კონტაქტი

საქართველოს კომუნიკაციების ეროვნული კომისია (შემდგომში ,,კომისია”) აღნიშნავს, რომ კომისიის მიერ 2013 წლის 17 აპრილს მიღებული იქნა გადაწყვეტილება №261/18, რომელშიც დაშვებულ იქნა ტექნიკური შეცდომა; კერძოდ, გადაწყვეტილების სამოტივაციო ნაწილში მე-3 გვერდზე, მე-2 აბზაცში მითითებული სიტყვების ,,შპს ,,სუპერ ტვ“-ის ნაცვლად უნდა იყოს მითითებული ააიპ ,,მედია ცენტრი ღია აფხაზეთისათვის“.

საქართველოს ზოგადი ადმინისტრაციული კოდექსის 59-ე მუხლის პირველი და მე-3 ნაწილების შესაბამისად კომისიამ, კენჭისყრის შედეგად ერთხმად

გადაწყვიტა:

1. გასწორდეს კომისიის 2013 წლის 17 აპრილის №261/18 გადაწყვეტილებაში დაშვებული ტექნიკური შეცდომა, კერძოდ გადაწყვეტილების სამოტივაციო ნაწილში მე-3 გვერდზე, მე-2 აბზაცში მითითებული სიტყვების ,,შპს ,,სუპერ ტვ“-ის ნაცვლად, ჩაიწეროს სიტყვები - ააიპ ,,მედია ცენტრი ღია აფხაზეთისათვის“;

2. კომისიის აპარატის ადმინისტრაციულ დეპარტამენტს (ნ. ჯანელიძე) დაევალოს წინამდებარე გადაწყვეტილების გამოქვეყნება კომისიის ვებ გვერდზე (www.gncc.ge);

3. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დ.აღმაშენებლის ხეივანი მე-12 კმ., №6) ერთი თვის ვადაში;

კომისიის თავმჯდომარე კ. კვიტაიშვილი

კომისიის წევრი ს. ბრიტანჩუკი

კომისიის წევრი ა. სიხარულიძე

კომისიის წევრი ი. მოსეშვილი