შპს დამოუკიდებელი ტელეკომპანია „ეგრისისთვის“ რადიოსარელეო სიხშირის მინიჭების შესახებ

შპს დამოუკიდებელი ტელეკომპანია „ეგრისისთვის“  რადიოსარელეო სიხშირის მინიჭების შესახებ

      საქართველოს კომუნიკაციების ეროვნული კომისია (შემდეგში “კომისია“) აღნიშნავს, რომ შპს დამოუკიდებელმა ტელეკომპანია „ეგრისმა“ კომისიას მიმართა განცხადებით (№27,23.10.14)  ქ.სენაკში, სატელევიზიო სტუდიიდან (ახალგაზრდობის ქ. №9) სენაკის სატელევიზიო  ანძამდე  სატელევიზიო სიგნალის მიწოდებისთვის, 3გჰც÷4გჰც დიაპაზონში რადიოსარელეო სიხშირის მინიჭების მოთხოვნით.

     კომისია   აღნიშნავს,   რომ   შპს დამოუკიდებელი ტელეკომპანია „ეგრისი“   ფლობს ქ.სენაკში  კერძო ტელემაუწყებლობის (საერთო მაუწყებლობა)  ლიცენზიას № B28 (ვადა 17.06.15), პირველ სატელევიზიო არხზე 10ვტ სიმძლავრის  სატელევიზიო გადამცემით მაუწყებლობაზე.

       შპს  დამოუკიდებელი ტელეკომპანია „ეგრისისთვის“     ქ. სენაკში, სატელევიზიო სტუდიიდან (ახალგაზრდობის ქ. №9) სენაკის სატელევიზიო  ანძამდე  სატელევიზიო სიგნალის მიწოდებისთვის, შერჩეულ იქნა სიხშირე 3880 მჰც ± 14 მჰც,  ზოლის სიგანით  28მჰ  სიხშირე გათვალისწინებულია    ქ. სენაკში, შპს  დამოუკიდებელი ტელეკომპანია „ეგრისის“     სატელევიზიო  სტუდიიდან (ახალგაზრდობის ქ. №9) სენაკის სატელევიზიო  ანძამდე  სატელევიზიო სიგნალის მისაწოდებლად,  დამხმარე ტექნოლოგიური დანიშნულებით გამოყენებისათვის, სალიცენზიო პირობების შესრულების უზრუნველსაყოფად.

   „მაუწყებლობის შესახებ“ საქართველოს კანონის 75-ე მუხლის მე-2  პუნქტის  შესაბამისად, კომისიამ  კენჭისყრის  შედეგად,  ერთხმად

გადაწყვიტა:

1.   მიენიჭოს შპს დამოუკიდებელ ტელეკომპანია „ეგრისს“  სიხშირე 3880 მჰც ± 14 მჰც,  ზოლის სიგანით  28მჰც  ქ.სენაკში სატელევიზიო  სტუდიიდან (ახალგაზრდობის ქ. №9) სენაკის სატელევიზიო  ანძამდე  სატელევიზიო სიგნალის მიწოდებისთვის, დამხმარე ტექნოლოგიური დანიშნულებით, კერძო ტელემაუწყებლობის (საერთო მაუწყებლობა)   № B28 ლიცენზიის    მოქმედების    ვადით  (ვადა 17.06.15);

2. აღირიცხოს შპს  დამოუკიდებელი ტელეკომპანია „ეგრისისთვის“ მინიჭებული სიხშირე კომისიის  უწყებრივ რეესტრში (რ.ქურდაძე);

3. საქართველოს კანონმდებლობის ცვლილების შემთხვევაში შპს  დამოუკიდებელი ტელეკომპანია „ეგრისისთვის“  სიხშირის მინიჭების საკითხი შესაბამისობაში იქნას მოყვანილი საქართველოს კანონმდებლობასთან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტაციულ საქმეთა კოლეგიაში (დ.აღმაშენებლის ხეივანი, მე-12 კმ №6)  1 თვის ვადაში;  

5. კონტროლი აღნიშნული გადაწყვეტილების შესრულებაზე დაევალოს რადიოსიხშირეთა  მართვის  დეპარტამენტს  (ს. შავგულიძე);           

6.  გადაწყვეტილება ძალაში შევიდეს ამ გადაწყვეტილების დამოწმებული ასლის  შპს  დამოუკიდებელი ტელეკომპანია „ეგრისისთვის“ ჩაბარებისთანავე.

 კომისიის თავმჯდომარე                                                                          ვ.აბაშიძე

 კომისიის წევრი                                                                                   ს.ბრიტანჩუკი

 კომისიის წევრი                                                                                    ი. მოსეშვილი

 კომისიის წევრი                                                                                      კ.ბექაური