1)

2.  სახელმწიფო  საიდუმლოებად იქნას მიჩნეული წინამდებარე გადაწყვეტილების დანართი №1;

3. აღირიცხოს საქართველოს სასჯელაღსრულების, პრობაციის და იურიდიული დახმარების საკითხთა სამინისტროსთვის მინიჭებული სიხშირეები კომისიის საიდუმლო დოკუმენტაციის სპეციალურ  რეესტრში (ი.ხარებავა);

4. კანონმდებლობის ცვლილების შემთხვევაში, საქართველოს სასჯელაღსრულების, პრობაციის და იურიდიული დახმარების საკითხთა სამინისტროსთვის სიხშირეების მინიჭების საკითხი  შესაბამისობაში  იქნას მოყვანილი მოქმედ კანონმდებლობასთან;

5.  გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დ.აღმაშენებლის ხეივანი მე-12 კმ., №6)  ერთი თვის ვადაში;   

6. კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის  დეპარტამენტს  (ს.შავგულიძე);

7. გადაწყვეტილება ძალაში შევიდეს ამ გადაწყვეტილების დამოწმებული ასლის საქართველოს სასჯელაღსრულების, პრობაციის და იურიდიული დახმარების საკითხთა სამინისტროსთვის ჩაბარებისთანავე.

 კომისიის   წევრი                                                                              კ.კვიტაიშვილი

 კომისიის   წევრი                                                                             ა.სიხარულიძე

 კომისიის   წევრი                                                                              ი.მოსეშვილი