შპს „მზერა ტივის” კერძო მაუწყებლობის № B135 ლიცენზიის გაუქმებისა და კომისიის 2013 წლის 3 იანვრის №02/1 გადაწყვეტილების ძალადაკარგულად გამოცხადების შესახებ

შპს „მზერა ტივის” კერძო მაუწყებლობის № B135 ლიცენზიის გაუქმებისა და კომისიის 2013 წლის 3 იანვრის №02/1 გადაწყვეტილების ძალადაკარგულად გამოცხადების შესახებ

საქართველოს კომუნიკაციების ეროვნული კომისია (შემდგომში “კომისია”) აღნიშნავს, რომ კომისიას განცხადებით მიმართა შპს „მზერა ტივიმ” (კომისიაში რეგისტრაციის №7/532-13, 19.12.2013წ.) კერძო მაუწყებლობის №B135 ლიცენზიის გაუქმების მოთხოვნით. როგორც განცხადებაშია აღნიშნული კომპანიამ ვერ უზრუნველყო პრაქტიკული საქმიანობის დაწყება და შესაბამისად ითხოვს ლიცენზიის გაუქმებას.

კომისია აღნიშნავს, რომ კომისიის 2013 წლის 3 იანვრის №02/1 გადაწყვეტილების შესაბამისად, შპს ”მზერა ტვ” ფლობს კერძო მაუწყებლობის №B135 ლიცენზიას შემდეგი სალიცენზიო პირობებით:

ა) ლიცენზიის სახე: კერძო მაუწყებლობა;

ბ) ლიცენზიის სახეობა: საერთო ტელემაუწყებლობა;

გ) ლიცენზიის მოქმედების ვადა: 2023 წლის 3 იანვრამდე;

დ) მაუწყებლობის ტექნიკური პარამეტრები და გავრცელების გეოგრაფიული ზონა: ტელემაუწყებლობა თანამგზავრული სისტემების მიწისზედა და ორბიტალური სადგურების გამოყენებით - საქართველოს ტერიტორიაზე;

კომისია აღნიშნავს, რომ ,,მაუწყებლობის შესახებ” საქართველოს კანონის 74-ე მუხლის პირველი პუნქტის ა) ქვეპუნქტის შესაბამისად, ლიცენზიის მფლობელის მოთხოვნა წარმოადგენს ლიცენზიის გაუქმების საფუძველს.  ამავე კანონის 38–ე მუხლის მე-4 პუნქტის შესაბამისად, მაუწყებლობის სფეროში ლიცენზიის გაცემა, მოდიფიცირება, ლიცენზიის მოქმედების ვადის გაგრძელება, მოქმედების შეჩერება და ლიცენზიის გაუქმება ხორციელდება საჯარო ადმინისტრაციული წარმოების წესით, შესაბამისად, კომისიის 2014 წლის 9 იანვრის  №11/23 გადაწყვეტილებით დაიწყო საჯარო ადმინისტრაციული წარმოება შპს „მზერა ტივის” კერძო მაუწყებლობის № B135 ლიცენზიის ამავე ლიცენზიის მფლობელის მოთხოვნის საფუძველზე გაუქმებისა და კომისიის 2013 წლის 3 იანვრის №02/1 გადაწყვეტილების ძალადაკარგულად გამოცხადების შესახებ.

                საკითხის ზეპირი მოსმენა გაიმართა 2014 წლის 6 თებერვალს 16:00 საათზე. სხდომას ესწრებოდა შპს „მზერა ტივის” გენერალური დირექტორი ბადრი ბერაია. გამომდინარე იქიდან, რომ ზეპირი მოსმენისას არ გამოვლენილა          შპს „მზერა ტივის” კერძო მაუწყებლობის №B135 ლიცენზიის გაუქმების დამაბრკოლებელი გარემოებები კომისიას მიზანშეწონილად მიაჩნია ზეპირი მოსმენის სხდომაზევე მიიღოს გადაწყვეტილება ზემოაღნიშნული ლიცენზიის გაუქმებისა და კომისიის 2013 წლის 3 იანვრის №02/1 გადაწყვეტილების ძალადაკარგულად გამოცხადების შესახებ.

ზემოაღნიშნულის გათვალისწინებით, ”მაუწყებლობის შესახებ” საქართველოს კანონის 74-ე მუხლის პირველი პუნქტის ა) ქვეპუნქტის, 38-ე მუხლის მე–4 პუნქტის,  საქართველოს ზოგადი ადმინისტრაციული კოდექსის 115-ე მუხლისა და IX თავის, „ეროვნული მარეგულირებელი ორგანოს შესახებ“ საქართველოს  კანონის  მე-16 მუხლის მე-4 პუნქტის შესაბამისად, კომისიამ კენჭისყრის შედეგად, ერთხმად

გადაწყვიტა:

1. გაუქმდეს შპს „მზერა ტივის” კერძო მაუწყებლობის № B135 ლიცენზია და ძალადაკარგულად გამოცხადდეს კომისიის 2013 წლის 3 იანვრის №02/1 გადაწყვეტილება;

2. დაევალოს კომისიის აპარატის ადმინისტრაციულ დეპარტამენტს:

ა) სათანადო მონაცემების კომისიის სალიცენზიო რეესტრში შეტანა  (ნ.ლორთქიფანიძე);

ბ) ლიცენზიის გაუქმების თაობაზე ინფორმაციის სსიპ „საქართველოს საკანონმდებლო მაცნეში“ გაგზავნის უზრუნველყოფა (მ. ქადეიშვილი);

გ) აღნიშნული გადაწყვეტილების დამოწმებული ასლის შპს „მზერა ტივისთვის” გაგზავნა (ნ. ჯავახიძე);

4. გადაწყვეტილება ძალაში შევიდეს შპს „მზერა ტივისთვის” აღნიშნული გადაწყვეტილების დამოწმებული ასლის ჩაბარების დღიდან;

5. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, დ.აღმაშენებლის ხეივანი, მე–12 კმ; №6) ერთი  თვის ვადაში;

6. კონტროლი აღნიშნული გადაწყვეტილების შესრულებაზე დაევალოს კომისიის აპარატის ადმინისტრაციულ დეპარტამენტს (ი. ხარებავა).

კომისიის თავმჯდომარის

მოვალეობის შემსრულებელი                                                                                     აკაკი სიხარულიძე  

კომისიის წევრი                                                                                                                სოფიო ბრიტანჩუკი

კომისიის წევრი                                                                                                                კახი ბექაური    

კომისიის წევრი                                                                                                                ირაკლი მოსეშვილი