შპს “სტუდია ტივის“-ის 100% წილის შპს „სუპერ ტვ“-ის მიერ შეძენაზე თანხმობის მიცემის შესახებ

A.F.1.

ადგილობრივი დაშვების (სადენიანი) ქსელითა და/ან (სადენიანი) ქსელის ტერმინალური საშუალებებით უზრუნველყოფა

ტელემაუწყებლობის ტრანზიტი

- ინფორმაცია კომპანიის საფირმო სახელწოდების, საქმიანობის სახისა და სარეგისტრაციო მონაცემების შესახებ;

- შპს “სტუდია ტივი“-ს დირექტორის, დამფუძნებელის - და მისი წილობრივი მონაწილეობის შესახებ;

- შპს “სტუდია ტივი“-ს  შემოსავლების შესახებ;

- შპს “სტუდია ტივი“-ს  აბონენტების რაოდენობის შესახებ;

- შპს “სტუდია ტივი“-ს ურთიერთდამოკიდებული/აფილირებული პირების შესახებ;

წარმოდგენილი ინფორმაციის თანახმად, შპს “სტუდია ტივი“-ს  დამფუძნებელი არის ფიზიკური პირი: თემურ გაფრინდაშვილი (პ/ნ 01025007279)  - წილის 100%-ის მფლობელი, რომელიც თავის კუთვნილ წილს ასხვისებს სრულად შპს „სუპერ ტვ“-ზე (ს/კ 400015201).

შპს “სტუდია ტივი“-ს მიერ წარმოდგენილი ინფორმაციით,  შპს „სუპერ ტვ“-ის 2014 წლის 16 სექტემბრის განცხადებით (კომისიაში რეგისტრაციის №6/5674-14, 16.09.2014წ.), ასევე შპს „სუპერ ტვ“-ის 2014 წლის 18 სექტემბრის №222 წერილით (კომისიაში რეგისტრაციის №6/5734-14, 18.09.2014წ.) წარმოდგენილი დოკუმენტაციის თანახმად, შპს “სუპერ ტვ“-ის 100%-იანი წილის მფლობელია კომპანია „Super TV S.A.(სუპერ ტვ ეს. ეი)“, რომლის ბენეფიციარი მესაკუთრეები არიან ზურაბ ჩიგოგიძე წილის - 90% მფლობელი  და ეთერი მებუკე - წილის 10% მფლობელი.

აღნიშნულ საკითხთან დაკავშირებით კომისიას  2014 წლის 24 სექტემბერს №226 წერილით მიმართა შპს "სუპერ ტვ“-იმ  (კომისიაში რეგისტრაციის №6/5938-14 24.09.2014), სადაც კომისიას დამატებით აცნობა შპს "სუპერ ტვ“-ის 100% პარტნიორის „Super TV S.A.(სუპერ ტვ ეს. ეი)“-ის 90% წილის მფლობელის ბენეფიციარი მესაკუთრეს  ზურაბ ჩიგოგიძის აფილირების შესახებ სხვა ავტორიზებულ პირებთან. კერძოდ, საქართველოს მოქალაქე ზურაბ ჩიგოგიძე (პ/ნ  01008004061) არის:

1. ავტორიზებული პირი - შპს "BLACK SEA TELECOM"-ში (ს/კ 610953) 10% წილის მფლობელი (მესაკუთრე) პარტნიორი;

2. ავტორიზებული პირი - შპს "ტელეკომპანია თბილისი"-ს (ს/კ 202063818) 70% წილის მფლობელი (მესაკუთრე) პარტნიორი;

3. ავტორიზებული პირი - შპს "ჯეოტელი"-ს (ს/კ 205034979) 100% წილის მფლობელი (მესაკუთრე) პარტნიორი.

ზემოაღნიშნული წერილით შპს "სუპერ ტვ“-იმ  კომისიას ასევე აცნობა, რომ შპს "სუპერ ტვ“-ის 100% პარტნიორის „Super TV S.A.(სუპერ ტვ ეს. ეი)“-ის 10% წილის მფლობელი ბენეფიციარი მესაკუთრე  ეთერი მებუკე (პ/ნ 01011039022), არ ფლობს წილებს სხვა ავტორიზებულ პირებში.

კომისია ასევე აღნიშნავს, რომ კომისიის უწყებრივი რეესტრის მონაცემებით:

1. შპს"BLACK SEA TELECOM“-ი წარმოადგენს ავტორიზებულ პირს და მას ავტორიზაცია გავლილი აქვს ელექტრონული საკომუნიკაციო მომსახურების შემდეგ სახეებზე:

2. შპს"ჯეოტელი" წარმოადგენს ავტორიზებულ პირს და მას ავტორიზაცია გავლილი აქვს ელექტრონული საკომუნიკაციო მომსახურების შემდეგ სახეებზე:

3. შპს"ტელეკომპანია თბილისი", როგორც მაუწყებელი, ფლობს კერძო მაუწყებლობის №B88 ლიცენზიას, შემდეგი სალიცენზიო პირობებით:

ა) ლიცენზიის სახე: კერძო მაუწყებლობა;

ბ) ლიცენზიის სახეობა: სპეციალიზებული (გასართობი) ტელემაუწყებლობა.

