კონტაქტი

საქართველოს კომუნიკაციების ეროვნულმა კომისიამ (შემდგომში “კომისია”) განიხილა რა, კომისიის 2013 წლის 22 თებერვლის №18 სხდომაზე წარმოდგენილი დღის წესრიგის პროექტი, საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად და კომისიის აპარატის მუშაობის წესის მე-2 მუხლის მე-13, მე–15, მე–16 და მე-18 პუნქტების საფუძველზე, კენჭისყრის შედეგად ერთხმად

გადაწყვიტა:

1. გადატანილ იქნეს კომისიის 2013 წლის 22 თებერვლის №18 სხდომის დღის წესრიგის პროექტის მე–12 საკითხის (სს ”სილქნეტის” მიერ წარმოდგენილი ინფორმაციის კომერციულ საიდუმლოებად ცნობის შესახებ) განხილვა 2013 წლის 01 მარტის კომისიის სხდომაზე დამატებითი შესწავლის მიზნით, კონკურენციის ხელშეწყობის დეპარტამენტის შუამდგომლობის საფუძველზე;

2. კომისიის 2013 წლის 22 თებერვლის №18 სხდომის დღის წესრიგში დამატებით შეტანილ იქნეს (ორი) საკითხი:

ა) შპს დამოუკიდებელი ტელერადიოკომპანია „ოდიშისთვის“ რადიოსიხშირული სპექტრით სარგებლობის ლიცენზიის გაცემის შესახებ (მომხს. მ. ქადეიშვილი);

ბ) შპს „სტერეო +“-ის რადიოსიხშირული სპექტრით სარგებლობის №F13 ლიცენზიის მოდიფიცირებისა და კომისიის 2006 წლის 2 ივნისის №235/1 გადაწყვეტილებაში ცვლილების შეტანის მიზნით საჯარო ადმინისტრაციული წარმოების დაწყების შესახებ (მომხს. მ. ქადეიშვილი).

3. კომისიის 2013 წლის 22 თებერვლის №18 სხდომის დღის წესრიგი დამტკიცდეს წარმოდგენილი სახით (თან ერთვის);

4. გადაწყვეტილება ცალკე გასაჩივრებას არ ექვემდებარება;

5. კონტროლი აღნიშნული გადაწყვეტილების შესრულებაზე დაევალოს ადმინისტრაციულ დეპარტამენტს (ი.ხარებავა).

კომისიის წევრი		კარლო კვიტაიშვილი
კომისიის წევრი		სოფიო ბრიტანჩუკი
კომისიის წევრი		აკაკი სიხარულიძე
კომისიის წევრი		ირაკლი მოსეშვილი