კონტაქტი

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ კომისიას განცხადებით (17.07.2013 №75) მიმართა შპს ”კვესი ჯგუფმა” ნუმერაციის რესურსით სარგებლობის №42 ნებართვით გათვალისწინებული ნუმერაციის რესურსის 1-6-0-0-7-ის 1-6-1-0-8-ით შეცვლის თაობაზე.

კომისია აღნიშნავს, რომ შპს “კვესი ჯგუფი“კომისიის 2012 წლის 27 ივლისის №495/24 გადაწყვეტილების საფუძველზე ფლობს ნუმერაციის რესურსით სარგებლობის №42 ნებართვას, რომელიც ითვალისწინებს ნუმერაციის რესურსით - 1-6-0-0-7 (ერთი-ექვსი-ნული-ნული-შვიდი) სარგებლობის უფლებას ავტორიზებული საქმიანობის განხორციელებისას, არასატელეკომუნიკაციო მომსახურების მიწოდების უზრუნველსაყოფად, საქართველოს ტერიტორიაზე.

შპს ”კვესი ჯგუფი” კომისიაში წარმოდგენილ განცხადებაში აღნიშნავს, რომ კომპანია კომისიის 2012 წლის 10 აგვისტოს №535/15 გადაწყვეტილებით ფლობს ნუმერაციის რესურსს 1-1-8-0-8 სატელეფონო საინფორმაციო-საცნობარო სამსახურისთვის, სატელეფონო საინფორმაციო - საცნობარო მომსახურების განხორციელების ვადით, საქართველოს ტერიტორიაზე. განცხადებაში ასევე აღნიშნულია, რომ ვინაიდან შპს ”კვესი ჯგუფის” საქმიანობის განხორციელება დაკავშირებულია ბრენდ ”08”-სთან, კომპანია ითხოვს №42 ნებართვის შესაბამისად მის მფლობელობაში არსებული ნუმერაციის რესურსის 1-6-0-0-7 შეცვლას ნუმერაციის რესურსით 1-6-1-0-8.

კომისია აღნიშნავს, რომ ნუმერაციის რესურსი 1-6-1-0-8 წარმოადგენს ნუმერაციის თავისუფალ რესურსს, შესაბამისად, კომისიას შესაძლებლად მიაჩნია განხორციელდეს ცვლილება კომისიის 2012 წლის 27 ივლისისს №495/24 გადაწყვეტილებაში და შპს ”კვესი ჯგუფს” არასატელეკომუნიკაციო მომსახურების მიწოდების უზრუნველსაყოფად, საქართველოს ტერიტორიაზე №42 ნებართვის ფარგლებში განესაზღვროს ნუმერაციის რესურსი 1-6-1-0-8.

ზემოაღნიშნულიდან გამომდინარე, საქართველოს ზოგადი ადმინისტრაციული კოდექსის 63-ე მუხლის შესაბამისად, კომისიამ კენჭისყრის შედეგად, ერთხმად

გადაწყვიტა:

1. შევიდეს ცვლილება ”შპს კვესი ჯგუფისთვის” ნუმერაციის რესურსით სარგებლობის ნებართვის გაცემის შესახებ” კომისიის 2012 წლის 27 ივლისის №495/24 გადაწყვეტილებაში და გადაწყვეტილების პირველი პუნქტის ა) ქვეპუნქტი ჩამოყალიბდეს შემდეგი რედაქციით:

”ა) ნუმერაციის რესურსი: 1-6-1-0-8 (ერთი-ექვსი-ერთი-ნული-რვა) ავტორიზებული საქმიანობის განხორციელებისას, არასატელეკომუნიკაციო მომსახურების მიწოდების უზრუნველსაყოფად;”

2. გადაწყვეტილება ძალაში შევიდეს მისი დამოწმებული ასლის შპს “კვესი ჯგუფისთვის” ჩაბარების დღიდან;

3. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, დ.აღმაშენებლის ხეივანი მე-12 კმ., № 6) ერთი თვის ვადაში;

4. კონტროლი აღნიშნული გადაწყვეტილების შესრულებაზე დაევალოს კომისიის აპარატის ადმინისტრაციულ დეპარტამენტს (ი.ხარებავა).

კომისიის თამჯდომარე კ. კვიტაიშვილი

კომისიის წევრები: ს. ბრიტანჩუკი

ი.მოსეშვილი