საქართველოს კომუნიკაციების ეროვნული კომისიის 2014 წლის 27 თებერვლის № 106/7 გადაწყვეტილებაში ცვლილებების შეტანის თაობაზე

საქართველოს კომუნიკაციების ეროვნული კომისიის 2014 წლის 27 თებერვლის № 106/7 გადაწყვეტილებაში  ცვლილებების შეტანის თაობაზე

საქართველოს კომუნიკაციების ეროვნული კომისია (შემდგომში “კომისია") აღნიშნავს, რომ სს „საქართველოს რკინიგზამ” (რეგისტრირებული ჩუღურეთის რ-ის სასამართლოს მიერ, რეგ. №03/4-965; ს. კ. № 202886010)  კომისიას მიმართა განცხადებით (კომისიაში რეგისტრაციის №7/201-14, 16.05.14) ქ. ბათუმსა და ქ. გარდაბანში მინიჭებული 152.500 მჰც სიხშირის მოქმედების გეოგრაფიული ზონის გაზრდის  თაობაზე.

კომისია აღნიშნავს, რომ კომისიის 2014 წლის 27 თებერვლის  N 106/7 გადაწყვეტილებით სს ”საქართველოს რკინიგზას”  მიეცა  რადიოსიხშირული სპექტრით სარგებლობის № F 714  ნებართვა და მიენიჭა ოცდაექვსი  სიხშირე, ამავე გადაწყვეტილების დანართით განსაზღვრული ჩამონათვალის მიხედვით,    საქართველოს სხვადასხვა ტერიტორიაზე, ერთი წლის ვადით.

კომისია ასევე აღნიშნავს, რომ განიხილა ზემოაღნიშნული საკითხი და შესაძლებლად მიაჩნია სს ”საქართველოს რკინიგზისთვის” ქ. ბათუმსა და ქ. გარდაბანში  მინიჭებული   152.500 მჰც სიხშირით სარგებლობა დამატებით გავრცელდეს დედოფლისწყაროს ტერიტორიაზე.

საქართველოს ზოგადი ადმინისტრაციული კოდექსის 63-ე  მუხლის შესაბამისად,  კომისიამ კენჭისყრის შედეგად, ერთხმად

გადაწყვიტა:

1. შევიდეს ცვლილება კომისიის 2014  წლის 27 თებერვლის  N 106/7  გადაწყვეტილებაში, კერძოდ ამავე გადაწყვეტილების დანართით გათვალისწინებული 152.500 მჰც სიხშირით სარგებლობა დამატებით გავრცელდეს დედოფლისწყაროს ტერიტორიაზე.

2. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დ.აღმაშენებლის ხეივანი მე-12 კმ №6) ერთი თვის ვადაში;   

3.კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის დეპარტამენტს (ს. შავგულიძე); 

4.    გადაწყვეტილება ძალაში შევიდეს ამ გადაწყვეტილების დამოწმებული სს ”საქართველოს რკინიგზისთვის”  ჩაბარებისთანავე. 

კომისიის თავმჯდომარე                                                                                                  ვ. აბაშიძე           

კომისიის წევრი                                                                                                                                   ს. ბრიტანჩუკი

კომისიის წევრი                                                                                                                                   ა. სიხარულიძე

კომისიის წევრი                                                                                                                                   კ. ბექაური

კომისიის წევრი                                                                                                                                   ი. მოსეშვილი

საქართველოს  კომუნიკაციების  ეროვნული კომისიის

                                                                                2014 წლის 12 ივნისის   N          გადაწყვეტილების

                                                                                                                                    დანართი  1

სამუშაო სიხშირეები და მოქმედების ზონა