კონტაქტი

შპს ტელე-რადიო კომპანია “მწვანე ტალღის” მაუწყებლობის №B75 ლიცენზიის მოდიფიცირებისა და კომისიის 2005 წლის 21 იანვრის №40/1 გადაწყვეტილებაში ცვლილების შეტანის შესახებ

საქართველოს კომუნიკაციების ეროვნული კომისია (შემდგომში ,,კომისია”) აღნიშნავს, რომ კომისიას განცხადებით მიმართა შპს ტელე-რადიო კომპანია “მწვანე ტალღამ” (კომისიაში რეგისტრაციის №7/403-13, 27.09.2013), კომპანიის კუთვნილი მაუწყებლობის №B75 ლიცენზიის მოდიფიცირების მოთხოვნით. კერძოდ, შპს ტელე-რადიო კომპანია “მწვანე ტალღა” ითხოვს მაუწყებლობის №B75 ლიცენზიის სახე და სახეობა მოყვანილ იქნას ”მაუწყებლობის შესახებ” საქართველოს კანონთან შესაბამისობაში, კერძოდ ლიცენზიის სახედ განისაზღვროს კერძო მაუწყებლობა, ხოლო სახეობად საერთო რადიომაუწყებლობა.

კომისია აღნიშნავს, რომ შპს ტელე-რადიო კომპანია “მწვანე ტალღა” ფლობს მაუწყებლობის №B75 ლიცენზიას, 2015 წლის 21 იანვრამდე, კომისიის 2005 წლის 21 იანვრის №40/1 გადაწყვეტილებით განსაზღვრული შემდეგი სალიცენზიო პირობებით:

ლიცენზიის სახე: კერძო საერთო მაუწყებლობა;

ლიცენზიის სახეობა: კერძო საერთო რადიომაუწყებლობა სიხშირული სპექტრის გამოყენებით;

ლიცენზიის საგანი: კერძო საერთო რადიომაუწყებლობა თხუთმეტი გადამცემის გამოყენებით მითითებულ სამაუწყებლო ზონებში:

	სამაუწყებლო ზონა	ანტენის განთავსების ადგილი	გეოგრაფიული კოორდინატები	ანტენის სიმაღლე მიწის ზედ.მ	სიხშირე, მგჰც	სიმძლ. კვტ	მაუწყებლობის საშ. რად კმ
1	4	გორის ანძა	44E03; 42N02	140	101.5	1	45
2	7	ქუთაისის ანძა	42E44; 42N17	100	107.4	2	55
3	10	ზუგდიდის ანძა	41E52; 42N30	50	103.6	1	40
4	2	ბათუმის ანძა	41E43; 41N41	100	101.5	0.5	25
5	3	თელავი	45E29; 41N55	35	106.0	0.5	40
6	6	ბორჯომის ანძა	43E22; 41N49	30	107.4	0.25	20
7	6	ბაკურიანი	43E31; 41N44	20	107.0	0.025	10
8	6	ახალქალაქის ანძა	43E25; 41N21	60	107.4	0.5	35
9	6	ახალციხის ანძა	42E57; 41N38	35	104.6	0.25	25
10	4	ფასანაური	44E41; 42N21	30	107.4	0.25	20
11	4	გუდაური	44E53; 42N20	30	101.6	0.025	10
12	4	ყაზბეგი, ელ. კავშირის ანძა	44E39; 42N39	25	107.4	0.25	20
13	5	დმანისის ანძა	44E13; 41N22	150	101.0	1	50
14	3	დ. წყაროს ანძა	46E08; 41N27	180	100.6	1	50
15	8	ჭიათურის ანძა	43E16; 42N17	50	107.4	0.25	35

კომისია აღნიშნავს, რომ ლიცენზიის, ამავე ლიცენზიის მფლობელის განცხადების საფუძველზე მოდიფიცირების მოთხოვნის შემთხვევაში, კომისია ხელმძღვანელობს „მაუწყებლობის შესახებ“ საქართველოს კანონის 45-ე მუხლის მე-3 პუნქტით, რომლის შესაბამისადაც, იკრძალება საეთერო მაუწყებლობის ლიცენზიის იმგვარად მოდიფიცირება, რაც გამოიწვევს ლიცენზიის სახის არსებით შეცვლას ან სიხშირული სპექტრით მაუწყებლობის სამოქმედო ზონის სიდიდის ცვლილებას.

კომისია აღნიშნავს, რომ კომისიის 2013 წლის 11 ოქტომბრის №622/23 გადაწყვეტილებით დაიწყო საჯარო ადმინისტრაციული წარმოება შპს ტელე-რადიო კომპანია “მწვანე ტალღის” მაუწყებლობის №B75 ლიცენზიის მოდიფიცირებისა და კომისიის 2005 წლის 21 იანვრის №40/1 გადაწყვეტილებაში ცვლილების შეტანის თაობაზე.