             ავტორიზებული პირების აფილირების დადგენის მიზნით კომისიამ წერილობით (კომისიის 29.09.2014წ. №08/2012-14 წერილი) მიმართა შპს „სუპერ ტვ“-ის და მოითხოვა ინფორმაცია შპს"BLACK SEA TELECOM"-ის (ს/კ 610953) 90% წილის მფლობელი იურიდიული პირის "ცენტრინვესტ ინტერნეშენელი"-ს პარტნიორთა აქციების ან/და წილის მფლობელთა შესახებ ისე, რომ  შესაძლებელი გამხდარიყო დადგენა ბენეფიციარი მესაკუთრეს ან/და მესაკუთრეების.

აღნიშნულ საკითხთან დაკავშირებით კომისიას 2014 წლის 1 ოქტომბრის №236 წერილით (კომისიის 01.10.2014წ. №6/6025-14 წერილი) მიმართა  შპს „სუპერ ტვ“-იმ, სადაც კომისიას აცნობა, რომ ზურაბ ჩიგოგიძე არის  შპს"BLACK SEA TELECOM"-ის პორთფელური პარტნიორი და მას არ გააჩნია ბერკეტი მოიძიოს ინფორმაცია "ცენტრინვესტ ინტერნეშენელი"-ს პარტნიორთა აქციების ან/და წილის მფლობელთა შესახებ.

კომისია ასევე აღნიშნავს, რომ შპს “სუპერ ტვ“ წარმოადგენს ავტორიზებულ პირს და მას ავტორიზაცია გავლილი აქვს ელექტრონული საკომუნიკაციო მომსახურების შემდეგ სახეებზე:

კომისიის აპარატის ადმინისტრაციული დეპარტამენტის 2014 წლის 8 სექტემბრის №10/1455-14 სამსახურებრივი ბარათის თანახმად,  შპს “სუპერ ტვ“-ის (ს/კ 400015201), კომპანია „Super TV S.A.(სუპერ ტვ ეს. ეი)“-ის,  ფიზიკური პირი - შალვა დოლიძის (პ/ნ 01024014034) და ასევე  შპს “სტუდია ტვ“-ის (ს/კ 202336016) აფილირებულობა სხვა ავტორიზებულ პირებთან არ დგინდება.

კომისიის აპარატის ინფორმაციულ-ანალიტიკური დეპარტამენტის 2014 წლის 8 სექტემბრის  №10/1452-14 სამსახურებრივი ბარათის თანახმად, შპს “სტუდია ტივი“-ი ახორციელებს ტელემაუწყებლობის ტრანზიტს ქალაქ თბილისში. შესაბამისად შპს “სტუდია ტივი“-ს  მიერ ელექტრონული საკომუნიკაციო მომსახურების სფეროში ავტორიზებული საქმიანობიდან მიღებულმა  შემოსავლებმა 2013 წლის იანვრიდან 2014 წლის ივლისის თვის ჩათვლით შეადგინა - 302 234 ლარი. აბონენტთა საერთო რაოდენობამ 2014 წლის 1 აგვისტოს მდგომარეობით შეადგინა  1 529 აბონენტი.

 წარმოდგენილი მონაცემების საფუძველზე ქალაქ თბილისში კომპანიების მიერ ტელემაუწყებლობის ტრანზიტით მომსახურე აბონენტთა საერთო რაოდენობაში, შპს “სტუდია ტივი“-ს  აბონენტთა ხვედრითი წილი 2014  წლის 1 აგვისტოს მდგომარეობით შეადგენდა - 0,69%-ს, ხოლო ქალაქ თბილისში კომპანიების მიერ ტელემაუწყებლობის ტრანზიტით მომსახურებიდან მიღებულ მთლიან შემოსავლებში, შპს “სტუდია ტივი“-ს  შემოსავლების ხვედრითი წილი 2013 წლის იანვრის თვიდან 2014 წლის აგვისტოს თვის ჩათვლით შეადგენდა - 0,66 %-ს.

