შპს “სკაინეტის“ (ს/კ 412676509) წილის 10%-ის ფიზიკურ პირ კახა ქოჩიაშვილის მიერ შეძენაზე თანხმობის მიცემის შესახებ

“ელექტრონული კომუნიკაციების შესახებ“ საქართველოს კანონის 26-ე მუხლის შესაბამისად, კომისიაში შპს “სკაინეტის“ მიერ წარმოდგენილ იქნა შემდეგი სახის ინფორმაცია:

- ინფორმაცია შპს “სკაინეტის“ დამფუძნებელთა და მათი წილობრივი მონაწილეობის შესახებ;

- ინფორმაცია  შპს “სკაინეტის“ შემოსავლების შესახებ;

- ინფორმაცია  შპს “სკაინეტის“ აბონენტების შესახებ;

- ინფორმაცია შპს “სკაინეტის“ ურთიერთდამოკიდებული/აფილირებული პირების შესახებ;

- შპს “სკაინეტის“ ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან;

წარმოდგენილი ინფორმაციის თანახმად, შპს “სკაინეტის“ პარტნიორები არიან ფიზიკური პირი პაპუნა ყალიჩავა (წილის 10%-ის მფლობელი), ფიზიკური პირი გირშელი ჭოხონელიძე (წილის 10%-ის მფლობელი), ფიზიკური პირი გიორგი ქოჩიაშვილი (წილის 28%-ის მფლობელი) და ფიზიკური პირი კახა ქოჩიაშვილი (წილის 52%-ის მფლობელი).

კომისიის აპარატის ადმინისტრაციული დეპარტამენტის 2014 წლის 6 ნოემბრის № 10/1811-14 სამსახურებრივი ბარათის თანახმად, კომისიის უწყებრივი რეესტრის მონაცემებით, შპს “სკაინეტის“,  ასევე შპს “სკაინეტის“ წილის 10%-ის შეძენის მსურველი ფიზიკური პირის კახა ქოჩიაშვილის აფილირებულობა სხვა კომპანიებთან არ დგინდება.

წარმოდგენილი ინფორმაციის, კომისიის სტატისტიკური ანგარიშგების ფორმების მონაცემების, ასევე კომისიის აპარატის ინფორმაციულ-ანალიტიკური დეპარტამენტის 2014 წლის 30 ოქტომბრის № 10/1768-14 სამსახურებრივი ბარათის საფუძველზე დგინდება, რომ  შპს “სკაინეტის“   ინტერნეტით საცალო მომსახურების (WiFi ტექნოლოგია) აბონენტთა საერთო რაოდენობამ 2014 წლის 1 ოქტომბრის მდგომარეობით შეადგინა 2005 აბონენტი, ხოლო შემოსავლებმა ავტორიზებული საქმიანობიდან 2014 წლის იანვრიდან სექტემბრის თვის ჩათვლით შეადგინა 374610 ლარი.

კომისიის აპარატის ინფორმაციულ-ანალიტიკური დეპარტამენტის მიერ წარმოდგენილი ინფორმაციის საფუძველზე დგინდება, რომ ინტერნეტის საცალო მომსახურების საერთო შემოსავლებში (Fiber-Optic, xDSL, WiFi, WiMax ტექნოლოგიების გამოყენებით) შპს “სკაინეტის“ ხვედრითი წილი საცალო ინტერნეტ მომსახურებიდან (WiFi ტექნოლოგია) 2014 წლის იანვრიდან სექტემბრის თვის ჩათვლით მიღებული შემოსავლების მიხედვით  მუნიციპალიტეტების ჭრილში შემდეგია:

ქუთაისის მუნიციპალიტეტი - 0,19%;

ვანის მუნიციპალიტეტი - 30,75%;

ზესტაფონის მუნიციპალიტეტი - 1,12%;

თერჯოლის მუნიციპალიტეტი - 24,92%;

წყალტუბოს მუნიციპალიტეტი - 16,25%;

