საქართველოს კომუნიკაციების ეროვნული კომისიის 2014 წლის ბიუჯეტის განხილვისა და დამტკიცების შესახებ

საქართველოს კომუნიკაციების ეროვნული კომისიის  2014  წლის ბიუჯეტის განხილვისა და დამტკიცების შესახებ

            საქართველოს კომუნიკაციების ეროვნული კომისია (შემდგომში “კომისია”) აღნიშნავს, რომ კომისიის  2014  წლის ბიუჯეტის პროექტი შედგენილია კომისიის მუშაობის განვლილი პერიოდისა და 2013 წლის ცხრა თვის ბიუჯეტის შესრულების ფაქტიური მაჩვენებლების გათვალისწინებით, სადაც ასახულია მიმდინარე ეტაპზე კომისიის ფუნქციონირების სრულყოფისა და განვითარებისათვის აუცილებელი ხარჯები.

          2014  წლის სავარაუდო ხარჯების მოცულობა  განისაზღვრა 8,459,900.00  ლარით.

         კომისიის 2014  წლის ბიუჯეტის პროექტის ხარჯვითი ნაწილის მუხლებში ისევე, როგორც 2012-2013 წლების კომისიის ბიუჯეტში, კვლავ ცალკეა გამოყოფილი  მომხმარებელთა ინტერესების საზოგადოებრივი დამცველის სამსახურის ხარჯები შრომის ანაზღაურების ხარჯების ჩათვლით. „მომხმარებელთა უფლებების დაცვის შესახებ“ და „დამოუკიდებელი ეროვნული მარეგულირებელი ორგანოების შესახებ” საქართველოს კანონების თანახმად, მომხმარებელთა უფლებებისა და კანონიერი ინტერესების დაცვის დამატებითი გარანტიების შესაქმნელად მარეგულირებელ ორგანოსთან, აპარატისგან დამოუკიდებლად, ჩამოყალიბებული მომხმარებელთა ინტერესების საზოგადოებრივი დამცველის სამსახური, რომლის საქმიანობაც ასევე რეგულირების შემადგენელი ნაწილია, ფინანსდება რეგულირების საფასურიდან და აისახება მარეგულირებელი ორგანოს ბიუჯეტში. აქედან გამომდინარე, კომისიის 2014 წლის   ბიუჯეტის პროექტის ხარჯვით  ნაწილში გათვალისწინებულია „დამოუკიდებელი  ეროვნული მარეგულირებელი ორგანოების შესახებ“  საქართველოს კანონის  მე-154 მუხლის მოთხოვნები.

          2014 წლის ბიუჯეტის პროექტში ასახულია, ასევე, კომისიის აპარატის შრომის ანაზღაურებაზე გასანაწილებელი თანხა, რომელიც 2014 წლისათვის დაიგეგმა  4,865,000.00 ლარის ოდენობით (მომხმარებელთა ინტერესების საზოგადოებრივი დამცველის სამსახურის  შრომის ანაზღაურების ხარჯების გარეშე) საბიუჯეტო ანარიცხების ჩათვლით.

         მნიშვნელოვანი ცვლილებაა აგრეთვე კომისიის ბიუჯეტის სამეცნიერო-კვლევითი და საკონსულტაციო სამუშაოთა ხარჯების მუხლში, რომელიც ძირითადად გამოწვეულია იმით, რომ 2013 წელს ვერ განხორციელდა კომისიის ბიუჯეტით განსაზღვრული, კომისიის საქმიანობის ეფექტიანობის გაზრდისათვის დაგეგმილი აუცილებელი სხვადასხვა სახის კვლევები. ამ მუხლში გათვალისწინებულია, აგრეთვე, როგორც ადგილობრივი, ასევე უცხოელი სპეციალისტების და ექსპერტების მონაწილეობით განსახორციელებელი, კომისიისათვის მნიშვნელოვანი და აუცილებელი კვლევების დაფინანსება.

         საქართველოს კანონმდებლობით გათვალისწინებული, კომისიის ფუნქციებისა და უფლებამოსილებების ნორმალური და შეუფერხებელი შესრულების უზრუნველსაყოფად, კომისიამ, 2013 წლის ბიუჯეტის ფაქტიური ხარჯებიდან გამომდინარე, საბიუჯეტო მუხლების  მნიშვნელოვანი ცვლილებებით (შემოსავლებისა და ხარჯების კუთხით) შეიმუშავა  2014  წლის კომისიის ბიუჯეტის პროექტი, სადაც ასახულია კომისიის აუცილებელი ხარჯები.

            „ელექტრონული კომუნიკაციების შესახებ” საქართველოს კანონის მე-12 მუხლის და „მაუწყებლობის შესახებ” საქართველოს კანონის მე-12 მუხლის შესაბამისად, კომისიამ, კენჭისყრის შედეგად, ხმათა უმრავლესობით

გადაწყვიტა:

1. დამტკიცდეს კომისიის 2014  წლის ბიუჯეტი, თანდართული სახით:

2. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დავით აღმაშენებლის ხეივანი მე-12 კმ. N6)  ერთი თვის ვადაში;

3. კონტროლი აღნიშნული გადაწყვეტილების შესრულებაზე დაევალოს კომისიის  აპარატის საფინანსო  დეპარტამენტს ( ი. აბულაძე ).

                   კომისიის თავმჯდომარის                                                 

                      მოვალეობის შემსრულებელი                                            ა. სიხარულიძე

                      კომისიის წევრი                                                            ი. მოსეშვილი