კომისიის აპარატის ინფორმაციულ-ანალიტიკური დეპარტამენტის 2014 წლის 8 სექტემბრის  №10/1453-14 სამსახურებრივი ბარათის თანახმად, შპს “სუპერ ტვ“-ი ახორციელებს მაუწყებლობის ტრანზიტს ქალაქ თბილისში. შესაბამისად, შპს “სუპერ ტვ“-ის  მიერ ელექტრონული საკომუნიკაციო მომსახურების სფეროში ავტორიზებული საქმიანობიდან მიღებულმა  შემოსავლებმა 2013 წლის იანვრიდან 2014 წლის ივლისის თვის ჩათვლით შეადგინა - 8 144 358 ლარი. აბონენტთა საერთო რაოდენობამ 2014 წლის 1 აგვისტოს მდგომარეობით შეადგინა 49 180 აბონენტი.

 წარმოდგენილი მონაცემების საფუძველზე ქალაქ თბილისში კომპანიების მიერ მაუწყებლობის ტრანზიტით მომსახურე აბონენტთა საერთო რაოდენობაში, შპს “სუპერ ტვ“-ის  აბონენტთა ხვედრითი წილი 2014  წლის 1 აგვისტოს მდგომარეობით შეადგენდა - 22,10%-ს, ხოლო ქალაქ თბილისში კომპანიების მიერ მაუწყებლობის ტრანზიტით მომსახურებიდან მიღებულ მთლიან შემოსავლებში, შპს “სუპერ ტვ“-ის  შემოსავლების ხვედრითი წილი 2013 წლის იანვრის თვიდან 2014 წლის ივლისის თვის ჩათვლით შეადგენდა - 17,89 %-ს.

კომისია ასევე აღნიშნავს, რომ კომისიის ინფორმაციულ-ანალიტიკური დეპარტამენტის 2014 წლის 10 ოქტომბრის №10/1673-14 სამსახურებრივი ბარათის თანახმად, კომისიის საერთო-სტატისტიკურ ბაზაში შპს "ჯეოტელი" (ს/კ 205034979) 2013 წლის იანვრის თვიდან 2014 წლის ივლისის თვის ჩათვლით პერიოდში წარმოადგენს ნულოვან შემოსავალს, შპს "ტელეკომპანია თბილისი"-ს (ს/კ 202063818) ხვედრითი წილი სამაუწყებლო შემოსავლების მიხედვით 2013 წლის იანვრის თვიდან 2014 წლის ივლისის თვის ჩათვლით პერიოდში შეადგინა 0,43%, შპს "BLACK SEA TELECOM"-ის (ს/კ 610953) ხვედრითი წილი საცალო ინტერნეტ შემოსავლების მიხედვით  WiMax ტექნოლოგიიდან 2013 წლის იანვრის თვიდან 2014 წლის ივლისის თვის ჩათვლით პერიოდში შეადგინა 0,06%, ხოლო აბონენტების რაოდენობის ხვედრითმა წილმა  2014 წლის 1 აგვისტოს მდგომარეობით შეადგინა 0,09%.

            ყოველივე ზემოაღნიშნულიდან გამომდინარე, შპს “სტუდია ტივი“-ს   წილის 100%-ის შპს „სუპერ ტვ“-ის  მიერ  შეძენის შემთხვევაში, აღნიშნული ტრანზაქცია ვერ მოახდენს რაიმე გავლენას ელექტრონულ საკომუნიკაციო ბაზარზე არსებულ კონკურენციაზე.

კომისიამ მიიჩნია, რომ არ არსებობს შპს “სტუდია ტივი“-ს  წილის 100%-ის შპს „სუპერ ტვ“-ის  მიერ  შეძენაზე წინასწარი თანხმობის მიცემის დამაბრკოლებელი გარემოებები.   

“ელექტრონული კომუნიკაციების შესახებ“ საქართველოს კანონის 25-ე, 26-ე და 27-ე მუხლების შესაბამისად, კომისიამ კენჭისყრის შედეგად, ერთხმად

გ ა დ ა წ ყ ვ ი ტ ა :

1. მიეცეს თანხმობა შპს “სტუდია ტივი“-ს, შპს “სტუდია ტივი“-ს  წილის 100%-ის შპს „სუპერ ტვ“-ის მიერ  შეძენაზე.

2. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი, ქ. თბილისი, დ. აღმაშენებლის ხეივანი, მე-12 კმ., №6), კომისიის მიერ ამ გადაწყვეტილების მიღების დღიდან ერთი თვის ვადაში;

3. გადაწყვეტილება ძალაში შედის კომისიის მიერ ამ გადაწყვეტილების მიღების დღიდან;

4. კონტროლი აღნიშნული გადაწყვეტილების შესრულებაზე დაევალოს კომისიის აპარატის კონკურენციის ხელშეწყობის დეპარტამენტს (ე. ასანიძე). 

         კომისიის თავმჯდომარე                                                  ვახტანგ აბაშიძე

         კომისიის წევრი                                                                კახი ბექაური

         კომისიის წევრი                                                                აკაკი სიხარულიძე