ხონის მუნიციპალიტეტი - 0,67%;

სამტრედიის მუნიციპალიტეტი - 1,58%;

ბაღდათის მუნიციპალიტეტი - 28,82%;

ტყიბულის მუნიციპალიტეტი - 13,72%;

            კომისიის აპარატის ინფორმაციულ-ანალიტიკური დეპარტამენტის მიერ წარმოდგენილი ინფორმაციის საფუძველზე დგინდება, რომ 2014 წლის 1 ოქტომბრის მდგომარეობით, ინტერნეტის საცალო მომხმარებლების საერთო რაოდენობაში (Fiber-Optic, xDSL, WiFi, WiMax ტექნოლოგიების გამოყენებით) შპს “სკაინეტის“ საცალო ინტერნეტ მომსახურების (WiFi ტექნოლოგია)  აბონენტთა   ხვედრითი წილი მუნიციპალიტეტების ჭრილში შემდეგია:

ქუთაისის მუნიციპალიტეტი - 0,11%;

ვანის მუნიციპალიტეტი - 29,09%;

ზესტაფონის მუნიციპალიტეტი - 0,94%;

თერჯოლის მუნიციპალიტეტი - 20,48%

წყალტუბოს მუნიციპალიტეტი - 14,34%;

ხონის მუნიციპალიტეტი - 0,19%;

სამტრედიის მუნიციპალიტეტი - 1,27%;

ბაღდათის მუნიციპალიტეტი - 28,40%;

ტყიბულის მუნიციპალიტეტი - 11,13%;

            ყოველივე ზემოაღნიშნულიდან გამომდინარე, შპს “სკაინეტის“ წილის 10%-ის ფიზიკურ პირ კახა ქოჩიაშვილის მიერ შეძენის შემდეგ  ელექტრონულ საკომუნიკაციო ბაზარზე არსებული მდგომარეობა უცვლელი  დარჩება. შესაბამისად, აღნიშნული ტრანზაქცია ვერ მოახდენს რაიმე გავლენას ელექტრონულ საკომუნიკაციო ბაზარზე არსებულ კონკურენციაზე.

კომისიამ მიიჩნია, რომ არ არსებობს შპს “სკაინეტის“ წილის 10%-ის ფიზიკურ პირ კახა ქოჩიაშვილის მიერ შეძენაზე წინასწარ თანხმობის მიცემის დამაბრკოლებელი გარემოებები.   

“ელექტრონული კომუნიკაციების შესახებ“ საქართველოს კანონის 25-ე, 26-ე და 27-ე მუხლების შესაბამისად, კომისიამ კენჭისყრის შედეგად, ერთხმად

გ ა დ ა წ ყ ვ ი ტ ა :

1. მიეცეს თანხმობა შპს “სკაინეტს“, შპს “სკაინეტის“ წილის 10%-ის ფიზიკურ პირ კახა ქოჩიაშვილის მიერ შეძენაზე;

2. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი, ქ. თბილისი, დ. აღმაშენებლის ხეივანი, მე-12 კმ., №6), შპს “სკაინეტისათვის“ ამ გადაწყვეტილების დამოწმებული ასლის ჩაბარების დღიდან, ერთი თვის ვადაში;

3.  გადაწყვეტილება ძალაში შედის გადაწყვეტილების დამოწმებული ასლის შპს “სკაინეტისათვის“ ჩაბარების დღიდან;

4. კონტროლი აღნიშნული გადაწყვეტილების შესრულებაზე დაევალოს კომისიის აპარატის კონკურენციის ხელშეწყობის დეპარტამენტს (ე. ასანიძე).    

       კომისიის თავმჯდომარე                                                        ვახტანგ აბაშიძე                    

       კომისიის წევრი                                                                      კახა ბექაური      

      კომისიის წევრი                                                                       სოფიო ბრიტანჩუკი 

      კომისიის წევრი                                                                       ირაკლი მოსეშვილი