საკითხის ზეპირი მოსმენა გაიმართა 2013 წლის 11 ნოემბერს 16:00 საათზე. ზეპირი მოსმენისას არ გამოვლენილა შპს ტელე-რადიო კომპანია “მწვანე ტალღის” მაუწყებლობის №B75 ლიცენზიის მოდიფიცირების დამაბრკოლებელი გარემოებები. სხდომას ესწრებოდა შპს ტელე-რადიო კომპანია “მწვანე ტალღის” დირექტორი მანანა ჯახუა, რომელმაც დააზუსტა რომ მაუწყებლობის მინიმალური ხანგრძლივობა დღე-ღამის განმავლობაში იქნება 6 საათი. 2013 წლის 11 ნოემბერს ზეპირი მოსმენის სხდომაზე გადაწყვეტილების მიღების თარიღად დასახელდა ზეპირი მოსმენის ჩატარებიდან 4 სამუშაო დღე - 2013 წლის 15 ნოემბერი.

კომისია აღნიშნავს, რომ კომისიის 2005 წლის 21 იანვრის №40/1 გადაწყვეტილებით შპს ტელე-რადიო კომპანია “მწვანე ტალღის” მაუწყებლობის №B75 ლიცენზიისათვის განსაზღვრული ლიცენზიის სახე - კერძო საერთო მაუწყებლობა და ლიცენზიის სახეობა - კერძო საერთო რადიომაუწყებლობა სიხშირული სპექტრის გამოყენებით არ შეესაბამება ”მაუწყებლობის შესახებ” საქართველოს კანონის 38-ე მუხლის პირველ და მე-2 პუნქტებს, რომელთა შესაბამისად, კომისია გასცემს სათემო და კერძო მაუწყებლობის ლიცენზიებს, ხოლო კერძო მაუწყებლობის ლიცენზიები გაიცემა საერთო და სპეციალიზებული მაუწყებლობისათვის.

კომისია ასევე აღნიშნავს, რომ კომისიის 2006 წლის 5 დეკემბრის №10 დადგენილების მე-4 პუნქტის თანახმად ”87.5მჰც-დან 108.0მჰც-მდე სიხშირულ დიაპაზონში ადგილობრივი რადიომაუწყებლობის ზონა არის საკონკურსო პირობით განსაზღვრული, ერთი ან რამდენიმე გადამცემი სადგურის ტექნიკური პარამეტრების შესაბამისი მომსახურების სახმელეთო ტერიტორია, რომელიც პირობითად შემოსაზღვრულია ამ ტერიტორიაზე განთავსებული სადგურის ან/და სადგურების მიერ შექმნილი სამაუწყებლო დონის სიგნალის ზღვრული მინიმალური მნიშვნელობის მქონე წერტილთა ერთობლიობის მომვლებით”.

ზემოაღნიშნულის გათვალისწინებით კომისიას მიაჩნია, რომ საჭიროა შპს ტელე-რადიო კომპანია “მწვანე ტალღის” მაუწყებლობის №B75 ლიცენზიის მოდიფიცირება და კომისიის 2005 წლის 21 იანვრის №40/1 გადაწყვეტილებაში ცვლილების შეტანა, ლიცენზიის სახის და სახეობის „მაუწყებლობის შესახებ“ საქართველოს კანონთან, ხოლო ლიცენზიის ტექნიკურ პარამეტრებში მითითებული სამაუწყებლო ზონების ”ადგილობრივი მაუწყებლობის ზონალური დაყოფის შესახებ” კომისიის 2006 წლის 5 დეკემბრის №10 დადგენილებასთან შესაბამისობაში მოყვანის მიზნით.

ყოველივე ზემოაღნიშნულის გათვალისწინებით, კომისიამ ,,მაუწყებლობის შესახებ” საქართველოს კანონის 38-ე მუხლის მე-4 პუნქტის, 45-ე მუხლის პირველი პუნქტის ა) და ბ) ქვეპუნქტების, საქართველოს ზოგადი ადმინისტრაციული კოდექსის 63-ე მუხლის და IX თავის შესაბამისად, კენჭისყრის შედეგად, ერთხმად

გადაწყვიტა:

1. მოდიფიცირდეს შპს ტელე-რადიო კომპანია “მწვანე ტალღის” მაუწყებლობის №B75 ლიცენზია, შევიდეს ცვლილება კომისიის 2005 წლის 21 იანვრის №40/1 გადაწყვეტილებაში და ამ გადაწყვეტილების პირველი პუნქტი ჩამოყალიბდეს შემდეგი რედაქციით:

“1.მიეცეს შპს ტელე-რადიო კომპანია “მწვანე ტალღას” №B75 ლიცენზია შემდეგი სალიცენზიო პირობებით:

ა) ლიცენზიის სახე: კერძო მაუწყებლობა;

ბ) ლიცენზიის სახეობა: საერთო რადიომაუწყებლობა;

გ) მაუწყებლობის ტექნიკური პარამეტრები:

№	ანტენის განთავსების ადგილი	გეოგრაფიული კოორდინატები	ანტენის სიმაღლე მიწის ზედ.მ	სიხშირე, მგჰც	სიმძლ. კვტ	მაუწყებლობის საშ. რად კმ
1	გორის ანძა	44E03; 42N02	140	101.5	1	45
2	ქუთაისის ანძა	42E44; 42N17	100	107.4	2	55
3	ზუგდიდის ანძა	41E52; 42N30	50	103.6	1	40
4	ბათუმის ანძა	41E43; 41N41	100	101.5	0.5	25
5	თელავი	45E29; 41N55	35	106.0	0.5	40
6	ბორჯომის ანძა	43E22; 41N49	30	107.4	0.25	20
7	ბაკურიანი	43E31; 41N44	20	107.0	0.025	10
8	ახალქალაქის ანძა	43E25; 41N21	60	107.4	0.5	35
9	ახალციხის ანძა	42E57; 41N38	35	104.6	0.25	25
10	ფასანაური	44E41; 42N21	30	107.4	0.25	20
11	გუდაური	44E53; 42N20	30	101.6	0.025	10
12	ყაზბეგი, ელ. კავშირის ანძა	44E39; 42N39	25	107.4	0.25	20
13	დმანისის ანძა	44E13; 41N22	150	101.0	1	50
14	დ. წყაროს ანძა	46E08; 41N27	180	100.6	1	50
15	ჭიათურის ანძა	43E16; 42N17	50	107.4	0.25	35

დ) მაუწყებლობის გავრცელების გეოგრაფიული ზონა: გადამცემი სადგურების ტექნიკური პარამეტრების შესაბამისი მომსახურების სახმელეთო ტერიტორია, რომელიც პირობითად შემოსაზღვრულია ამ ტერიტორიაზე განთავსებული სადგურის ან/და სადგურების მიერ შექმნილი სამაუწყებლო დონის სიგნალის ზღვრული მინიმალური მნიშვნელობის მქონე წერტილთა ერთობლიობის მომვლებით.

ე) დღე–ღამის განმავლობაში მაუწყებლობის მინიმალურ ხანგრძლივობად განისაზღვროს 6 საათი.

2. შევიდეს ცვლილება 2005 წლის 21 იანვრის №40/1 გადაწყვეტილების მე-2 პუნქტში - ამოღებულ იქნას ლ) ქვეპუნქტი;

3. დაევალოს კომისიის აპარატის ადმინისტრაციულ დეპარტამენტს:

ა) სათანადო მონაცემების კომისიის სალიცენზიო რეესტრში შეტანა (ნ.ლორთქიფანიძე);

ბ) სალიცენზიო მოწმობის გაცემის უზრუნველყოფა (ნ. ლორთქიფანიძე);

გ) ლიცენზიის მოდიფიცირების თაობაზე ინფორმაციის სსიპ „საქართველოს საკანონმდებლო მაცნეში“ გაგზავნის უზრუნველყოფა (მ. ქადეიშვილი);

დ) აღნიშნული გადაწყვეტილების დამოწმებული ასლის შპს ტელე-რადიო კომპანია “მწვანე ტალღისთვის” გაგზავნა (ნ. ჯავახიძე);

4. გადაწყვეტილება ძალაში შევიდეს შპს ტელე-რადიო კომპანია “მწვანე ტალღისთვის” აღნიშნული გადაწყვეტილების დამოწმებული ასლის ჩაბარების დღიდან;

5. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, დ.აღმაშენებლის ხეივანი, მე–12 კმ; №6) ერთი თვის ვადაში;

6. კონტროლი აღნიშნული გადაწყვეტილების შესრულებაზე დაევალოს კომისიის აპარატის ადმინისტრაციულ დეპარტამენტს (ი. ხარებავა).

კომისიის თავმჯდომარის

მოვალეობის შემსრულებელი სოფიო ბრიტანჩუკი

კომისიის წევრი აკაკი სიხარულიძე

კომისიის წევრი ირაკლი მოსეშვილი